Morgunblaðið - 10.02.2001, Blaðsíða 4

FRÉTTIR
4 LAUGARDAGUR 10. FEBRÚAR 2001 MORGUNBLAÐIÐ
DAVÍÐ Oddsson forsætisráðherra
sagði í samtali við Morgunblaðið að
fundur fjögurra ráðherra með
fulltrúum Starfsgreinasambandsins
um atvinnu- og byggðamál á lands-
byggðinni hefði verið góður og gagn-
legur. Hann sagði að eins fljótt og
auðið væri yrði unnið að svörum á
þeim spurningum sem beint var til
ráðherranna um aðgerðir. Auk Dav-
íðs sátu fundinn þau Árni M. Mathie-
sen sjávarútvegsráðherra, Valgerð-
ur Sverrisdóttir, ráðherra
byggðamála, og Páll Pétursson
félagsmálaráðherra.
„Farið var yfir stöðu atvinnumál-
anna eins og þau líta út frá sjónar-
miði Starfsgreinasambandsins. Al-
mennt eru atvinnumálin í góðu lagi
en ýmsir erfiðleikar eru á vissum
stöðum á landinu. Það hefur gerst af
ýmsum tilefnum, bæði hefur rekstr-
argrundvöllur ekki verið hjá tiltekn-
um fyrirtækjum og stórfelldur bruni
hefur orðið á öðrum stað.“
Farið betur yfir
málin á næstunni
„Einnig var farið yfir þau atriði
sem hafa áhrif á þróun fiskvinnsl-
unnar. Gagnvart reglum í sjávarút-
vegi eru menn að hugsa um endur-
skoðun laga og störf nefnda sem
vinna að þessum málum. Þetta var
góður og gagnlegur fundur. Við vor-
um upplýstir um fjölda atriða og eins
gátum við komið með svör og skýr-
ingar á öðrum hlutum. Við munum
fara betur yfir þessi mál á næst-
unni,“ sagði Davíð.
Hann benti á að starfsemi væri að
komast í gang í byggðalögum sem
hefðu glímt við mikla erfiðleika. Tók
hann þar dæmi um Ólafsfjörð og í
Bolungarvík væri verið að safna
hlutafé til að koma rækjuverksmiðju
af stað.
„Aðstæður eru misjafnar eftir
landshlutum. Í Vestmannaeyjum
hafa menn til dæmis haldið vel á sín-
um kvótamálum en á Vestfjörðum
hefur kvótinn farið meira burtu en
annars staðar frá. Sjónarmiðin í mál-
inu eru því ekki einsleit þótt áhyggj-
urnar séu svipaðar,“ sagði Davíð.
Davíð sagði að í Vestmannaeyjum
hefði m.a. strandað á því að útgerð-
arfyrirtækin hefðu ekki náð saman
um samvinnu eða sameiningu um
sína starfsemi. Aðspurður hvort
halda ætti áformum um sameiningu
Ísfélagsins og Vinnslustöðvarinnar
til streitu sagði Davíð það sína skoð-
un að reyna ætti til þrautar.
„Þetta mál er að sjálfsögðu á for-
ræði fyrirtækjanna og ég get ekki
sagt þeim fyrir verkum. Ég teldi það
afar æskilegt að enn yrði leitað leiða
til að koma á samvinnu þarna á
milli,“ sagði Davíð.
Forsætisráðherra um beiðni um aðgerðir í byggða- og atvinnumálum
Unnið að svörum eins
fljótt og auðið er
Morgunblaðið/Árni Sæberg
Fulltrúar Starfsgreinasambandsins á fundi með fjórum ráðherrum ríkisstjórnarinnar í Stjórnarráðinu í gær.
HÉRAÐSDÓMUR Reykjavíkur rifti
í gær kaupum Radíóbúðarinnar ehf. á
þremur sumarbústöðum sem fyrir-
tækið keypti af fjórum hluthöfum og
stjórnarmönnum þess skömmu áður
en óskað var eftir gjaldþrotaskiptum
á fyrirtækinu í ágúst 1998.
Fyrirtækið greiddi hluthöfunum
um 18,3 milljónir fyrir fasteignirnar.
Að auki fékk einn stjórnarmanna um
350.000 fyrir sölu á fjórða bústaðnum
sem annar eigandi og stjórnarmaður
seldi. Bú þess er til gjaldþrotaskipta
og því var honum ekki stefnt.
Héraðdómur komst að þeirri nið-
urstöðu að Radíóbúðin ehf. hefði verið
eigandi bústaðanna þegar fólkið seldi
fyrirtækinu þá. Því hefðu kaupin í
raun verið gjöf til fólksins. Þessum
gjafagerningi rifti héraðsdómur í gær
og dæmdi fólkið til að greiða þrota-
búinu samtals um 14,7 milljónir auk
dráttarvaxta.
Salan fór fram skömmu
fyrir gjaldþrot
Radíóbúðin ehf. var úrskurðuð
gjaldþrota 17. ágúst 1998. Nokkru áð-
ur, eða hinn 6. ágúst, hafði Sparisjóð-
ur Reykjavíkur og nágrennis lagt
fram kyrrsetningarbeiðni hjá sýslu-
manni. Samkvæmt afsölum fyrir
sumarbústaðina og bátaskýli fór sal-
an fram hinn 15. janúar 1998. Sam-
kvæmt lögum hefði því verið óheimilt
að rifta kaupunum þar sem meira en
sex mánuðir liðu frá því þau áttu sér
stað og til frestdags við gjaldþrota-
skipti.
Fyrrverandi fjármálastjóri Radíó-
búðarinnar ehf. bar hins vegar fyrir
rétti að einn umræddra stjórnar-
manna hefði komið til sín með afsölin
fyrir sumarbústöðunum rétt fyrir
gjaldþrot félagsins og sagt sér að
færa þau miðað við 15. janúar 1998.
Fjármálastjórinn staðfesti að færsl-
urnar hefðu átt sér stað 7. ágúst, eða
degi eftir að SPRON lagði fram kyrr-
setningarbeiðnina.
Þrotabú Radíóbúðarinnar höfðaði
riftunarmálið og byggði einkum á því
að Radíóbúðin efh. hefði verið eigandi
þeirra bústaða og bátaskýlis sem
stjórnarmennirnir seldu fyrirtækinu
samkvæmt afsölum sem voru dagsett
15. janúar 1998. Taldi þrotabúið að í
afsölunum fælist hrein gjöf til þessara
aðila og ættmenna þeirra. Salan hefði
verið sett á svið til þess að jafna út
viðskiptareikninga fólksins við Radíó-
búðina ehf. og laga skuldastöðu
Appleumboðsins og Bónus Radíós, en
fyrirtækin voru öll í eigu stjórnar-
manna eða fjölskyldumeðlima þeirra.
Þá taldi þrotabúið að kaupverðið
hefði verið langt umfram raunveru-
legt verðmæti bústaðanna.
Fyrirtækið reisti bústaðina
og greiddi af þeim gjöld
Árið 1985 keypti Radíóbúðin hf.
land í Grímsnesi og reisti þar fjóra
sumarbústaði. Sex árum síðar var þar
byggt bátaskýli sem jafnframt var
skráð sem eign fyrirtækisins.
Fram kom að í skattframtölum
stjórnarmannanna frá árunum 1986
til 1998 og veðbréfum, sem þinglýst
var á lóðirnar, hefði verið tekið fram
að þeir væru eigendur að sumarbú-
stöðunum.
Í héraðsdómi segir hins vegar að
aldrei hafi verið gerðir samningar á
milli umræddra hluthafa og Radíó-
búðarinnar hf. um lóðarleigu eða á
annan hátt formlega gengið frá eign-
arhaldi þeirra á sumarbústöðunum
gagnvart hlutafélaginu.
Fyrrverandi endurskoðandi Radíó-
búðarinnar bar að fasteignin hefði
verið færð sem eign hjá hlutafélaginu
og að kostnaður við ræktun og girð-
ingar hefði, a.m.k. í upphafi, verið
greiddur af því.
Fyrrverandi fjármálastjóri félags-
ins bar að í bókum þess hefðu sum-
arbústaðalóðirnar verið taldar eign
félagsins en sumarbústaðirnir eign
umræddra stjórnarmanna. Hluta-
félagið hefði greitt fasteignagjöld.
Héraðsdómur féllst á það með
þrotabúinu að Radíóbúðin ehf. hefði
verið réttur eigandi sumarbústað-
alóðanna og sumarbústaðanna og
bátaskýlisins. Því var það niðurstaða
dómsins að endurgjald það, sem kom
fyrir bústaðina, hefði verið gjöf til
stefndu.
Arngrímur Ísberg héraðsdómari
kvað upp dóminn.
Keypti eignir sem
fyrirtækið átti fyrir
Kaupum Radíóbúðarinnar á sumarbústöðum rift með dómi
AÐFARANÓTT sl. sunnudags
hafði lögreglan í Reykjavík af-
skipti af fjórum einstaklingum, á
aldrinum 19–25 ára, í miðborg
Reykjavíkur. Við leit á þeim
fannst lítilræði af amfetamíni og
e-töflum. Við húsleit hjá þeim og í
bifreið eins þeirra fannst meira af
fíkniefnum en alls lagði lögreglan
hald á 54 e-töflur.
Lítilræði af fíkniefnum fannst
ennfremur á þremur einstakling-
um á svipuðum aldri um kl. 5 að-
fararnótt þriðjudagsins. Lögregl-
an gerði húsleit heima hjá einum
þeirra og fann þar meira eða alls
um 19 g af hassi, 19 e-töflur og 6 g
af amfetamíni. Sá hefur játað að
eiga fíkniefnin.
Fíkniefnadeild lögreglunnar í
Reykjavík segir málin að mestu
upplýst.
Lögreglan í Reykjavík
Hald lagt á nokkurt
magn fíkniefna
INGIBJÖRG Pálmadóttir,
heilbrigðis- og tryggingamála-
ráðherra, verður að ráði lækna
í veikindaleyfi næstu tvær vik-
urnar, eða til 26. febrúar nk. Í
fjarveru Ingibjargar gegnir
Halldór Ásgrímsson utanríkis-
ráðherra embætti heilbrigðis-
og tryggingamálaráðherra.
Heilbrigðis-
ráðherra
í veikindaleyfi
HÉRAÐSDÓMUR Vestfjarða
dæmdi í gær 19 ára pilt til að greiða
30.000 krónur í sekt fyrir ofsaakstur
í mars á síðasta ári. Þá var pilturinn
sviptur ökuréttindum í þrjá mánuði
og dæmdur til að greiða málsvarn-
arlaun skipaðs verjanda síns, 40.000
krónur, auk annars sakarkostnaðar.
Lögreglan stöðvaði piltinn
skammt fyrir utan Bolungarvík þar
sem hámarkshraði er 70 km/klst.
Samkvæmt radarmælingu var pilt-
urinn á 153 km hraða. Þessu neitaði
pilturinn og kvaðst ekki hafa ekið
hraðar en á 100 km/klst. Hann hefði
þá verið að fara fram úr bifreið
kunningja síns.
Talinn sekur um
vítaverðan akstur
Lögreglumaðurinn var einn við
umferðareftirlit þegar atvikið átti
sér stað. Eftir að hafa stöðvað för
piltsins sýndi hann honum niður-
stöður mælingarinnar. Einnig kall-
aði hann til varðstjóra til að staðfesta
mælinguna. Héraðsdómur taldi ekki
ástæðu til að draga radarmælinguna
í efa og taldi piltinn sekan um víta-
verðan akstur. Erlingur Sigtryggs-
son dómstjóri kvað upp dóminn.
Ók á 148
þar sem há-
markshraði
er 70 km