Morgunblaðið - 23.03.2001, Síða 36

LISTIR
36 FÖSTUDAGUR 23. MARS 2001 MORGUNBLAÐIÐ
TÓNLISTARSKÓLI Hafnarfjarðarfagnar 50 ára afmæli sínu með við-höfn um helgina en hann tók til starfahaustið 1950. Að sögn Gunnars Gunn-
arssonar skólastjóra var tímamótanna minnst
með útgáfu geisladisks með hljóðfæraleik nem-
enda skólans fyrir jólin en í dag verður haldinn
sérstakur hátíðarfundur í skólanum. Hefur
bæjarstjórn Hafnarfjarðar verið boðið til fund-
arins ásamt skólastjórum um 20 tónlistarskóla
víðs vegar af suðvesturhorninu auk ýmissa ann-
arra velunnarra skólans. Þar mun m.a. kamm-
ersveit skipuð kennurum skólans leika fyrir
gesti. Á morgun sunnudag verður efnt til hátíð-
ardagskrár fyrir nemendur skólans og aðstand-
endur þeirra og hefst hún kl. 14. Að sögn Gunn-
ars munu nemendur skólans flytja þar ein 20
tónlistaratriði og síðan verður öllum boðið til
veglegrar kaffiveislu.
Tónlistarskóli Hafnarfjarðar var einn fyrsti
tónlistarskólinn utan Reykjavíkur og kom í hlut
Páls Kr. Pálssonar, fyrsta skólastjórans, að
móta starfsemi hans og setja honum reglugerð.
Skólarnir sem á eftir komu sóttu fyrirmynd í
hana. Fyrstu ár skólans var áhugi bæjarbúa á
tónlistarnámi lítill. Fá hljóðfæri voru til á heim-
ilum og erfiðlega gekk að laða bæjarbúa að
skólanum. Aðsókn jókst með árunum, farið var
að kenna á fleiri hljóðfæri og stofnaður var for-
skóli fyrir yngri börn. 1954 voru keypt hljóð-
færi til skólans: fiðlur, blokkflautur og áslátt-
arhljóðfæri. Þá og næstu ár starfaði
listdansdeild við skólann.
Núverandi skólastjóri er Gunnar Gunn-
arsson, en hann var ráðinn 1989 og ári síðar var
Helgi Bragason ráðinn yfirkennari.
Árið 1992 í september var tekin fyrsta
skóflustunga að nýjum Tónlistarskóla sem rísa
skyldi við Strandgötu nærri Hafnarfjarð-
arkirkju. Efnt var til samkeppni meðal arki-
tekta um hönnun skólans og varð tillaga arki-
tektanna Sigríðar Magnúsdóttur og Hans Olav
Andersen fyrir valinu. Í ágúst 1997 var nýtt
húsnæði Tónlistarskólans tekið í notkun.
„Í dag starfar Tónlistarskólinn samkvæmt
námskrá sem gefin er út af menntamálaráðu-
neytinu. Náminu er skipt í grunnnám, miðnám
og framhaldsnám. Kennt er á píanó, hljómborð,
orgel, harmónikku, gítar, bassa og slagverk og
eins er kennt á öll helstu strengja-, tréblásturs-
og málmblásturshljóðfæri. Í skólanum er starf-
andi söngdeild. Í skólanum eru starfandi
kammersveit, tvær strengjasveitir, þrjár lúðra-
sveitir, kammerkór og fjölmargir aðrir minni
samspilshópar. Mjög öflugt tónleikahald fer
fram í skólanum, sérstaklega fyrir jólin og á
vorin, en að jafnaði eru haldnir tveir tónfundir í
mánuði,“ segir Gunnar Gunnarsson skólastjóri.
„Tónlistarskólinn býr nú við afbragðs að-
stöðu, bæði hvað varðar húsa- og hljóð-
færakost, og hefur einnig afnot af Hásölum til
námskeiða-, ráðstefnu- og tónleikahalds. Skól-
inn hefur allt hið besta að bjóða nemendum og
má þar fyrst og fremst nefna vel menntaða og
áhugasama kennara. Mjög öflug foreldrafélög
starfa fyrir lúðra- og kammersveit skólans og
vinna þau ómetanlegt starf. Í nýju húsnæði og
góðri aðstöðu mun Tónlistarskóli Hafn-
arfjarðar eflast mjög á næstu árum og setja
svip á menningarlífið í bænum,“ segir Gunnar
að lokum.
Tónlistarskóli
Hafnarfjarðar
50 ára
Tónlistarskóli Hafnarfjarðar.
Nemendur Tónlistarskólans við upptöku hljómdisks vegna afmælisins.
Listasafn Reykjavíkur – Kjarvalsstaðir
Þremur sýningum lýkur í Listasafni Reykjavíkur á sunnudag.
Gullpensillinn í Listasafni Reykjavíkur – Kjarvalsstöðum, vestursal.
Listamenn sem verk eiga á sýningunni eru Birgir Snæbjörn Birg-
isson, Daði Guðbjörnsson, Eggert Pétursson, Georg Guðni Hauks-
son, Hallgrímur Helgason, Helgi Þorgils Friðjónsson, Inga Þórey
Jóhannsdóttir, Jóhann L. Torfason, Jón Bergmann Kjartansson,
Kristín Gunnlaugsdóttir, Sigríður Ólafsdóttir, Sigurður Árni Sig-
urðsson, Sigtryggur Bjarni Baldvinsson og Þorri Hringsson.
Vestursalur Kjarvalsstaða verður síðan lokaður til laugardagsins
7. apríl þegar þar verður opnuð sýning á verkum Norðmannsins Odd
Nerdrum. Í austursal Kjarvalsstaða stendur yfir sýning á úrvali af
verkum eftir Kjarval en í fordyri gefur einnig að líta myndbands-
upptöku frá ríkissjónvarpinu af viðtali sem Jón Örn Marinósson átti
við Kjarval árið 1967 á vinnustofu hans að Austurstræti 12. Leiðsögn
er um sýningar Kjarvalsstaða alla sunnudaga kl. 15.
Hafnarhús
Sófamálverkið og Frásagnarmálverkið í Hafnarhúsi. Sú fyrr-
nefnda er helguð minningu Þórarins B. Þorlákssonar, sem hélt sína
fyrstu einkasýningu fyrir einni öld. Þar er skyggnst inn í stofur yfir
hundrað nafntogaðra Íslendinga.
Á sýningunni Frásagnarmálverkið eru sýnd verk Errós og fimm
samtíðarmanna hans sem tilheyrðu þessari hreyfingu málara, þ.e.
frásagnarmálara, sem urðu mjög áberandi þegar popplistin leit
dagsins ljós á sjöunda áratugnum. Aðrir listamenn sem verk eiga á
sýningunni eru Valerio Adami, Peter Klasen, Jacques Monory,
Hervé Télémaque og Bernard Rancillac.
Sýningarnar eru á annarri hæð Hafnarhússins en laugardaginn
31. apríl verða þar opnaðar sýningar á verkum eftir Bandaríkja-
manninn John Baldessari og Bretann John Isaacs.
Á fyrstu hæð Hafnarhússins stendur yfir sýningin Heimskauts-
löndin unaðslegu: Arfleifð Vilhjálms Stefánssonar.
Leiðsögn er um sýningar Hafnarhússins alla sunnudaga kl. 16.
Nýlistasafnið
Sýningu fjögurra listamanna í Nýlistasafninu við Vatnsstíg lýkur
á sunnudag.
Í Gryfju sýnir Steingrímur Eyfjörð innsetningu undir yfirskrift-
inni „Breitt ástand,“ ásamt níu öðrum listamönnum. Í forsal sýnir
Ragna Hermannsdóttir bókverk og myndir unnar í tölvu. Á palli sýn-
ir Finnur Arnar Arnarsson innsetningu sem saman stendur af fimm
ljósmyndum og myndbandsverki og í SÚM-sal sýnir Hulda Stef-
ánsdóttir sjö ljósmyndaverk sem unnin eru beint á veggi safnsins.
Safnið er opið alla daga nema mánudaga frá kl. 12-17.
Sýningarlok
og leiðsögn
AUK Sigurðar Flosasonar, sem
leikur á altsaxófón, skipa tríóið
þeir Eyþór Gunnarsson píanóleik-
ari og danski kontrabassaleikarinn
Lennart Ginman. Þeir hafa leikið
mikið saman á liðnum árum, en
alltaf í stærri hjómsveitum. Árið
1999 hljóðrituðu þeir hins vegar
geisladiskinn Himnastigann sem
tríó. Þeir halda nú röð tónleika
víða um landið, en fram til þess
hafði tríóið ekki komið fram á tón-
leikum. Himnastigatríóið lék á
fyrstu tónleikunum á Akureyri í
gær, en kl. 21 í kvöld mun það
leika í Sindrabæ á Hornafirði. Tón-
leikarnir í Salnum í Kópavogi
verða sem fyrr segir á morgun kl.
17 en á sunnudag mun tríóið
bregða sér í Reykjanesbæ og leika
í Frumleikhúsinu kl. 20.
Sigurður Flosason og Eyþór
Gunnarsson hafa um árabil verið í
hópi fremstu djassleikara Íslands
og Lennart Ginman er sömuleiðis í
hópi fremstu djasstónlistarmanna
Danmerkur. Hljómdiskur tríósins
naut mikilla vinsælda og seldist í
stóru upplagi á mælikvarða djass-
platna. „Viðtökurnar við diskinum
voru frábærar og fengum við því
góðan meðbyr með því sem við höf-
um verið að gera. Okkur hefur hins
vegar ekki gefist færi á að halda út-
gáfutónleika, m.a. vegna anna hjá
Lennart Ginman. Nú ætlum við
hins vegar að halda ferna tónleika
um landið og taka upp nýja plötu í
kjölfarið,“ segir Sigurður.
Tríóið mun leika svokallaða
djassstandarda og ballöður, og er
þar um að ræða efni af Himnastig-
anum. „En þegar líða fer á tónleika-
röðina munum við byrja að læða inn
efni sem við erum með í reynslu
fyrir upptökurnar sem farið verður
í strax eftir helgina.“ Sigurður bæt-
ir því við að tríóið sæki fyrst og
fremst í hefðarbrunn djassins, sem
meðlimir gæði síðan eigin túlkun.
„Tríóið gengur fyrst og fremst út á
samspil, að tónlistarmennirnir
hlusti hver á annan og búi þannig
til músík. Þegar áherslan er á hin-
um músíkölsku samskiptum skiptir
ekki mestu mál hvað spilað er,
hvort það er gamalt eða nýtt, held-
ur með hverjum,“ segir Sigurður
og bendir á að meðlimir tríósins
hafi t.d. farið beint í það að taka
upp tónlistina á Himnastiganum,
án æfinga, og sami háttur verði að
mestu leyti hafður á hvað varðar
væntanlegan disk. „Það er líka
mikilvægt að halda ferskleikanum í
tónlistinni. Tónlistin á að vera kvik
og er best þegar hún verður til á
staðnum. Galdurinn er í spunanum
og samleiknum.“
Næsta verkefni tríósins verður
svo að leika á djasshátíð í Svíþjóð í
sumar. „Hvað verður í framhaldi
mun síðan koma í ljós,“ segir Sig-
urður að lokum en ætla má að
margir þeirra, sem líkaði geisla-
diskur Himnatríósins, vilji grípa
tækifærið og sjá þá leika saman í
Salnum á morgun.
„Galdurinn
er í spunan-
um og sam-
leiknum“
Himnastigatríóið heldur síðbúna út-
gáfutónleika í Salnum í Kópavogi á
morgun, laugardag, kl. 17 og eru þeir
hluti af tónleikaröð, þar sem tríóið
kemur fram saman í fyrsta sinn.
Ljósmynd/Einar Falur Ingólfsson
Sigurður Flosason ásamt félögum sínum, Lennart
Ginnman og Eyþóri Gunnarssyni, við upptökur á
plötunni Himnastiginn.