Morgunblaðið - 10.02.2001, Blaðsíða 34

LISTIR
34 LAUGARDAGUR 10. FEBRÚAR 2001 MORGUNBLAÐIÐ
ÚTSALA!
Plymouth Breeze árgerð 1999
4cyl 2,5 150 hö.
Ljós að lit

Ekinn 48 þús km.
Sjálfskiptur
Loftpúðar
Fjarræsibúnaður o.fl..
Listaverð 1.900 þ. kr. Aðeins 1.400 þ. kr. stgr.
Upplýsingar í síma 695 9362 - Hægt að fá allt að 70% bílalán
Medea aftur
í Iðnó
AUKASÝNINGAR á Medeu eftir
Evrípídes verða fimmtudaginn 22.,
föstudaginn 23., laugardaginn 24. og
sunnudaginn 25. febrúar í Iðnó. Það
er leikfélagið Fljúgandi Fiskar sem
sýnir þessa nýju leikgerð á gríska
harmleiknum í leikstjórn Hilmars
Oddssonar.
Medea var frumsýnd 17. nóvem-
ber. Uppsetningin er nýstárleg, not-
ast er við margmiðlun þar sem kvik-
mynd, ljós og leikur mynda heild og
tónlist hins breska Jonathans Coop-
er leikur þar stórt hlutverk. Jonath-
an leikur einnig lifandi tónlist í sýn-
ingunni.
Leikarar eru Þórey Sigþórsdóttir
og Valdimar Örn Flygenring.
Námskeið um söngleik
Í TILEFNI af sýningu Þjóð-
leikhússins á söngleiknum Sing-
in’ in the Rain eða Syngjandi í
rigningunni standa Endur-
menntunarstofnun HÍ og Þjóð-
leikhúsið fyrir kvöldnámskeiði
fyrir almenning um söngleiki.
Á námskeiðinu, sem hefst 20.
febrúar, verður rakin saga
söngleikja og sérstök áhersla
lögð á blómaskeið þeirra í
Bandaríkjunum. Þá verða ís-
lenskir söngleikir gaumgæfðir
og söngleikurinn skoðaður sem
leiklistarform. Þátttakendur á
námskeiðinu fara í heimsókn í
Þjóðleikhúsið og fylgjast með
dans-, söng- og leikæfingum á
Syngjandi í rigningunni. Þeir
sjá svo sýninguna fullbúna
stuttu fyrir frumsýningu og
spjalla við aðstandendur sýning-
arinnar.
Melkorka Tekla Ólafsdóttir
leiklistarráðunautur hefur um-
sjón með námskeiðinu, en kenn-
arar eru Stefán Baldursson leik-
hússtjóri, Árni Blandon
Einarsson og Karl Ágúst Úlfs-
son.
Síðustu sýningar
Iðnó – Sýnd veiði
Síðasta sýning á leikritinu Sýnd
veiði verður í Iðnó föstudaginn 16.
febrúar.
Leikritið segir frá fernum hjónum
í bandarískum smábæ sem hafa hist
einu sinni í mánuði í 18 ár og borðað
saman kvöldverð.
Leikarar eru Edda Björgvinsdótt-
ir, Ólafía Hrönn Jónsdóttir og Rósa
Guðný Þórsdóttir, Guðjón Davíð
Karlsson, Eyvindur Karlsson og
Ragnar Hansson.
Á TÓNLEIKUM Sinfóníuhljóm-
sveitar áhugamanna á morgun
verður frumfluttur nýr íslenskur
orgelkonsert eftir Hildigunni Rún-
arsdóttur. Tónleikarnir eru þeir
fjórðu á starfsári sveitarinnar og
hefjast í Neskirkju við Hagatorg kl.
17. Stjórnandi er Ingvar Jónasson
og einleikari á orgel er Lenka Mát-
éová. Auk konsertsins er á efnis-
skránni sinfónía nr. 4 eftir Beeth-
oven.
Sinfóníuhljómsveit áhugamanna
hefur starfað frá árinu 1990. Ingvar
Jónasson er einn af aðalhvatamönn-
um hennar en hann á að baki lang-
an og farsælan tónlistarferil. Sveit-
in var stofnuð í kjölfar heimkomu
Ingvars frá Svíþjóð en rík hefð er
fyrir áhugamannahljómsveitum af
þessu tagi á hinum Norðurlönd-
unum. „Sveitina skipar fyrst og
fremst fólk sem hefur lært mikið í
tónlist, jafnvel útskrifast úr tónlist-
arskóla en ákveðið að leggja hana
ekki fyrir sig,“ segir Hildigunnur
Rúnarsdóttir, höfundur hins nýja
orgelkonserts, en hún hefur starfað
með sveitinni um árabil. „Þannig er
í sveitinni fólk úr öllum mögulegum
stéttum. Það eru tónlistarkennarar,
lögfræðingar, jarðeðlisfræðingar,
tölvufólk og fólk héðan og þaðan.“
Hildigunnur segir starf sveitarinnar
hafa eflst mjög á þeim rúmlega tíu
árum sem hún hefur starfað, hljóm-
svetin sé mjög virk og hafi hlotið
góðar umsagnir í kjölfar afmæl-
istónleika sinna á síðasta ári.
Vísanir í ólík tímabil
Sinfóníuhljómsveit áhugamanna
hefur þrisvar áður frumflutt verk
eftir Hildigunni. Nýi orgelkonsert-
inn er saminn fyrir orgel, strengi
og slagverk og tekur um tuttugu
mínútur í flutningi. „Þetta er eig-
inlega uppgjör við árþúsundið,“
segir Hildigunnur. „Fyrsti kaflinn
er vísun í barokktímabilið, þetta er
fúgukafli sem er engu að síður
nokkuð frjálsari í formi en ströng-
ustu fúgur. Þar leik ég mér með
eitt aðalstef. Annar kafli er í són-
ötuformi. Þar er vísun í klassíska
tímabilið, en tónskáld þess tímabils
notuðu sónötuformið mikið. Síðasti
kaflinn er nær okkar tíma. Hann er
frjáls fantasía með hröðum kafla í
5/8, takti sem ekki var farið að nota
fyrr en á síðustu öld.“ Hildigunnur
segist þó ekki notast við klassískt
tónmál í verkinu. „Ég nota mitt eig-
ið tónmál, enda liggur vísunin fyrst
og fremst í forminu.“
Hildigunnur stundaði tónlistar-
nám í Reykjavík, Hamborg og
Kaupmannahöfn og starfar við tón-
listarkennslu og tónsmíðar. Hún
leikur á fiðlu í Sinfóníuhljómsveit
áhugamanna og er auk þess með-
limur í sönghópnum Hljómeyki.
Hildigunnur hefur samið fjölda tón-
verka, með áherslu á kórverk og
sönglög, m.a. fyrir Hamrahlíðarkór-
inn.
Nýtt orgelverk frumflutt á tónleikum Sinfóníuhljómsveitar áhugamanna
„Uppgjör við árþúsundið“
Morgunblaðið/Árni Sæberg
Hildigunnur Rúnarsdóttir ásamt syni sínum, Finni Jónssyni.
ØKSNEHALLEN er steinsnar frá
Aðaljárnbrautastöðinni og bókamess-
an var haldin í rúmgóðum húsakynn-
um, þar sem hátt er til lofts og vítt til
veggja. Þarna sýndu ýmis útgáfufyr-
irtæki Norðurlanda bækur höfunda
sinna. Höfundar, útgefendur og um-
boðsmenn með alls 70 sýningabúðir,
gáfu gestum upplýsingabæklinga,
lesið var upp úr bókum, sungið og
leikið á stóra sviðinu og Pjerrot,
þekktur danskur trúður, skemmti.
Stjórnendur messunnar buðu ein-
um íslenskum höfundi, Kristínu
Helgu Gunnarsdóttur, þátttöku til
kynningar á eigin verkum. Við Pala-
vertréð (þorpstréð, frétta- og sam-
komustaður í afrískum bæjum) las
Kristín Helga danska þýðingu á kafla
úr nýjustu bókinni sinni „Mói hrekk-
jusvín“. Að loknum lestri og kynningu
annarra bóka, varð hún við þeirri
beiðni eins hlustand-
ans að lesa eitthvað
upp á íslensku. Að því
loknu sagði áheyrand-
inn, að hann hefði skil-
ið heilmikið, þótt hann
kynni ekki málið.
Berlingske Tidende
gaf út sérblað, „Læse-
føllet,“ með upplýsing-
um um útgáfu og lest-
ur barnabóka. Fyrir
100 árum var fólk í
vafa um hve hollt það
væri börnum að lesa
fagurbókmenntir.
Næsta stig efagirninn-
ar var óttinn við, að
barnabækur væru of
léttvægar. Þá kom tímabil uppeldis-
fræðilegs raunsæis, sem ætlaði allt að
drepa úr leiðindum. Í dag óttast sum-
ir samkeppni við rafeindabúnað hvers
konar. – Deyr bókin meðan börnin
eru að leika sér á veraldarvefnum? –
spyrja margir. Danski prófessorinn í
barnabókafræðum, Torben Wein-
reich, segir, að engin hætta sé á ferð-
um, m.a. vegna þess að Norðrið eigi
framúrskarandi góða barnabókahöf-
unda. Messan var lifandi dæmi þessa.
Nánari upplýsingar: www.berl-
ingske.dk
Þetta var fyrst og fremst kynning-
armessa, en auk þess voru bækur til
sölu fyrir ótrúlega lágt
verð. Ýmis forlög höfðu
hannað smekklegar búð-
ir. Meðal þeirra var fær-
eyska „Bokadeild Før-
oyafelags“ sem hefur
látið þýða og gefið út
margar bækur eftir Guð-
rúnu Helgadóttur.
Spurning er hve margar
færeyskar bækur hafa
verið þýddar og gefnar
út á Íslandi. Svíar kunna
kynningarlistina betur
en margir aðrir og þeirra
búð var stór og ríkuleg.
Aðalfulltrúi þeirra var
bókmenntafræðingurinn
Inger Norberg frá
Svenska Barnboksinstitutet í Stokk-
hólmi. Hún sýndi íslenska þátttak-
andanum mikla athygli. Finnar voru
með glæsilega búð á staðnum, en
bæði íslenskrar og norskrar búðar
var saknað. Þó sendi Mál og menning
fulltrúa sinn Sigþrúði Gunnarsdóttur
á messuna og það bætti töluvert úr
skák.
Bókakynningarfyrirtækið „Bog-
mekka“ var á staðnum, en tveir ungir
menn standa fyrir þeirri nýjung að
gefa út fimmblöðung mánaðarlega,
sem sýnir forsíður nýrra bóka, verð
og upplýsingar um útgefendur. Þeir
fjármagna fyrirtækið með auglýsing-
um og dreifa blöðungnum á kaffihús,
bókasöfn o.fl. Frekari upplýsingar
fást á: www. bogmekka. dk og kaupa
má bækur hjá þeim á www.bol.com.
Sala bóka á Íslandi bendir til þess,
að Íslendingar séu meðal mestu lestr-
arhesta heims. Gagnkvæm samskipti
og þýðingar til og frá „latínu Norð-
ursins“ hlýtur að magnast eftir því
sem kynningar eflast og hvers konar
samskipti auðveldast, sakir hinnar
öru samskiptavæðingar.
Barnabókin mun halda áfram að
liggja undir jólatrénu og koddanum
og nútíma samskiptatækni mun efla
áhuga manna á því, sem við aðskiljum
undir heitinu barnabækur, en sem
eru, þegar vel tekst til, í raun og veru
frábær andleg næring fyrir hið innra
barn á öllum aldri.
Barnabókamessa í
Kaupmannahöfn
Norræna Barnabóka-
messan var haldin í ann-
að sinn í Øksnehallen
í Kaupmannahöfn
í byrjun þessa mánaðar.
Inga Birna Jónsdóttir
var þar.
Kristín Helga
Gunnarsdóttir
Höfundur er lektor.
VERKIÐ á myndinni nefnist „Man
with Switch,“ sem útleggja má á ís-
lensku sem Maður með rofa. Verkið
er unnið úr leir og öðrum efnum og
er eftir listamanninn Joseph
Seigenthaler.
Maður með rofa er hluti af sýn-
ingunni Árekstur við leir: Lista-
menn sem þjóðfélagsgagnrýn-
endur, sem þessa dagana stendur
yfir í American Craft Museum-
safninu í New York.
Maður með rofa
AP
♦ ♦ ♦