Morgunblaðið - 03.03.2001, Blaðsíða 8

FRÉTTIR
8 LAUGARDAGUR 3. MARS 2001 MORGUNBLAÐIÐ
Opið hús hjá Tækniskóla Íslands
Tækniskóla-
dagurinn
Á MORGUN verðurTækniskóli Ís-lands á Höfða-
bakka 9 í Reykjavík með
opið hús á Tækniskóla-
degi. Skólinn verður opn-
aður klukkan 13 og þá
geta gestir skoðað skól-
ann til klukkan 18. Svan-
dís Ingimundardóttir,
kynningarfulltrúi Tækni-
skóla Íslands, hefur haft
umsjón með Tækniskóla-
degi í samstarfi við Holl-
vinafélag skólans. Hún
var spurð að því hvað
gestum og gangandi stæði
til boða að kynna sér.
„Megináherslan verður
lögð á að kynna fjöl-
breytta námsmöguleika í
Tækniskóla Íslands og
mikilvægi öflugra tengsla
hans við atvinnulífið.“
– Hvernig fer þessi kynning
fram?
„Í fyrsta lagi munu nemendur
einstakra námsbrauta vera í for-
svari fyrir kynningu þeirra en
námið í þessum litla háskóla er
gífurlega fjölbreytt. Tækniskóli
Íslands skiptist í margar deildir.
Kennsla í tæknideildum fer fram
á sex brautum sem eru: raf-
magnstæknifræði, bygginga-
tæknifræði, iðnaðartæknifræði,
upplýsingatæknifræði, véltækni-
fræði og orkutæknifræði. Þá fer
kennsla í iðnfræði fram á þremur
brautum en nemendur í iðnfræði
þurfa að hafa lokið sveinsprófi í
viðeigandi grein og um er að
ræða byggingaiðnfræði, rafiðn-
fræði og véliðnfræði. Rekstrar-
deildin er fjölmennasta deild
skólans. Hún útskrifar iðnrekstr-
arfræðinga eftir tveggja ára nám
sem síðan geta bætt við sig einu
ári til B.Sc.-gráðu í vörustjórnun
eða alþjóðamarkaðsfræði. Þá ber
að nefna heilbrigðisdeildina sem
útskrifar meina- og röntgen-
tækna eftir fjögurra ára nám
með B.Sc.-gráðu. Síðast en ekki
síst skal nefna frumgreinadeild-
ina en það er sú leið sem sífellt
fleiri nýta sér til innkomu í
skólakerfið eftir mislöng
námshlé. Þessi kostur er að
verða sífellt vinsælli enda býður
þessi deild upp á vel skipulagt
nám samsvarandi stúdentsprófi
af raungreinadeildarbrautum.
Allt nám við Tækniskóla Íslands
er lánshæft hjá LÍN. Þess má
geta að TÍ vill gjarnan fá enn
fleiri konur til náms í tæknifræði,
þeim hefur farið fjölgandi.“
– Hvað fleira en kynning á
námi fer fram á Tækniskóladegi?
„Tækniskóli Íslands kynnir sig
gjarnan sem háskóla
atvinnulífsins og ekki
að ástæðulausu. Okkur
er því mikið í mun að
halda á lofti öflugum
tengslum skólans við
fyrirtæki og stofnanir í
landinu enda hafa
mörg þeirra stutt
dyggilega við skólastarfið. Ýmsir
fróðlegir fyrirlestrar verða í boði
á morgun. Bæði er um að ræða
fyrirlestra sem tengjast loka-
verkefnum nemenda úr Tækni-
skóla Íslands, en þau verkefni
eru gjarnan unnin að beiðni fyr-
irtækja. Sérstaklega á það við
rekstrardeildina en öll verkefnin
eru vel nýtanleg úti í samfélag-
inu. Fyrirlestrar verða haldnir
um svona verkefni. Sem dæmi
má nefna erindi um hreyfilhitara
sem Ólafur Arnar Gunnarsson
orkutæknifræðingur hefur hann-
að til bensínsparnaðar. Eysteinn
Jóhann Dofrason byggingatækni-
fræðingur talar um möguleika á
flutningi Reykjavíkurflugvallar
út í Skerjafjörð. Guðlaugur Þor-
leifsson véltæknifræðingur og
Axel Jóhannsson nemi ræða um
endurbætur sem þeir hafa gert á
snurvoðarvindu og Gunnar Páll
Viðarsson byggingatæknifræð-
ingur kannaði í sínu verkefni
möguleika á lagningu járnbraut-
ar til Keflavíkur og segir frá nið-
urstöðum sínum í því efni. Gesta-
fyrirlesarar eru sex talsins og
koma víða við í erindum sínum.
Skúli Bjarnason hæstaréttar-
lögmaður fjallar um hugmynd
sína að neðanjarðarlestakerfi í
Reykjavík, Smári Kristinsson
framkvæmdastjóri segir frá
nýjustu tækni í læknisfræðilegri
myndgreiningu, Jón Scheving
Thorsteinsson segir frá tengslum
Tækniskólans við fyrirtæki,
Stefán Jónasson markaðsstjóri
fjallar um eiginleika og hagnýt-
ingu TETRA-fjarskiptatækni og
Ágúst Sigurðsson hrossaræktar-
ráðunautur fjallar um uppruna
íslenska hestakynsins.“
– Verður auglýst hvenær hver
fyrirlestur er á dagskrá?
„Dagskrá Tækniskóladagsins
verður auglýst í Morgunblaðinu
á morgun og víðar en gestir fá
jafnframt afhenta
dagskrá við komu í
skólann. Margt fleira
verður í gangi, sem
dæmi má nefna
þriggja mínútna nám-
skeið í notkun Nets-
ins, gestir geta fengið
mælt kólesteról í blóði
hjá meinatækninemum, Hollvina-
félag Tækniskóla Íslands kynnir
starfsemi sína ásamt Tæknifræð-
ingafélagi Íslands. Alþjóðasam-
starf Tækniskóla Íslands verður
kynnt. Nemendur tæknideildar
kynna Mechanical Desktop-hönn-
unarforrit og sýnitilraunir fara
fram í eðlisfræðistofu. Nemenda-
félag TÍ kynnir sína starfsemi og
veitir upplýsingar um LÍN,
Bandalag íslenskra sérskólanema
og Byggingarfélag námsmanna.
Loks má geta þess að veitinga-
sala verður í mötuneyti skólans á
fyrstu hæð og foreldrar geta
fengið gæslu fyrir börn sín með-
an þeir skoða sig um og hlusta á
fyrirlestra og kynningar.“
Svandís Ingimundardóttir

Svandís Ingimundardóttir
fæddist í Kópavogi 5. ágúst 1960.
Hún lauk stúdentsprófi frá
Menntaskólanum við Hamrahlíð
1980 og B.Ed.-prófi frá Kenn-
araháskóla Íslands 1985. Prófi í
námsráðgjöf lauk hún frá Há-
skóla Íslands árið 1992. Hún hef-
ur starfað við kennslu og skóla-
stjórn, m.a. á Hofsósi, við
sérkennslu og námsráðgjöf og
nú er hún námsráðgjafi og kynn-
ingarfulltrúi Tækniskóla Íslands.
Svandís á eina dóttur.
Tækniskóli
Íslands
hefur öflug
tengsl við
atvinnulífið
AÐ MINNSTA kosti 37 íslenskir
áhugamenn um hundarækt sjá fram
á fjárhagslegt tjón vegna þess að
ákveðið hefur verið að fresta fyrir-
hugaðri hundasýngu í Birmingham á
Englandi vegna gin- og klaufaveik-
innar sem geisar þar í landi. Sýn-
ingin, sem þekkt er undir nafninu
Crufts og er ein virtasta hundasýn-
ing í heimi, átti að fara fram 8. – 11.
mars næstkomandi. Til stóð að sýna
um 25 þúsund hunda þá fjóra daga
sem sýningin átti að standa yfir.
Brynja Tomer er einn þeirra
hundaeigenda sem hugðist sækja
sýninguna og segir hún það vera gíf-
urleg vonbrigði að sýningunni hafi
verið frestað. „Fyrir hundaáhuga-
fólk er þetta eins og ferð múslima til
Mekka enda er þetta gífurleg vel
sótt sýning. Við vorum búin að setja
okkur í samband við ræktendur
þarna úti og gera ráðstafanir til að
skoða hvolpa og fleira.“
Hún segir sýningargesti skipta
hundruðum þúsunda sem geri það að
verkum að hótelverð í Birmingham
sé mjög hátt þessa daga og panta
þurfi ferðir og hótel með margra
mánaða fyrirvara. Á fimmtudag tók
breska hundaræktarfélagið sem
stendur fyrir sýningunni hins vegar
þá ákvörðun að fresta henni um
óákveðinn tíma og segir Brynja það
vera vegna þess að það vilji ekki vera
ábyrgt fyrir því að gin- og klaufa-
veikin breiðist út með sýningargest-
um. Auk þess var ljóst að einhverjir
dómarar höfðu hætt við að taka þátt í
sýningunni vegna sjúkdómsins.
Íslenski hópurinn sem ætlaði að
sækja sýninguna er ósáttur við fram-
göngu Flugleiða í þessu máli. „Flug-
leiðir buðust til að koma til móts við
þennan hóp með því að gefa okkur
innleggsnótu fyrir 50 prósentum af
verði farseðilsins. Ég hef heyrt í fólki
og það er mjög vonsvikið yfir þessu
og finnst eðlilegra að Flugleiðir
hefðu gefið okkur innleggsnótu fyrir
allri ferðinni.“ Brynja segir andvirði
þeirra flugmiða sem búið var að fjár-
festa í vera á bilinu 12–1.300 þúsund
króna en hótelkostnaður bætist svo
við. Forfallatryggingar, sem þjón-
ustufulltrúi Flugleiða hefði bent á,
dekki ekki forföll af þessu tagi held-
ur eingöngu ef ferð falli niður vegna
sjúkdóma. Þá telur hún ábyrgð
þeirra sem halda sýninguna einungis
taka til miðaverðs sem er aðeins ör-
lítill hluti kostnaðarins.
Átti að verða brúðkaupsferð
Brynja segir þetta gera það að
verkum að erfitt verður fyrir fólk að
fara á sýninguna loksins þegar hún
verður haldin og vissulega séu það
mikil vonbrigði. Meðal þeirra sem
ætluðu að fara er ung stúlka sem
keppa átti sem fulltrúi Íslands í
flokki ungra sýnenda og hjón sem
höfðu ætlað ferðinni að vera síðbúin
brúðkaupsferð. Hún segir þó breska
hundaræktarfélagið sýna ákveðna
ábyrgð með því að fresta sýningunni
þó að sú ákvörðun hefði komið held-
ur seint.
„Það er kannski einhver bót í máli
að það verður hundasýning í Reið-
höllinni í Kópavogi um næstu helgi
og við verðum bara að reyna að hafa
sem mest gaman af þeirri sýningu
fyrst að þetta fór svona.“
Breskri hundasýningu frestað vegna gin- og klaufaveiki
Margir höfðu greitt
fyrir ferðir og gistingu
LABRADORTÍKIN Píla komst í hann krappan í Sil-
ungapolli í Heiðmörk þegar gervibráðin sem hún
hugðist hremma tók upp á því að stinga af í gegnum
frárennslisrör.
Píla lét það ekki stöðva sig og hikaði ekki við að
stinga sér á eftir fengnum. Hvort Píla hafði eitthvað
upp úr krafsinu, annað en góðan þvott, fylgir ekki
sögunni.
Morgunblaðið/Ingólfur
Hundasund í Heiðmörk