Morgunblaðið - 03.03.2001, Blaðsíða 22

AKUREYRI
22 LAUGARDAGUR 3. MARS 2001 MORGUNBLAÐIÐ
AKUREYRARKIRKJA: Fjöl-
skylduguðsþjónusta kl. 11 á morg-
un, sunnudag, sr. Svavar A. Jóns-
son. Barna- og unglingakór Akur-
eyrarkirkju syngur. Kvöldmessa
með fjölbreyttri tónlist á sunnu-
dagskvöld kl. 20.30. Félagar úr
Æskulýðsfélagi kirkjunnar að-
stoða. Kór Menntaskólans á Akur-
eyri syngur undir stjórn Guð-
mundar Óla Gunnarssonar.
Krossbandið flytur létta tónlist.
Boðið verður upp á kaffi, mjólk og
kökur í safnaðarheimili eftir
messu. Biblíulestur kl. 20.30 á
mánudagskvöld. Tíu boðorð, fjöl-
skyldubörn og einangrun, séra
Guðmundur Guðmundsson.
Mömmumorgunn kl. 9 á þriðjudag.
Á miðvikudag verður haldið upp á
10 ára afmæli mömmumorgna í
Akureyrarkirkju í Safnaðarheim-
ilinu frá kl. 10 til 12. Kyrrðar- og
fyrirbænastund kl. 12 á fimmtu-
dag. Bænaefnum má koma til
prestanna. Unnt er að kaupa léttan
hádegisverð í safnaðarheimili á eft-
ir.
GLERÁRKIRKJA: Fjölskyldu-
guðsþjónusta kl. 11 á morgun,
sunnudag. Barnakór Glerárkirkju
syngur undir stjórn Björns Þór-
arinssonar. Blokkflautuhópur úr
Giljaskóla leikur og Ósk ræðir við
börnin. Kyrrðar- og tilbeiðslustund
verður í kirkjunni kl. 18.10 á
þriðjudag. Hádegissamvera á mið-
vikudag kl. 12 til 13, helgistund,
fyrirbænir og sakramenti. Léttur
hádegisverður í safnaðarsal að
helgistund lokinni á vægu verði.
Opið hús fyrir mæður og börn á
fimmtudag frá kl. 10 til 12. Æfing
barnakórs Glerárkirkju kl. 17.30 á
fimmtudag.
HJÁLPRÆÐISHERINN: Sunnu-
dagaskóli kl. 11 á morgun, sunnu-
dag, bæn kl. 19.30 og almenn sam-
koma kl. 20. Heimilasamband kl.
15 á mánudag. Súpa, brauð og bibl-
íufræðsla kl. 19 á miðvikudag.
HVÍTASUNNUKIRKJAN: Brauðs-
brotning kl. 20 á laugardag.
Sunnudagaskóli fjölskyldunnar kl.
11.30 á morgun, sunnudag. Aldurs-
skipt kennsla þar sem allir fá eitt-
hvað við sitt hæfi. Reynir Valdi-
marsson sér um kennsluna.
Vakningasamkoma sama dag kl.
16.30. Flutt verður fjölbreytt lof-
gjörðartónlist og Yngvi Rafn
Yngvason predikar. Fyrirbæna-
þjónusta, krakkakirkja og barna-
pössun. Bænastundir alla virka
morgna kl. 6.30.
HRÍSEYJARPRESTAKALL:
Sunnudagaskóli kl. 11 á morgun í
Stærra-Árskógskirkju. Umsjónar-
maður er Sif Sverrisdóttir og und-
irleikari Steinunn Þorsteinsdóttir.
Æskulýðsguðsþjónusta kl. 11 á
morgun, sunnudag, í Hríseyjar-
kirkju.
KAÞÓLSKA KIRKJAN: Messa í
dag, laugardag, kl. 18 og á morg-
un, sunnudag, kl. 11 í Péturskirkju
við Hrafnagilsstræti 2 á Akureyri.
KAUPANGSKIRKJA: Sunnudag-
inn 4. mars verður messa með
sunnudagaskólaívafi í Kaupangs-
kirkju kl. 11:00. Kæru foreldrar,
látum oss keppa aðeins við sjón-
varpið og tölvuleikina og mæta
með börnin í kirkjuna. Foreldrar
væntanlegra fermingarbarna eru
og velkomnir og vonandi verður
tími á eftir til skrafs og ráðagerða.
MÖÐRUVALLAPRESTAKALL:
Æskulýðsdagurinn verður haldinn
hátíðlegur fyrir allt prestakallið
með fjölskylduguðsþjónustu í
Möðruvallakirkju sunnudaginn 4.
mars kl. 11:00. Gunnhildur Vala
Valsdóttir syngur einsöng við und-
irleik Pavels Panasiouk. Sara
Benediktsdóttir og Sesselía Ólafs-
dóttir leika á altflautu og selló.
Hljómsveitin „Ungir stríðsmenn
Krists“ syngur og leikur. Ferming-
arbörn flytja bænir og börn úr
kirkjuskólanum syngja. Mikill al-
mennur söngur. Mætum öll og
njótum samveru í húsi Guðs.
SJÓNARHÆÐ: Sunnudagaskóli í
Lundarskóla kl. 13.30 á morgun.
Almenn samkoma á Sjónarhæð,
Hafnarstræti 63, kl. 17 sama dag.
Fundur fyrir 6–12 ára krakka á
Sjónarhæð kl. 17.30 á mánudag.
Kirkjustarf
FRUMKVÖÐLASETUR Norður-
lands var stofnað í gær en tilgang-
ur þess er að efla nýsköpun á Norð-
urlandi, styðja frumkvöðla á
svæðinu, aðstoða þá við öflun
áhættufjármagns og veita þeim ráð-
gjöf við að stofna og reka fyrirtæki
sín. Skrifstofur Frumkvöðlaseturs
Norðurlands verða á þremur stöð-
um, á Akureyri, Dalvík og Húsavík.
Þar verður tekið á móti frumkvöðl-
um, lagt mat á viðskiptahugmyndir
þeirra og ráðgjöf veitt sem og
stuðningur.
Urðir hf., nýstofnað félag í eigu
Sparisjóðs Svarfdæla og Kaup-
félags Eyfirðinga, er stærsti eig-
andi setursins en aðrir stórir eig-
endur eru Tækifæri hf., iðnaðar- og
viðskiptaráðuneytið og Nýsköpun-
arsjóður atvinnulífsins.
Bakhjarlar og ráðgjafar hins nýja
frumkvöðlaseturs koma frá virtum
stofnunum og öflugum einkafyrir-
tækjum. Komið verður á fót teymi
reyndra atvinnurekenda sem fúsir
eru að taka þátt í stjórnun fyr-
irtækja frumkvöðlanna sem aðstöðu
hafa hjá Frumkvöðlasetri Norður-
lands. Þeirra hlutverk verður að
miðla reynslu, þekkingu og
tengslum til frumkvöðlanna og
hjálpa þannig til við að koma fyr-
irtækjum þeirra á legg. Þá munu
sérfræðingar frá Iðntæknistofnun,
Útflutningsráði Íslands, Viðskipta-
þjónustu utanríkisráðuneytisins,
Nýsköpunarsjóði atvinnulífsins, Há-
skólanum á Akureyri, Byggðastofn-
un og fleiri þjónustustofnunum at-
vinnulífsins heimsækja frumkvöðla-
setrið reglulega. Dagleg starfsemi
setursins verður í nánu samstarfi
við Impru sem er þjónustumiðstöð
frumkvöðla og fyrirtækja á Iðn-
tæknistofnun.
Lyftistöng á landsbyggðinni
Valgerður Sverrisdóttir iðnaðar-
og viðskiptaráðherra ávarpaði fund
þar sem starfsemi Frumkvöðlaset-
urs Norðurlands var kynnt síðdegis
í gær og sagði m.a. að ánægjulegt
væri að setrið væri fjármagnað að
mestu með einkafjármagni, en
miklar breytingar hefðu orðið í
þjóðfélaginu á síðustu árum hvað
varðar aðgang að áhættufjármagni.
Hún sagði starfsemi setursins
tryggða næstu fimm ár en til lengri
tíma litið ætti það að hafa burði til
að standa á eigin fótum. Fyrst um
sinn yrði um eins konar tilrauna-
starfsemi að ræða að hún teldi að
slík setur gætu orðið til víðar á
landsbyggðinni og orðið þar lyfti-
stöng.
Brýna unga fólkið til dáða
Í máli Björns Rúrikssonar
stjórnarmanns í KEA kom fram að
með því að styðja við frumkvöðla-
hugsun og starfsemi tengda nýj-
ungum væri verið að brýna unga
fólkið til athafna ásamt því að
hvetja Norðlendinga til dáða. Hann
sagði KEA vilja standa fremst í
flokki þeirra sem sporna vildu við
ótímabærri og óskynsamlegri
byggðaröskun og félagið gerði sér
grein fyrir mikilvægi atvinnuupp-
byggingar á landinu öllu með sér-
stakri þýðingu þess að auka fjöl-
breytni atvinnulífs.
Morgunblaðið/Margét Þóra
Sigurður J. Sigurðsson, forseti bæjarstjórnar Akureyrar, og Valgerður
Sverrisdóttir, iðnaðar- og viðskiptaráðherra, undirrita samninginn.
Næstur kemur Arnar Sigurmundsson frá Nýsköpunarsjóði atvinnulífs-
ins og þá Magnús Friðgeirsson frá Iðntæknistofnun.
Frumkvöðla-
setur stofnað
FJÁRFESTINGAFÉLAGIÐ Urð-
ir ehf. sem er í eigu Sparisjóðs
Svarfdæla og Kaupfélags Eyfirð-
inga hefur verið stofnað en meg-
inmarkmið þess er að efla nýsköp-
un í atvinnulífi á Dalvík og
nágrannabyggðum. Eitt fyrsta
verkefni Urða er þátttaka í stofn-
un Frumkvöðlaseturs Norður-
lands, en félagið leggur fram allt
að helmingi af stofnfé setursins og
mun skapa því öfluga starfsað-
stöðu á Dalvík.
Koma á fót Tækni-
garði Dalvíkur
Hlutafé Urða er 60 milljónir
króna og verður það greitt á næstu
5 árum, en eignarhlutur félaganna
tveggja er jafn. Um 20 milljónum
króna af stofnfénu verður varið til
Frumkvöðlaseturs Norðurlands,
en 40 milljónum króna til fjárfest-
inga í fyrirtækjum á sviði hátækni
og hugbúnaðar sem hafi starfsemi
við utanverðan Eyjafjörð.
Urðir munu nú þegar verja 10
milljónum króna til að stofna
hlutafélagið Tæknigarð Dalvíkur,
en ætlunin er að hlutafé í því fyr-
irtæki verði alls 25 milljónir króna,
þannig að um 60% hlutafjár koma
frá öðrum félögum. Hlutverk þess
er að reka þjónustufyrirtæki á
sviði tölvutækni, hugbúnaðargerð-
ar og fjarvinnslu í núverandi skrif-
stofuhúsnæði KEA við Hafnartorg
á Dalvík. Tæknigarður Dalvíkur
mun einnig annast útleigu á skrif-
stofuhúsnæðinu og tölvutengingar
þar en náin samvinna mun verða á
milli hans og Frumkvöðlaseturs-
ins, sem starfa mun í sama húsi.
Í tengslum við stofnun Urða
hafa Sparisjóður Svarfdæla og
Kaupfélag Eyfirðinga gert sam-
komulag við Háskólann á Akureyri
um að hann taki þátt í að koma at-
vinnustarfsemi á sviði hátækni,
hugbúnaðargerðar og fjarvinnslu á
fót. Háskólinn mun veita þekking-
arlega ráðgjöf á sviði sjávarútvegs,
rekstrar og upplýsingatækni,
tengja þróunar- og nemendaverk-
efni við starfsemina á Dalvík og
efna til námskeiða og endurmennt-
unar á þessum sviðum.
Forsvarsmenn félagsins vænta
þess að ekki verði langt að bíða
þess að ný störf skapist á Dalvík í
tengslum við þetta verkefni.
Hagsmunir fóru saman
Jóhann Antonsson stjórnarmað-
ur í Sparisjóði Svarfdæla sagði að
bæði félögin, sparisjóðurinn og
KEA ættu að baki langa sögu, en
þau voru stofnuð á ofanverðri 19.
öld. Miklar breytingar hefðu orðið
á atvinnuháttum og hefðu for-
svarsmenn þessara félaga fljótt
fundið að hagsmunir þeirra færu
saman hvað það varðar að stuðla
að nýsköpun á svæðinu og skapa
ný atvinnutækifæri.
Þannig hefði skrifstofuhúsnæði
KEA á Dalvík, yfir 700 fermetrar
að stærð, staðið autt um skeið
vegna þeirra breytinga sem orðið
hafa í rekstri félagsins. Með sam-
eiginlegu átaki myndi fljótt verða
breyting þar á.
Sparisjóður Svarfdæla og Kaupfélags Eyfirðinga stofna fjárfestingafélag
Urðir eiga að
efla nýsköp-
un á Dalvík
VETURINN hefur verið með ólík-
indum mildur hér í Grímsey það sem
af er þessu ári. Snjókorn sáust ekki
og bátar voru á sjó dag eftir dag.
Fólki hér fannst eins og veturinn
hefði gleymt því að koma. En örlítið
minnti hann nú á sig síðustu vikuna í
febrúar með vestanvindum og snjó-
komu.
Fréttaritari hitti Alfreð Garð-
arsson á bryggjunni og fékk upplýs-
ingar um sjósókn þessa dimmustu
vetrarmánuði ársins. Alfreð stofn-
aði útgerðina Bratta 1995 en hann
gerir út 2 báta, Hafölduna og Kon-
ráð, ásamt bræðrunum Bjarna og
Svafari
Gylfasonum sem stofnuðu útgerð-
arfélagið Básavík, á vormánuðum
1999.
Þessir ungu, harðduglegu at-
hafnamenn gera út bátana og vinna
allt saman. Alls fóru þeir 17 róðra í
janúar og fengu 47 tonn. Í febrúar
var aflinn hjá þeim þremmenn-
ingum 30 tonn þrátt fyrir heila
bræluviku.
Alfreð sagði að það væri rífandi
uppsveifla í Grímsey – menn væru
að kaupa kvóta eða leigja og ungir
menn væru að koma inn í útgerðina
sem þekktist varla annars staðar á
landinu.
Alfreð taldi að stuðningur
Byggðastofnunar við bakið á kvóta-
litlum eigendum skipti þarna veru-
legu máli.
Í vetur hafa 8 línubátar gert út
frá Grímsey, einn netabátur og einn
á dragnót. Alfreð sagði frá því að
óvenjumikil steinbítsgengd hefði
verið í febrúar, svo mikil að menn
hafa jafnvel fengið meira en tonn af
steinbít á dag sem hefði þótt góður
vikuafli í fyrra. Hugsanleg ástæða
fyrir þessu er talin vera aukin hlý-
indi í sjónum.
Sem sagt „sumartíð“ við heim-
skautsbaug í janúar og febrúar –
sem viðbót við aðra ljúfa mánuði
þessa vetrar.
Sumartíð við heimskautsbaug
Morgunblaðið/Helga Mattína
Bjarni, Alfreð og Svavar á bryggjunni í Grímsey.
Grímsey. Morgunblaðið.
FIMMTU tónleikar Tónlistar-
félags Akureyrar verða á morgun,
sunnudag, kl. 16 í Laugaborg í
Eyjafjarðarsveit. Þar mun Blás-
arakvintett Reykjavíkur koma
fram ásamt Philip Jenkins píanó-
leikara. Flutt verða verk eftir
Tryggva M. Baldvinsson, Atla
Heimi Sveinsson, Poulenc og Moz-
art. Philip hefur frá árinu 1989
gegnt stöðu yfirprófessors í píanó-
deild Royal Scottish Academy of
Music and Drama í Glasgow. Hann
kenndi um tíma við Tónlistarskól-
ann á Akureyri og hefur oft sótt
Ísland heim síðan og leikið með ís-
lenskum tónlistarmönnum.
Tónleikar í
Laugaborg
SÝNING blaðaljósmyndara hefur
verið sett upp í Ráðhúsinu á Dalvík í
boði Sparisjóðs Dalvíkur. Sýningin
hefur að geyma um 150 úrval ljós-
mynda eftir 33 blaðaljósmyndara á
Íslandi, sýningin var í Listasafni
Kópavogs – Gerðarsafni 27. janúar
til 11. febrúar 2001, þar sem hún var
sótt af hátt á fjórða þúsund gesta á
tveim vikum. Sýningin á Dalvík var
opnuð í gær, föstudag.
Sýning á Dalvík
♦ ♦ ♦