Morgunblaðið - 10.02.2001, Blaðsíða 18

Sigrún María Grétarsdóttir og Margrét Rós Einarsdóttir í 7. SEÓ hafa
lært mikið þessa viku og blaðalesturinn hefur aukist hjá þeim.
ÖLDUSELSSKÓLI er einn þeirra
fjögurra skóla sem taka þátt í sam-
starfsverkefninu „Dagblöð í skólum“
en fyrir því standa dagblöðin á Ís-
landi og Fræðslumiðstöð Reykjavík-
ur. Þegar blaðamann ber að garði er
verið að dreifa morgunblöðunum til
nemenda í 7. SEÓ en daglega fær
hver nemandi eitt eintak af Morgun-
blaðinu, Degi og DV þá viku sem
verkefnið stendur yfir. Eftir að kenn-
arinn, Sólveig Ebba Ólafsdóttir, hef-
ur útskýrt verkefni dagsins fyrir
börnunum sökkva þau sér niður í
blöðin og greinilegt er að eitt og ann-
að fangar hugann.
„Í upphafi komst ég að því að mörg
börn notuðu Netið miklu meira en
dagblöð og þau voru ekkert ofboðs-
lega spennt fyrir verkefninu. En
núna finnst þeim þetta mjög gaman,“
segir Sólveig á meðan börnin eru
upptekin við blaðalesturinn. „Ég hef
lagt áherslu á að gera þau að lesend-
um og að þau venjist því að dagblöð
séu hluti af venjulegu lífi okkar – að
maður skoði þau til að fylgjast með
því sem er að gerast en ekki bara til
að fletta upp á bíóauglýsingunum.
Mín skoðun er sú að eftir því sem
nemendurnir lesa fjölbreyttara efni,
þeim mun betri lesendur verða þeir.“
Blaðamenn framtíðarinnar?
Sólveig segir verkefnin meðal ann-
ars miða að því að börnin setji sig inn
í starf blaðamannsins. „Þau eru
kannski með frétt og þurfa að finna
fyrirsögn á hana eða fá mynd sem
þau þurfa að skrifa myndatexta við,“
segir hún. „Við höfum notað svona
tvær til þrjár kennslustundir á dag og
fyrsta kennslustundin hefur farið í
lestur á blöðunum. Síðan höfum við
farið í einhvers konar hópvinnu þar
sem þau eiga til dæmis að taka viðtal
hvert við annað, að bera saman fréttir
í hvorum tveggja miðlinum eða að
skoða hvernig ákveðnir hlutir í dag-
blaðinu eru settir upp svo dæmi séu
nefnd. Að auki eru þau með einstak-
lingsverkefni sem fela í sér einhvers
konar blaðamennsku. Í dag eiga þau
að vera bókagagnrýnendur hvert fyr-
ir sig en hópvinnan er að vinna saman
úr efni blaðanna, fletta þeim og leita
að upplýsingum.“ Hún segir aðspurð
ekki loku fyrir það skotið að einhverj-
ir krakkanna geti hugsað sér að verða
blaðamenn í framtíðinni því heyra
megi á mörgum þeirra að þeim finnist
starfið spennandi.
Hluti af þeim verkefnum sem börn-
in leysa kemur úr Blaðapassanum
svokallaða en það er stutt verkefna-
bók sem dagblöðin hafa látið börn-
unum í té. Sólveig segir börnin vinna
að úrlausnarefnunum mjög sjálf-
stætt: „Verkefnin tengjast því að
leita að upplýsingum í blaðinu og
svara spurningum út frá því. Í dag
eiga þau til dæmis að fara á bókasafn-
ið; þau þurfa að setja niður fyrir sér
hvar bókasafnið er í hverfinu, hvenær
er það opið, hvað er þar fleira en bara
bækur og hvaða blöð eru keypt á
þessu bókasafni.“ Hún bætir því við
að kennararnir hafi fengið mjög
skemmtilegar leiðbeiningar með
Blaðapassanum en kennsluefnið í
honum er ættað frá Hollandi.
Íþróttirnar vinsælastar
Þrátt fyrir að börnin séu vön alls-
kyns þemavinnu í skólanum segir
Sólveig verkefnið vissulega vera til-
breytingu fyrir þau. „Þeim finnst
þetta mjög skemmtilegt en þetta er
gífurlegt magn sem þau fá af blöðum
og þeim finnst svolítið erfitt að kom-
ast yfir það allt. En auðvitað er þetta
tilbreyting því þetta er öðruvísi lest-
ur,“ segir hún og bætir því við að síð-
asta lestrarefni þeirra hafi verið Kjal-
nesingasaga.
Að sögn Sólveigar er verkefnið vel
til þess fallið að flétta það inn í hinar
ýmsu námsgreinar: „Til dæmis erum
við að lesa um Evrópu og þar reyni ég
að nýta mér efni úr dagblöðunum.
Eins er til dæmis eitt verkefnið þess
eðlis að börnin eiga að safna sér tor-
skildum orðum úr blöðunum. Í þess-
ari viku safna þau orðunum en við
munum svo vinna með þessi orð
áfram eftir að verkefninu lýkur.“
En hvaða blaðaefni vekur helst
áhuga barnanna? Sólveig segir það
vera ákaflega mismunandi: „Íþrótt-
irnar vekja alltaf áhuga og þau lesa
mikið út frá myndum. Myndir eru
þannig mjög grípandi og sömuleiðis
fyrirsagnir. Þau taka mikið eftir fyr-
irsögnunum og fara svo að lesa út frá
því. Ég sé þau til dæmis ekki sækja
mikið í auglýsingar en þau stoppa
mikið við myndir, ég tala nú ekki um
ef það eru myndir af einhverju sem
þau þekkja úr tísku- eða fjölmiðla-
heiminum.“ Sólveig segir það einnig
mjög misjafnt hversu erfitt nemend-
urnir eiga með að grípa þjóðmálaum-
ræðuna: „ Það eru þónokkrir krakkar
hérna sem lesa og fylgjast vel með og
vita heilmikið um það sem er að ger-
ast í kringum okkur. En svo eru nátt-
úrlega aðrir sem hafa aldrei lesið
mikið í dagblöðunum nema um fræga
fólkið og bíóauglýsingarnar. Sumir
lesa bara aðallega íþróttasíðurnar.“
Skyndilega kallar Sólveig yfir
bekkinn: „Hvað lesið þið mest í blöð-
unum?“ Svörin dynja úr öllum áttum,
ærið misjöfn. Stjörnuspáin, íþróttirn-
ar, teiknimyndasögurnar og smáaug-
lýsingar virðast þó njóta einna
mestra vinsælda. Eitt svarið stingur
nokkuð í stúf – kotroskinn piltur rétt-
ir upp hönd og upplýsir að hann lesi
erlendu fréttirnar meira nú en áður.
Lokapunktur verkefnisins verður
svo þegar börnin fara í heimsókn á
dagblöðin þar sem þau fá að fylgjast
með útgáfuferli blaðanna og segir
Sólveig þau hlakka mjög til.
Björk og Hallur feiti
Sigrún María Grétarsdóttir og
Margrét Rós Einarsdóttir, sem báðar
eru nemendur Sólveigar, segjast vera
ánægðar með verkefnið og að það sé
skemmtilegt að fá að lesa blöðin í tím-
unum og vinna verkefnin. „Það var
mjög gaman þegar við þurftum að
skiptast á bókum og finna hvað væri
fyrirsögnin á hverri frétt og hvaða
frétt ætti að vera við hvaða fyrir-
sögn,“ segir Sigrún. „Og líka þegar
við vorum að skrifa spurningar fyrir
persónu sem við klipptum úr blaðinu
og sá sem sat við hliðina á okkur
þurfti að leika persónuna,“ bætir
Margrét við og af viðbrögðum vin-
konu hennar má ráða að þarna hafi
hún hitt á allra skemmtilegasta verk-
efnið. Í ljós kemur að um eins konar
hlutverkaleik var að ræða þar sem
önnur lék blaðamanninn og hin við-
mælanda hans. „Sigrún lék Björk hjá
mér og ég lék Hall sem er voða feit-
ur,“ heldur Margrét áfram og þær
stöllur skellihlæja.
Báðar segjast þær hafa lært heil-
mikið í þessari viku og að blaðalestur
þeirra hafi aukist. „Ég hef stundum
verið að fletta blöðunum og skoða þau
en núna tek ég frekar Morgunblaðið
heim með mér og les það meir en ég
hef vanalega gert,“ segir Sigrún og
Margrét tekur undir með henni. Báð-
ar segjast þær vera farnar að lesa
mikið af fréttum en segja að stundum
sé erfitt að átta sig á því sem er að
gerast í kringum þær, bæði hér
heima og erlendis. Allra vinsælasta
lestrarefnið er hins vegar stjörnuspá-
in.
Blaðamennskan spennandi
Ester Ósk Gunnarsdóttir og Dan-
íel Poul Purkhús eru í 7. SÞ og hafa
líkt og jafnaldrar þeirra í skólanum
verið upptekin af blaðalestri þessa
vikuna. Daníel segir verkefnið búið
að vera ágætt. „Mér fannst það svolít-
ið skrýtið fyrst,“ segir Ester, „en
þetta venst. Ég hef aldrei lesið blöðin
svona mikið áður.“
Daníel tekur undir þetta með henni
og segist ekki lesa blöðin mikið. „Það
er þá helst eitthvað ákveðið eins
„Netið“ og myndasögurnar og sjón-
varpsdagskráin,“ segir hann og við-
urkennir að vera töluvert á Netinu.
Ester hefur annan smekk á blaðaefni:
„Ég les stundum barnablaðið og aug-
lýsingar,“ segir hún og bætir við að
það sé skemmtilegt að sjá í blöðunum
hvað sé að gerast, til dæmis í öðrum
löndum. Hún segir svolítið erfitt að
átta sig á því sem sé að gerast í um-
heiminum en Daníel finnst það ekki
mikið mál.
Þau segjast skilja betur en áður
hvernig blaðamenn vinni og Ester
finnst starfið mjög spennandi. En
geta þau hugsað sér að verða blaða-
menn? „Neeee...“ segir Daníel með
semingi en bekkjarsystir hans hefur
ekki gert neitt upp við sig í þeim efn-
um.
Alþingi illskiljanlegt?
Í 7. SN eru nemendurnir önnum
kafnir við að skrifa fréttir við fyrir-
sagnir sem þeir hafa klippt úr dag-
blöðunum en sá böggull fylgir
skammrifi að ekki má lesa fréttina
sem fylgir fyrirsögninni. Daníel
Helgason og Tryggvi Guðmundsson
eru hæstánægðir með þetta verkefni.
„Ég fann eina fyrirsögn þar sem stóð:
„Til bjargar vodkanu“,“ segir
Tryggvi, „og ég skrifaði frétt um skip
sem kom til Reykjavíkurhafnar og
var að smygla vodka.“ Daníel dregur
fram fyrirsögnina „Leynivopnið
fleytti HK í úrslit“. Eitthvað virðist
íþróttaandinn vera víðsfjarri því hann
segir glottandi að leynivopnið í frétt-
inni sinni séu sterar og vodka!
Þeim félögum verður, líkt og Sig-
rúnu og Margréti, tíðrætt um verk-
efnið þar sem þeir þurftu að leika við-
mælendur. „Ég valdi Calistu
Flockhart sem er í Ally McBeal og
vinur minn þufti að vera hún. Sjálfur
átti ég svo að vera Ómar Ragnars-
son,“ segir Tryggvi. Daníel er ekki
síður ánægður með sínar persónur.
„Ég valdi einhvern fiskikall sem ég
man ekki hvað heitir en svo átti ég
sjálfur að vera Tom Cruise.“
Þeir segjast báðir geta hugsað sér
að verða blaðamenn þegar þeir verða
stórir og finnst ekki erfitt að skilja
það sem fjallað er um í blöðunum.
„Nema kannski það sem er að gerast
á Alþingi,“ segir Tryggvi að lokum.
Morgunblaðið/Árni Sæberg
Sólveig Ebba Ólafsdóttir kennari, lengst til hægri, og bekkurinn hennar 7. SEÓ í Ölduselsskóla.
Tryggvi Guðmundsson og Daníel Helgason í 7. SN geta báðir hugsað sér
að verða blaðamenn: Helst erfitt að skilja það sem gerist á Alþingi.
Daníel Poul Purkhús og Ester Ósk Gunnarsdóttir í 7. SÞ hafa verið upp-
tekin við blaðalestur þessa viku: Hef aldrei lesið blöðin svona mikið.
Dagblöð í skólum – Samstarfsverkefni dagblaða og Fræðslumiðstöðvar Reykjavíkur
Íþróttafréttir
og stjörnu-
spáin vinsæl-
asta efnið
Krakkarnir í 7. bekk í Ölduselsskóla hafa
þessa vikuna verið að skoða dagblöð og
vinna margvísleg verkefni upp úr þeim.
Bergþóra Njála Guðmundsdóttir kom
við í kennslustund hjá þeim á dögunum
og ræddi við nemendur og kennara.
LEIKUR AÐ LÆRA
18 LAUGARDAGUR 10. FEBRÚAR 2001 MORGUNBLAÐIÐ