Morgunblaðið - 10.02.2001, Blaðsíða 55

Morgunblaðið/Björn Björnsson
Samgöngumálaráðherra ásamt flugstjórum Íslandsflugs og starfs-
mönnum Alexandersflugvallar.
ÞEGAR farþegar komu að morgni
5. febrúar í afgreiðsluna á Alex-
andersflugvelli á Sauðákróki
blasti við þeim stærðar afmæl-
isrjómaterta á veisluborði og var
tilefnið tíu ára afmæli Íslands-
flugs. Svo skemmtilega vildi til að
samgönguráðherra, Sturla Böðv-
arsson, var farþegi með vélinni frá
Reykjavík og fagnaði hann afmæl-
inu með starfsmönnum félagsins
og farþegum.
Að sögn umboðsmanns Íslands-
flugs á Sauðárkróki, Vigfúsar Vig-
fússonar, hóf félagið flug til Sauð-
árkróks 1. júlí 1997 en það ár var
metár í flutningum um völlinn
enda kepptu þá bæði Flugleiðir,
sem verið höfðu með einkaleyfi á
flugleiðinni, og Íslandsflug um að
veita þjónustuna og flugfargjöld
voru í algjöru lágmarki.
Nú um alllangt skeið hefur að-
eins Íslandsflug sinnt flugi til
Sauðárkróks og sagði Vigfús að
þróunin í flutningum hefði nánast
staðið í stað, þó verið um 4% sam-
dráttur og nýting véla á haustmán-
uðum verið um það bil 60%. Þá
sagði hann alla umsjón innanlands-
flugsins vera í höndum starfs-
manna félagsins á landsbyggðinni
og væri öll símsvörun, bókanir og
ákvarðanataka varðandi daglegan
rekstur flugsins framkvæmd á
Sauðárkróki og Bíldudal.
Íslandsflug 10 ára
Sauðárkróki. Morgunblaðið.
FRÉTTIR
MORGUNBLAÐIÐ LAUGARDAGUR 10. FEBRÚAR 2001 55
GLATT var á hjalla í Íþróttamið-
stöðinni í Borgarnesi á íþróttadegi
hinn 1. febrúar. Ókeypis aðgangur
var í sund og þreksal allan daginn til
kynningar á starfsemi íþróttamið-
stöðvarinnar. Síðdegis kynntu svo
deildir og félög sem sinna íþrótta-
málum í bæjarfélaginu starfsemi
sína á léttum nótum.
Athygli vakti að bæjarstjóri Borg-
arbyggðar, Stefán Kalmansson, og
bæjarritari, Eiríkur Ólafsson,
reyndu með sér í ,,hjólastólaþraut-
um en það var íþróttafélag fatlaðra,
Kveldúlfur sem stóð fyrir þeirri
keppni.
Indriði Jósafatsson íþrótta- og
æskulýðsfulltrúi ávarpaði viðstadda
og minnti á gildi og mikilvægi
íþrótta í forvörnum og inntak þess
að vera með og taka þátt í skemmti-
legu og gefandi starfi í góðum
félagsskap. Hann sagði frá því að
um 250 manns kæmu að starfi í
íþrótta og æskulýðsmálum í bæjar-
félaginu á ársvísu og eru þar taldir
einstaklingar í stjórnum félaga,
nefndum, ráðum, starfsmenn
íþróttahúsa, sundlauga, íþrótta-
deilda, annarra félaga, þjálfun og
þess háttar. Þessi tala er fyrir utan
skammtímaverkefni og mótahald
með tugum sjálfboðaliða. Hann
þakkaði jafnframt þessu fólki fyrir
gott og óeigingjarnt starf.
Stóra stundin rann upp klukkan
18.30 en þá var komið að því að veita
viðurkenningar til afreksfólks í
íþróttum. Fyrst var veitt úr Minn-
ingarsjóði Auðuns Hlíðkvists Krist-
marssonar. Viðurkenningin miðast
við árið sem viðkomandi íþróttamað-
ur verður fjórtán ára og var veitt
fyrir árið 2000. Markmið viðurkenn-
ingarinnar er að hvetja ungt fólk til
að stunda íþróttir, leggja sig fram
við æfingar og keppni og lifa heil-
brigðu og reglusömu lífi. Veittur er
farandbikar til eins árs í senn, eign-
arbikar og peningastyrkur sem ætl-
aður er til greiðslu hluta kostnaðar
við æfingar og keppnisgjöld. Við val
á íþróttamanni er m.a. tekið tillit til
árangurs viðkomandi, fjölhæfni,
frammistöðu við æfingar og keppni
og hvernig fyrirmynd hann er jafn-
öldrum sínum.
Það var samdóma álit úthlutunar-
nefndar að Bjarni Hlíðkvist Krist-
marsson hlyti viðurkenninguna.
Bjarni hefur stundað knattspyrnu,
körfuknattleik og frjálsar íþróttir.
Hann er metnaðarfullur, mikill
keppnismaður og þykir heilsteyptur
og fjölhæfur íþróttamaður. Bjarni er
vel að viðurkenningunni kominn og
heiðrar minningu Auðuns bróður
síns með sóma.
Frá árinu 1991 hafa verið veittar
viðurkenningar fyrir þá íþróttamenn
sem standa hvað fremst í viðkom-
andi íþróttagreinum og eru tilnefn-
ingar úr deildum og félögum innan
ÍSÍ í Borgarbyggð á vali á besta
íþróttamanni ársins 2000. Frjáls-
íþróttadeild Skallagríms tilnefndi til
vals á frjálsíþróttamanni ársins 2000
Hallberu Eiríksdóttur kringlukast-
ara. Hallbera setti tvö Íslandsmet í
meyjaflokki á árinu og sigraði í
kringlukasti á bikarkeppni FRÍ 16
ára og yngri og er með 7. besta ár-
angur í kringlukasti kvenna á árinu.
Ungmennafélag Stafholtstungna
tilnefndi til vals á frjálsíþróttamanni
ársins 2000 Kristínu Þórhallsdóttur.
Kristín er sigurvegari í spretthlaup-
um, langstökki og þrístökki á öllum
þeim mótum sem hún keppti á innan
héraðs. Hún varð fimmfaldur Ís-
landsmeistari í meyjaflokki á árinu
og er önnur best á landinu í lang-
stökki kvenna. Kristín var valin í A-
landslið Íslands í fyrsta skipti og
keppti á Evrópukeppni landsliða í
Slóveníu.Tómstundanefnd Borgar-
byggðar valdi Kristínu Þórhallsdótt-
ur frjálsíþróttamann ársins 2000.
Sunddeild Skallagríms tilnefndi
Gunnar Smára Jónbjörnsson sem
sundmann ársins. Gunnar er alltaf í
1. sæti á innanhéraðsmótum í sundi
og hefur stöðugt bætt árangur sinn.
Hann hefur verið ofarlega á mótum
utan héraðs og á stórmótum.
Körfuknattleiksdeild Skallagríms
tilnefndi Hlyn Bæringsson sem
körfuknattleiksmann ársins. Hlynur
spilaði með A-landsliði Íslands í upp-
hafi ársins og einnig með U 18 ára
landsliðinu og var þar einn af bestu
mönnum liðsins. Hlynur er lykil-
maður í liði Skallagríms í úrvals-
deildinni og er orðinn einn eftirsótt-
asti leikmaður landsins.
Badmintondeild Skallagríms til-
nefndi Arnar Helga Jónsson sem
badmintonmann ársins. Arnar Helgi
varð Íslandsmeistari í B-flokki U 13
ára aldursflokki varð í öðru sæti í
tvíliðaleik ásamt Heiðari Ernest
Karlssyni á öllum mótum sem þeir
hafa sótt á síðasta ári.
Hestamannafélagið Skuggi til-
nefndi Guðrúnu Ósk Ámundadóttur
sem hestamann ársins. Guðrún hef-
ur verið í 1.–3. sæti á mörgum gæð-
inga, félags og íþróttamótum
Skugga, Faxa og Dreyra ásamt því
að hafa tekið þátt í fjölmörgum mót-
um utan héraðs.
Golfklúbbur Borgarness tilnefndi
Viðar Héðinsson sem golfara ársins.
Viðar var Borgarnesmeistari 2000
og stigameistari GB í samanlögðum
árangri á mótum sumarsins. Hann
var sigurvegari í SM mótaröð, vor-
móti, opnum mótum og var í sveit
GB sem keppti í 3. deildinni sl. sum-
ar.
Íþróttafélag fatlaðra, Kveldúlfur,
tilnefndi Einar Trausta Sveinsson
sem íþróttamann Kveldúlfs. Einar
var í 5. sæti í spjótkasti í sínum
flokki á Ólympíuleikunum í Sydney.
Hann var þar í 10. sæti í kringlu-
kasti og verðugur fulltrúi Íslands.
Knattspyrnudeild Skallagríms til-
nefndi Emil Sigurðsson sem knatt-
spyrnumann ársins 2000. Emil var
valinn knattspyrnumaður ársins af
leikmönnum Skallagíms.
Af þessum góða hópi íþrótta-
manna var Hlynur Bæringsson kjör-
inn íþróttamaður Borgarbyggðar
árið 2000.
Hlynur Bæringsson
íþróttamaður Borgarness
Morgunblaðið/Guðrún Vala Elísdóttir
Fyrir miðju Hlynur Bæringsson, íþróttamaður Borgarness. Frá vinstri:
Fulltrúi Kristínar Þórhallsdóttur, Hallbera Eiríksdóttir, Gunnar Smári,
Jón Björnsson, Viðar Héðinsson, Arnar Helgi Jónsson, Einar Trausti
Sveinsson, Guðrún Ósk Ámundadóttir og fulltrúi Emils Sigurðssonar.
Borgarnesi. Morgunblaðið.
FYRSTA skóflustungan var tekin
fimmtudaginn 7. febrúar að fyrsta
fjölbýlishúsinu í hinu nýja íbúða-
hverfi í Fosslandi á Selfossi. Í hverf-
inu er gert ráð fyrir þremur fjölbýlis-
húsum á deiliskipulagi.
Það eru JÁ-verktakar á Selfossi
sem standa að byggingunni sem er
með 20 íbúðum í fjögurra hæða húsi.
Íbúðirnar í húsinu eru 73–90 fer-
metrar að stærð. Í kjallara hússins
er bílageymsla og frá honum er lyfta
í húsinu upp í íbúðirnar. Frá íbúð-
unum í blokkinni verður gott útsýni
yfir Ölfusá til Ingólfsjalls og Hellis-
heiðar og til austurs blasir Hekla við.
Áhugi á fjölbýlishúsum
Verulegur áhugi er á íbúðunum í
þessu fjölbýlishúsi og góð viðbrögð
hafa verið við auglýsingum hjá selj-
andanum sem er Fasteignasalan
Bakki á Selfossi og strax búið að
ganga frá sölu á sjö íbúðum. Greini-
legt er að áhugi er á fjölbýlishúsum á
Selfossi, nú þegar eru tvö í byggingu,
við Heiðarveg á Selfossi og við
Ástjörn og byggjendur þeirra fengu
Morgunblaðið/Sig. Jóns.
Jón Árni Vignisson hjá JÁ verktökum á byggingarstað fyrsta fjölbýlis-
hússins í Fosslandinu við Eyraveg á Selfossi.
strax góð viðbrögð við íbúðunum í
húsunum sem seldust fljótt. Nú
liggja fyrir umsóknir um þrjú fjöl-
býlishús á Selfossi hjá sveitarfélag-
inu Árborg á skipulögðum bygging-
arsvæðum sveitarfélagsins.
Íbúðirnar tilbúnar í desember
Jón Árni Vignisson, hjá JÁ-verk-
tökum, sagði hina miklu uppbygg-
ingu á Selfossi gera að verkum að
fyrirtæki hans hefði nú góð verkefni
á svæðinu og nóg væri að gera. Hann
sagði að nýja blokkin þarfnaðist lítils
viðhalds, væri klædd að utan með lit-
aðri álklæðningu og einangruð. Íbúð-
irnar verða tilbúnar til afhendingar í
byrjun desember næstkomandi.
Framkvæmdir hafnar við 20
íbúða hús í Fosslandi á Selfossi
Selfossi. Morgunblaðið.
LIONSKLÚBBUR Borgarness og
Lionsklúbburinn Agla færðu Dvalar-
heimili aldraðra í Borgarnesi tvær
milljónir króna að gjöf til kaupa og
uppsetningar á neyðarþjónustukerfi.
Gjöfin kemur sér vel þar sem núver-
andi kerfi er orðið 30 ára gamalt og
þarfnast endurnýjunar. Ennfremur
er á döfinni að byggja við og stækka
dvalarheimilið. Afhendingardaginn
bar upp á 30 ára afmæli dvalarheim-
ilsins og var í tilefni dagsins borið
fram veislukaffi fyrir íbúa, starfsfólk
og gesti.
Upphaflega kom hugmyndin og
framkvæmdin að byggingu dvalar-
heimilis í Borgarnesi frá Sambandi
borgfirskra kvenna. Það fékk
hreppana í kring í lið með sér og
eruaðilar heimilisins Mýra- og
Borgarfjarðarsýsla auk Kolbeins-
staðahrepps og Eyja- og Mikla-
holtshrepps. Íbúar eru 55 talsins.
Færðu Dvalarheimili aldraðra 2 millj. kr.
Morgunblaðið/Guðrún Vala Elísdóttir
Jón Haraldsson, fulltrúi Lionsklúbbs Borgarness, Lilja Ólafsdóttir,
fulltrúi Lionsklúbbsins Öglu, og Margrét Guðmundsdóttir, fram-
kvæmdastjóri dvalarheimilisins, en hún veitti gjöfinni viðtöku.
Borgarnesi. Morgunblaðið.
Morgunblaðið/Atli Vigfússon
Græn tún
á þorra
TÍÐARFAR hefur verið óvenjugott
það sem af er og svo gott að víða hef-
ur mátt sjá grænan lit í túnum.
Nýræktin á myndinni heldur vel
litnum frá sl. sumri og fuglahræðan
stendur fyrir sínu.
Engar gæsir eru á ferð í Þingeyj-
arsýslu á þessum tíma árs, en líklega
mun þeim lítast vel á að kroppa
grænt grasið þegar þær koma norð-
ur í vor, svangar eftir langt flug yfir
Atlantshafið.
Laxamýri. Morgunblaðið.