Morgunblaðið - 23.03.2001, Síða 66

Bölverkur
Bölverkur leikur rokk í þyngri kantinum og er úr Mos-
fellsbæ og Stykkishólmi. Sveitina skipa þeir Sigmar Logi
Hinriksson gítarleikari, Bragi Páll Sigurðsson söngvari,
Hrafnkell Thorlacius bassaleikari og Jón Ragnar Daða-
son trommuleikari. Meðalaldur þeirra er um átján ár.
Streymi
Streymi er tríó úr Reykjavík skipað þeim Ein-
ari Barkarsyni trommuleikara, Ingvari Andra
Egilssyni bassaleikara og Rúnari Inga Einars-
syni gítarleikara. Þeir eru allir á sextánda
árinu og leika emo, emotional hardcore.
MÚSÍKTILRAUNIR Tónabæjar,
hljómsveitakeppni bílskúrssveita,
standa sem hæst; lokið er tveimur
tilraunakvöldum og það þriðja
verður í kvöld. Þegar hafa nokkrar
hljómsveitir tryggt sér sæti í úrslit-
um tilraunanna sem verða 30. mars
næstkomandi og eftir keppnina í
kvöld bætast tvær til þrjár við eftir
frammistöðu þeirra.
Sigurveitir Músíktilrauna vinna
sér inn hljóðverstíma; 28 hljóðvers-
tíma í Sýrlandi sem Skífan gefur og
28 tímar í Grjótnámunni sem Spor
gefur. Einnig gefur Geimsteinn
efnilegustu hljómsveitinni 25 hljóð-
verstíma, Tónabúðin og Tónastöðin
verðlauna söngvara, Tónabúðin
þann besta með Shure-hljóðnema
og Tónastöðin þann efnilegasta
með Sennheiser-hljóðnema. Hljóð-
færahús Reykjavíkur gefur gjafa-
bréf besta bassaleikaran-
um og besta hljómborðs-
leikaranum, Samspil besta
trommuleikaranum vöru-
úttekt, Rín besta gítar-
leikaranum gjafabréf en
sá fær líka gjafabréf frá
Tónastöðinni. Japis gefur
sigursveitunum geisla-
diska og verðlaunar besta
rapparann með gjafabréfi.
Tölvumenn fá verðlaun
líka, sá besti fær dag í
hljóðveri Thule-útgáfunn-
ar, hljóðkort frá Nýherja
og gjafabréf frá Tónastöð-
inni.
Rás 2 sendir út úrslita-
kvöldið og leggur til kynni
öll kvöldin, Ólaf Pál Gunn-
arsson. Jón Skuggi Stein-
þórsson sér um hljóm á
tilraununum en hljóðkerf-
ið er frá Marteini. Styrkt-
araðilar Músíktilrauna eru
auk þeirra sem leggja til
verðlaun: Hard Rock
Café, Vífilfell, Domino’s
Pizza, Flugfélag Íslands,
Íslandsflug, Rás 2 og
Nings.
Gestasveitir í kvöld eru
Delphi, sem leikur áður en
tilraunahljómsveitirnar
hefja leik sinn, og Jagúar
sem leikur á meðan at-
kvæði eru talin.
Morgunblaðið/Golli
Músíktilraunum
Tónabæjar verður fram
haldið í kvöld. Árni
Matthíasson kynnti
sér hljómsveitirnar
sem fram koma og segir
þær venju fremur
fjölbreyttar.
Lime
Emil H. Petersen
kallar sig Lime og
leikur á tölvur og
hljómborð. Hann er
fæddur 1984.
Dice
Sunnlenska sveitin Dice leikur sérstakt rokk að sögn en
hana skipa þeir Kristján Björnsson sem leikur á trommur,
Gunnar Þórbegur Harðarson sem leikur á gítar, Ingólfur
Örn Friðriksson sem syngur og Árni Hjörvar Árnason
sem leikur á bassa. Þeir eru úr Hveragerði utan að Árni
er úr Reykjavík. Þeir eru á aldrinum frá sextán til tvítugs.
Úr öllum áttum
Natar
Þeir Sigurður Kjartan Kristinsson, bassaleikari og söngv-
ari, Ívar Húni Jóhannesson, hljómborðsleikari og söngv-
ari, Daníel F. Böðvarsson gítarleikari og Bjarni F. Bjarna-
son trommuleikari skipa hljómsveitina Natar. Hljóm-
sveitin sú leikur rokk, en liðsmenn eru á tólfta árinu.
Treinikin
Treinikin heitir hljómsveit úr Reykjavík sem leikur salsa hip-
hop. Hana skipa Karim Djermoun sem sér um forritun og rapp,
Helgi Pétur Lárusson sem skrámar plötur, Hjalti Steinn Sig-
urðsson sem rappar, John Freyr Aikman sem leikur á trömmur
með annarri hendi og Guðlaugur Árnason sem leikur á hljóð-
gervil. Ekki er ljóst á hvaða aldri þeir félagar eru.
Andlát
Andlát er af Stór-Reykjavíkursvæðinu skipuð þeim Sigurði
Trausta Traustasyni söngvara, Inga Þór Pálssyni og Bjarka
Fannari Atlasyni gítarleikurum, Hauki Valdimar Pálssyni bassa-
leikara og Val Árna Guðmundssyni trommuleikara. Meðalaldur
þeirra er rétt tæp nítján ár og þeir segjast leika þungarokk.
Morgunblaðið/Þorkell
MÚSÍKTILRAUNIR
66 FÖSTUDAGUR 23. MARS 2001 MORGUNBLAÐIÐ
SUNNUDAGINN 25. mars klukkan
16.00 verður flutt í Hafnarfjarðar-
kirkju leikdagskrá í tónum og tali um
trú og sjósókn fyrr og nú. Dagskráin
nefnist „Það gefur Guð minn“. Dregn-
ar verða upp leiftrandi svipmyndir af
sjósókninni og þekktum persónum
sem koma þar við sögu.
Jón Hjartarson leikari hefur sett
dagskrárefnið saman og mun standa
að flutningi þess ásamt leikurunum
Ragnheiði Steindórsdóttur og Jóni
Júlíussyni. Þórunn Sigþórsdóttir
söngkona og Carl Möller píanóleikari
munu ásamt leikurunum flytja sjó-
mannalög og lausavísur í þessari leik-
dagskrá, sem er bæði fjörleg og hríf-
andi.
Meðal dagskráratriða eru: Sjóferð-
arbæn og varasöngur. Fyrstu miðin,
fyrsta lúterska kirkjan á Íslandi,
þýska kirkjan í Hafnarfirði, skútan og
sauðkindin, Stjáni blái, söltu jólin í
Hafnarfirði, jarlarnir í Firðinum –
togaraöldin, botnvörpungurinn Garð-
ar – með fulla lest, nýsköpun, slysin
stóru, útgerð í öldudal, aftur byr,
skuttogaraöld. Og meðal söngva eru
fjörleg og falleg lög eins og: Með fulla
lest, Sjómenn íslenskir, Sævar að söl-
um, Heyr mína bæn, Sofnar lóa.
Aðgangur er ókeypis og allir hjart-
anlega velkomnir. Boðið verður upp á
harðfisk og smjör, kaffi og afmælis-
kringlu og samræður við leikarana í
Strandbergi eftir sýninguna. Messað
verður einnig í Hafnarfjarðarkirkju
kl. 11 á morgun.
Þau standa að flutningnum, frá vinstri: Þórunn Sigþórsdóttir, Ragn-
heiður Steindórsdóttir, Jón Júlíusson, Carl Möller og Jón Hjartarson.
Hafnarfjarðarkirkja á sunnudag
Leikdagskrá um
sjósókn og trú