Morgunblaðið - 10.02.2001, Blaðsíða 75

FÓLK Í FRÉTTUM
MORGUNBLAÐIÐ LAUGARDAGUR 10. FEBRÚAR 2001 75
Næg bílastæði
Munið gömlu dansana
í Húnabúð, Skeifunni 11
í kvöld kl. 21.30.
Hljómsveitir Guðmundar Samúelssonar
og Þorvaldar Björnssonar.
Félag
harmonikuunnenda
Reykjavík
JÁTVARÐUR Bretaprins og Soffía
eiginkona hans eru orðin miðpunkt-
ur pólitískra deilna í Austurríki eftir
að mynd var birt af þeim skálandi við
formann Frelsisflokksins, Susanne
Riess-Passer. Frelsisflokkurinn er
sem kunnugt er öfgaþjóðernisflokk-
ur sem situr í ríkisstjórn Austurrík-
is. Fyrrverandi formaður, Jörg
Haider, hefur á liðnum árum látið
ýmis ummæli af vörum hrjóta sem
skilin hafa verið sem lof á vissar hlið-
ar nasismans og leiddu þau viðhorf
til þess að Austurríki var beitt refsi-
aðgerðum í sjö mánuði eftir myndun
samsteypustjórnarinnar.
Núverandi formaður hefur hins
vegar viðurnefnið „kóbraslangan“
vegna óbilgirni í garð pólitískra and-
stæðinga. Myndin af Riess-Passer,
Játvarði og Soffíu þykir vera sigur
fyrir ímynd Frelsisflokksins sem
enn er útskúfaður á alþjóðavettvangi
þrátt fyrir að refsiaðgerðum hafi
verið aflétt.
Talsmaður breska utanríkisráðu-
neytisins sagði að hjónin hefðu
sennilega ekki vitað við hverja þau
voru að tala í veislunni.
Karl Öllinger, þingmaður í aust-
urrísku stjórnarandstöðunni, sagði
hins vegar að einhver hefði átt að
vara þau Játvarð og Soffíu við
flokknum og „ósvífnum leik þeirra.
[Meðlimir] nota hvert tækifæri til að
sjást á tali við vinsælt fólk eins og
Játvarð og Soffíu.“
Þetta er í annað sinn sem kon-
ungsfjölskyldunni verður á það
glappaskot að láta mynda sig með
meðlimum Frelsisflokksins. 1997 var
tekin mynd af Haider og hertogaynj-
unni af Jórvík, Söru Ferguson, er
hann smellti kossi á handarbak
hennar. Vissi hún ekki hver Haider
var og þekkti ekki til þess vafasama
orðspors sem honum fylgir.
Myndin af Játvarði og Soffíu er
gerð að umtalsefni í Profil, austur-
rísku vikublaði, og segir þar að
Frelsisflokkinn sé farið að lengja
mikið eftir að verða viðurkenndur
félagsskapur og gleðjist því mjög yf-
ir tækifæri sem þessu.
Skálar við formann
Frelsisflokksins
Vín. The Daily Telegraph.
Reuters
Játvarður prins.
Játvarður veldur hneykslan í Austurríki
Undir grun
(Under Suspicion)
S a k a m á l a m y n d

Leikstjóri: Stephen Hopkins. Hand-
rit: Tom Provost og W. Peter Iliff.
Aðalhlutverk: Gene Hackman,
Morgan Freeman, Monica Belluci,
Thomas Jane (110 mín) Bandaríkin.
Sam Myndbönd, 2000. Myndin er
bönnuð innan 16 ára
GÖMLU kempurnar Morgan
Freeman og Gene Hackman fara
með aðalhlutverkin í þessari þræl-
góðu sakamála-
mynd. Myndin seg-
ir frá lögreglu-
foringjanum Victor
Benezet (Free-
man) sem grunar
lögfræðinginn
Henry Hearst
(Hackman) um að
hafa myrt ungar
stúlkur og látið lík
þeirra liggja eftir eins og þær væru
sofandi. Hearst er einn af virtustu
þjóðfélagsþegnunum og skapar
handtaka hans mikinn usla en Bene-
zet er ákveðinn í að brjóta hann nið-
ur og fá játningu.
Leikurinn er hreint út sagt frábær
hjá Hackman og Freeman og þótt
aðrir leikarar komi við sögu gleym-
ast þeir jafnóðum, samt má minnast
á Monicu Belluci (L’Appartment)
sem er mikið konfekt fyrir augað.
Leikstjórn Stephen Hopkins nýtir
vel sjónarhornin sem við fáum á þá
atburði sem sagt er frá og í lokin er
maður ekki alveg viss hver niður-
staðan sé.
Þetta er góð sakamálamynd og
unnendur slíkra mynda ættu endi-
lega að horfa á hana, aðrir ættu ekki
að verða fyrir vonbrigðum. Myndin
er endurgerð hinnar frönsku Third
Degree sem kom út árið 1981.
MYNDBÖND
Heila-
þvottur
Ottó Geir Borg
Hellnum – Íbúar í sunnanverðum
Snæfellsbæ mættu saman á árlegt
þorrablót í félagsheimilinu á
Lýsuhóli síðastliðið laugardags-
kvöld. Streymdu íbúar dreifbýlis-
ins til Lýsuhóls með gestum sín-
um í einmuna veðurblíðu sé miðað
við febrúarmánuð. Tekið var á
móti þorrablótsgestum með há-
karli og brennivíni og var hákarl-
inn frá Hildibrandi í Bjarnarhöfn,
á norðanverðu Snæfellsnesi.
Í þéttsetnum veislusalnum var
sungið undir borðum við undir-
leik Ian Wilkinson stjórnanda
Lúðrasveitarinnar Snæs og hljóm-
aði þar bæði minni karla og
kvenna og Þorraþrællinn. Þorra-
maturinn var frá Múlakaffi og
rann hann ljúflega niður.
Sú hefð hefur ríkt á þessu
svæði í mörg ár að Staðsveit-
ungar og þeir sem töldust til
gamla Breiðavíkurhrepps, þ.e.
íbúar í Breiðuvík, á Arnarstapa
og á Hellnum skiptist á um að sjá
um skemmtiatriði og framkvæmd
þorrablótsins og þetta árið voru
það Staðsveitungar sem sáu um
blótið. Skemmtiatriði þeirra voru
spéspegill sveitarinnar og stungið
var á ýmsum málum og mikið
hlegið. Ánægjulegt var að sjá allt
það unga og glæsilega fólk sem
var nú í fyrsta sinn að taka þátt í
skemmtiatriðunum en mörg hver
voru þau að leika og syngja við
hlið foreldra sinna.
Klakabandið frá Ólafsvík lék
svo fyrir dansi og hélt uppi
stemmningu fram á miðja nótt.
Aldrei skorti fólk á dansgólfið
enda ekki svo oft sem boðið er
upp á dansleiki í sveitinni.
Þorrablót undir Jökli
Morgunblaðið/Guðrún G. Bergmann
Þétt var setið í samkomusal félagsheimilisins á Lýsuhóli.