Morgunblaðið - 10.02.2001, Blaðsíða 76

FÓLK Í FRÉTTUM
76 LAUGARDAGUR 10. FEBRÚAR 2001 MORGUNBLAÐIÐ
28 dagar
(28 Days)
G a m a n d r a m a

Leikstjóri: Betty Thomas. Handrit:
Susannah Grant. Aðalhlutverk:
Monica Sandra Bullock, Joan Cu-
sack, Viggo Mortensen, Dominc
West, Steve Buscemi. (106 mín.)
Bandaríkin. Skífan, 2000.
Myndin er öllum leyfð.
SANDRA Bullock er þekktust fyr-
ir að leika algjörar dúllur í myndum
sínum og það er erfitt að ímynda sér
hana sem alkóhól-
ista. Í 28 dögum
leikur Bullock
Gwen Cummings
sem er í algjörri af-
neitun um vanda-
mál sitt á meðan
allir aðrir taka vel
eftir því nema
kærasti hennar
sem hefur bara
gaman af ruglinu í henni. Í brúðkaupi
systur sinnar verður Cummings sér
verulega til skammar og eftir að hafa
keyrt blindfull á bíl inn í einbýlishús á
hún um tvo kosti að velja, annaðhvort
fangelsi eða meðferðarstofnun. Lífið
á meðferðarstofnuninni spilast eins
og heimildarmynd um AA-samtökin
en nokkrar skemmtilegar persónur
lífga upp á hlutina. Þetta er ekki ýkja
merkileg mynd en hún er langt frá
því að vera léleg, bestu hlutar hennar
snúast um lélega sjónvarpssápu sem
ber nafnið „Santa Cruz“ en þau atriði
sem snúast um hana eru mörg hver
mjög fyndin. Bullock er fín í hlutverki
sínu og flestir í leikarahópnum standa
sig vel.
Ottó Geir Borg
MYNDBÖND
Ég heiti
Sandra og er...
Eymdarhöfn
(Misery Harbour)
Æ v i n t ý r a m y n d

Leikstjóri Nils Gaup. Handrit Sigve
Endresen, Kenny Sanders. Aðal-
hlutverk Nikolaj Coster-Waldau,
Stuart Graham. (98 mín.) Dan-
mörk/Noregur/Svíþjóð/Kanada.
Öllum leyfð.
EYMDARHÖFN segir frá ungum
dönskum rithöfundi sem reynir að
vinna sér veg og virðingu meðal
norsku menning-
arklíkunnar.
Hann er brattur
og yfirlýsinga-
glaður. Svo mjög
að menningar-
postularnir gera
gys að honum og
telja harla ólíklegt
að svo ungur og
reynslulítill pjakk-
ur hafi efni á að mæla slík gífuryrði.
Þegar eina manneskjan sem trúir á
hann les endurminningar hans kemur
annað á daginn. Kornungur tók hans
sér far með flutningafleyi frá heima-
byggð sinni, litlu krummaskuði. Um
borð kynntist hann engilsaxneskum
manni sem í fyrstu virkar vinalegur
en reynist úlfur í sauðargæru. Daninn
ungi tekur land á Nýfundnalandi og
fær þar vinnu, kynnist ungri snót og
fellir hug til hennar en sama hvað
hann gerir, ávallt reynir hinn svokall-
aði „vinur“ að klekkja á honum.
Saga þessi ku byggð á ævi rithöf-
undarins Aksel Sandemose og er
býsna vel heppnuð þótt heldur rugl-
ingsleg sé. Nils Gaup tekst að byggja
upp viðlíka spennudrunga og í Leið-
sögumanninum og ekki má láta óget-
ið fínna vinnubragða leikmynda-
smiðsins íslenska, Karls Júlíussonar.
Skarphéðinn Guðmundsson
Raunir
rithöfundar
EINU sinni á ári finnst Berlínarbúum borg þeirra
vera nafli alheimsins. En þótt íbúar Cannes og
Feneyja séu líkast til í sömu vímunni síðar á árinu
er raunin sú að nafli kvikmyndaiðnaðarins er ekki í
Evrópu heldur í Bandaríkjunum. Þótt margir
Berlínarbúar hafi ef til vill reynt að leiða þessa
staðreynd hjá sér á undanförnum árum er það
talsvert erfiðara að þessu sinni. Aldrei hefur Berl-
inale-kvikmyndahátíðin í vetrargrárri Berlínar-
borg hafist fyrr á árinu. Og hver er ástæðan? Hót-
el-vandræði í Las Vegas! Uppákoma ameríska
kvikmyndamarkaðarins í Las Vegas veitir Berl-
inale óþarflega mikla samkeppni og skipuleggj-
endur í Berlín hafa reynt að sjá til þess að þessar
uppákomur færu ekki fram á sama tíma. Í Las
Vegas kom nýlega í ljós að skortur var á hótelrými
þá daga sem amerískir framleiðendur ætluðu að
kynna vörur sínar og því varð að flýta samkomunni
um viku. Og þar sem hinn evrópski kvikmynda-
markaður Berlinale vill ekki kynna vörur sínar á
sama tíma og ameríski markaðurinn vestanhafs
ákváðu skipuleggjendur í Berlín að hátíðin hæfist
að þessu sinni 7. febrúar. Þessi tilfærsla varð til
þess að Gerhard Schröder, kanslari, sem opna átti
hátíðina í gærkvöldi lá í rúminu með flensu þegar
hátíðin hófst. Væri Berlín í raun nafli alheimsins er
ólíklegt að skipuleggjendur í Las Vegas hefðu get-
að haft þessi áhrif á Berlinale-hátíðina og kansl-
arinn hefði þá verið búinn að ná sér af veikind-
unum næsta miðvikudag þegar til stóð að
dreglinum yrði rúllað út á Marlene-Dietrich-torg-
inu á Potsdamer Platz.
Dreglinum rúllað út
Í raun skiptir þetta þó ekki miklu þar sem at-
hyglin beinist að endingu að öðrum stjörnum en
kanslaranum. Eflaust hafa starfsmenn hátíðarinn-
ar verið búnir að hreinsa englahárin af rauða
dreglinum sem stjörnur á borð við George Cloon-
ey, Charlotte Rampling, Leonardo DiCaprio, Matt
Damon, Gwyneth Paltrow og Denzel Washington
skildu eftir sig í fyrra. Meðal þeirra 14.000 gesta
sem koma til Berlínar í ár vegna hátíðarinnar eru
Anthony Hopkins, Sean Connery, Juliette Bin-
oche, Johnny Depp, Kate Winslet, Joseph Fienn-
es, Jude Law og Joaquin Phoenix. Berlinale er frá-
brugðin hátíðunum í Cannes og Feneyjum að því
leyti að hún er áhorfendahátíð. Það má því búast
við því að ungu konurnar sem klöppuðu svo lengi
fyrir Denzel Washington í fyrra að hann táraðist,
eigi eftir að taka vel á móti Johnny Depp.
Formaður hátíðarinnar, Moritz De Hadeln, hef-
ur oft verið gagnrýndur fyrir að sýna of mikið af
stórum Hollywood-myndum en að þessu sinni er
meira um óháðar myndir en áður. Þetta hefur í för
með sér að það verður minna um stærri sam-
kvæmi. Twentieth Century Fox lætur sér nægja
að vera með tvær minni móttökur í tengslum við
myndirnar Quills (Philip Kaufman) og Traffic
(Steven Soderbergh). Þetta er í síðasta skipti sem
de Hadeln stjórnar hátíðinni en hann hefur verið
fomaður Berlinale frá því 1980. Samningur hans
var ekki framlengdur eftir að 50. Berlinale-hátíðin
flutti höfuðstöðvar sínar yfir á Potsdamer Platz í
fyrra. Af þessu tilefni verður aukaflokkur á Berl-
inale í ár, „Moritz’ Favourites“, þar sem fráfarandi
formaður sýnir minnisstæðustu myndir þeirra 22
ára sem hann hefur stjórnað hátíðinni. Meðal
þeirra uppgötvana sem De Hadeln getur státað af
er Rauði akurinn sem hlaut gullbjörninn 1987 og
gerði leikstjórann Zhang Yimou og leikkonuna
Gong Li heimsfræg. Li var einmitt formaðurinn
dómnefndarinnar sem veitti mynd Paul Thomas
Andersons Magnolia gullbjörninn í fyrra.
Keppnin um gullbjörninn
Í ár er formaður hinnar alþjóðlegu dómnefndar
William M. Mechanic en hann hefur verið forstjóri
hjá Twentieth Century Fox undanfarin sjö ár. Að
þessu sinni keppa 23 myndir um gullbjörninn.
Heimsfrumsýning verður á The Tailor of Panama
(John Boorman) með Pierce Brosnan í aðalhlut-
verki en hann afboðaði komu sína til Berlínar.
Sean Connery kemur hins vegar til með að kynna
mynd Gus Van Sant, Finding Forrester. Juliette
Binoche og Johnny Depp verða viðstödd hátíðina
vegna sýningar á nýjustu mynd Lasse Hallström,
Chocolat, sem gerist í frönskum smábæ árið 1959.
Í keppninni verður einnig Malena í leikstjórn Giu-
seppe Tornatore (Cinema Paradiso) en aðalhlut-
verkið er í höndum fyrrverandi Ungfrú Ítalíu,
Monicu Belluci. Nýjasta Dogma-myndin verður
sýnd á hátíðinni en hún heitir Italiensk for begyn-
dere og er í leikstjórn Lone Scherfig. Mike Nichols
sýnir Wit með Emmu Thompson, Spike Lee
Bamboozled og Michael Winterbottom The Claim
með Nastössju Kinski og Millu Jovovich. Einnig
má nefna Traffic þar sem Michael Douglas leikur á
móti nýju eiginkonu sinni Catherine Zeta-Jones.
Douglas og Douglas
Hinn 84 ára gamli tengdafaðir Zetu-Jones, Kirk
Douglas, kemur til Berlínar til að taka á móti heið-
ursbirninum 16. febrúar sem hann hlýtur fyrir
ævistarf sitt. Á hátíðinni verða sýndar 22 af þeim
84 myndum sem Kirk lék í á leikaraferli sínum.
Hann hefur í gegnum tíðina leikið ólík hlutverk á
borð við boxara, leynilöggu, trompetleikara, alkó-
hólista, víking, franskan ofursta, Vincent Van
Gogh og Ódysseif. Kirk heitir réttu nafni Issur
Danielovitch og er sonur rússneskra gyðinga en
faðir hans var skransali. Árið 1952 stofnaði hann
eigið fyrirtæki sem hann nefndi í höfuðið á móður
sinni „Bryna Productions“ til þess að geta sjálfur
valið hlutverkin. Á 6. áratugnum studdi hann
handritshöfunda sem voru fórnarlömb nornaveiða
McCarthys. Hann var framleiðandi og aðalleikari
fyrstu stóru mynda Stanley Kubricks, Paths Of
Glory (1957) og Spartacus (1960). Kirk var á há-
punkti ferils síns þegar hann lék þrælaforingjann
Spartacus en þegar á leið varð sonur hans Michael
vinsælli. Douglas fékk hjartaáfall fyrir fjórum ár-
um og missti málið. Þrátt fyrir það lauk hann ný-
lega við Diamonds þar sem hann leikur hlutverk
sem endurspeglar eigin fötlun og verður myndin
sýnd á hátíðinni. Einnig stendur til að Kirk muni
loksins leika á móti syni sínum í myndinni Sun-
downing. Meðal annarra hápunkta á hátíðinni má
nefna endurunna útgáfu af Metropolis eftir Fritz
Lang, sem minnst er sérstaklega á hátíðinni. Berl-
inale hófst á miðvikudag með sýningu þýsku fram-
leiðslunnar Enemy at the Gates eftir franska leik-
stjórann Jean-Jacques Annauds (Nafn rósarinnar,
Björninn, The Lover). Stjörnur myndarinnar eru
enskar (Jude Law) og bandarískar (Ed Harris).
Þessi 180 milljóna marka (7,2 milljarða króna)
mynd var tekin í nánd við Berlín, í Babelsberg, og
á hún að sýna að hægt sé að framleiða stórmyndir
utan Ameríku. Lokamynd hátíðarinnar verður
endurunnin útgáfa af 2001: A Space Odissey eftir
Stanley Kubrick.
Reuters
Steven Soderbergh er mættur til Berlínar til að færa rök fyrir Traffic.
Juliette Binoche og Johnny Depp verða bæði á Berlínarhátíðinni til að kynna róm-
antísku myndina Chocolat, mynd sænska leikstjórans Lasse Hallström.
Ikingut keppir í flokki barnamynda en auk
hennar verða sýndar sex íslenskar myndir á
markaði sem rekinn er í tengslum við hátíðina.
Kvikmyndahátíðin í Berlín sem
hófst á fimmtudaginn er ein sú
stærsta og virtasta sinnar teg-
undar og laðar jafnan að vænan
skara af stórstjörnum.
Davíð Kristinsson er staddur
í Berlín og kynnti sér það
sem í boði verður.
Rachel Weisz leikur aðalhlutverkið í Enemy of the Gates eftir Jean-
Jacques Annaud, einni dýrustu evrópsku mynd sögunnar.
Á kvikmyndahátíðum um heim allan hefur undanfarin
misseri verið keppst við að heiðra Kirk gamla Douglas.
Kvikmyndahá
tíðin í Berlín h
ófst á miðviku
daginn
Nafli alheimsins