Morgunblaðið - 20.12.2001, Blaðsíða 18

AKUREYRI
18 FIMMTUDAGUR 20. DESEMBER 2001 MORGUNBLAÐIÐ
FJÁRSJÓÐUR NÚTÍMANS
Rauðarárstíg 14,
sími 551 0400
Kringlunni,
sími 568 0400
Smáralind,
535 0400
www.myndlist.is
— Karólína Lárusdóttir —
KVENNSKÓR
Jóla- og áramótaskórnir
Teg: HPH1175
Stærðir: 36-41
Litir: Svart, rautt, gull
Verð 5.495
Teg: HPH1174
Stærðir: 36-41
Litir: Svart, rautt, gull
Verð nú 5.495
Teg: HPH1170
Stærðir: 36-41
Litir: Svart, rautt, gull
Verð nú 4.995
KRINGLAN - SMÁRINN
„Við ætlum að senda út alveg
fram á aðfangadag, hættum líklega
25. desember,“ sögðu þeir hressir,
en nokkuð erfiðlega gekk að koma
útvarpinu í loftið í fyrstu. „Við trufl-
uðum útsendingar hjá Radio X, en
nú er búið að koma öllu í lag.“
Þeir Sigurður Þorri og Alex byrja
kl. 7 á morgnana og stendur útsend-
ing yfir til kl. 23.30 á kvöldin, en
tónlist er leikin ókynnt að næt-
urlagi. Bekkjarfélagar þeirra eru
allir af vilja gerðir að veita aðstoð
og virtust færri komast að en vildu
þegar Morgunblaðið heimsótti fé-
lagana í vikunni. Sigurður og Alex
segjast spila alls konar tónlist og þá
segja þeir fréttir af og til yfir dag-
inn og miðla margs konar fróðleik
sem þeir hafa tekið saman m.a. um
jólasveina og gamla þjóðhætti auk
þess sem þeir bjóða hlustendum sín-
um upp á draumráðningar. Einnig
er hægt að hringja í þá félaga og
biðja um óskalög en síminn er 462-
5131.
Þeir Sigurður og Alex hafa unnið
að undirbúningi síðan í sumar og
hafa m.a. aflað fjár með því að selja
kleinur og safna dósum, en tölu-
verða fjármuni þarf til að koma út-
varpsstöð á fót. „Þetta hefur verið
draumur hjá okkur lengi og það er
mjög gaman að þessu,“ sagði Sig-
urður Þorri, sem lengi hefur verið
með „útvarpsbakteríuna. „Það var
Gestur Einar Jónasson sem smitaði
mig, hann er alveg frábær.“
Morgunblaðið/Kristján
Tveir 12 ára strákar starf-
rækja útvarpsstöðina Jólahjól
TVEIR 12 ára strákar á Akureyri tóku sig til í vikunni og hófu rekstur út-
varpsstöðvar í bænum. Þeir kalla hana Útvarp jólahjól 104,9 og eru í einu
herbergi í KA-heimilinu. Þetta eru þeir Sigurður Þorri Gunnarsson og
Alex Orrason, báðir í 7. bekk í Brekkuskóla.
RÖGNVALDI Skíða Frið-
björnssyni, bæjarstjóra í Dal-
víkurbyggð, hefur verið veitt
lausn frá störfum frá 1. janúar
næstkomandi. Þetta var sam-
þykkt á fundi bæjarstjórnar
Dalvíkurbyggðar á þriðjudags-
kvöld. Fyrir var þá tekið erindi
frá Íslandsfugli þar sem fram-
kvæmdastjóri þess leitar eftir
því við bæjarstjórn hvort hægt
sé að fá bæjarstjóra lausan frá
störfum um næstu áramót, en
Rögnvaldur Skíði hefur verið
ráðinn fjármálastjóri Íslands-
fugls. Fyrstu áætlanir gerðu
ráð fyrir að hann myndi starfa
að bæjarmálum út kjörtímabil-
ið, fram á næsta vor. Umfang
starfsemi Íslandsfugls hefur
aukist mikið að undanförnu og
því var óskað eftir að Rögn-
valdur Skíði fengi sig lausan
sem fyrst úr starfi bæjar-
stjóra.
Á fundi bæjarstjórnar Dal-
víkur var samþykkt að fela
staðgengli bæjarstjóra, Guð-
rúnu Pálínu Jóhannesdóttur,
störf bæjarstjóra til 31. maí
2002. Formanni og varafor-
manni bæjarráðs var falið að
ganga frá starfslokum bæjar-
stjóra og semja um starfskjör
bæjarritara.
Tveir bæjarfulltrúar greiddu
atkvæði á móti tillögu um að
bæjarstjóra yrði veitt lausn frá
störfum um áramót og einn sat
hjá. Í bókun þeirra kemur
fram að eðlilegra hefði verið að
bæjarstjóri sjálfur hefði óskað
eftir starfslokum og að það
yrði ekki til kostnaðarauka fyr-
ir sveitarfélagið. Eins töldu
þeir eðlilegri málsmeðferð að
starfslokasamningurinn kæmi
til umfjöllunar í bæjarráði.
Verður
fjármála-
stjóri Ís-
landsfugls
Bæjarstjóri Dalvík-
urbyggðar hættir
um áramót
AKUREYRINGAR hafa verið held-
ur heppnir í Gullnámunni að undan-
förnu. Í vikunni fékk spilari þar rúma
milljón króna og síðasta laugardag
féll potturinn hjá öðrum og gaf 3,9
milljónir. Fyrr í haust hafði spilari
unnið 7,3 milljónir króna í Gullnám-
unni. Þannig hafa Akureyringar unn-
ið um 12,2 milljónir kr. síðustu vikur.
Heppnir Ak-
ureyringar
SAMVERUSTUND verður í Lauf-
áskirkju föstudagskvöldið 21. des-
ember, þegar skammdegið hefur náð
hámarki sínu.
Kór Laufás- og Grenivíkurkirkju
syngur aðventu- og jólalög undir
stjórn Petru Bjarkar Pálsdóttur.
Lesin verður jólasaga og börn flytja
samlestur úr Lúkasarguðspjalli.
Fólk úr Tónlistarskóla Eyjafjarðar
flytur tónlist og yngstu börnin taka
lagið. Ræðumaður verður Bernharð
Haraldsson, fyrrverandi skólameist-
ari, en samverustundinni lýkur með
ljósahelgileik sem unglingar annast.
Kvöldstund
við kertaljós
BÚIÐ er að setja upp nýja stólalyftu
í Hlíðarfjalli og er hún nú tilbúin til
notkunar um leið og snjórinn lætur
sjá sig. Kristján Þór Júlíusson bæj-
arstjóri mun formlega taka við lyft-
unni í dag, en formleg vígsla verður
12. janúar n.k.. Tilkynnt verður nafn
á lyftunni, en fram fór samkeppni um
það og bárust 183 hugmyndir.
Nýja stóla-
lyftan tilbúin
AKUREYRIN EA, frystitogari
Samherja, kom til heimahafnar á
Akureyri í fyrrakvöld eftir 28 daga
veiðiferð. Aflaverðmæti skipsins var
tæpar 100 milljónir króna en veiði-
ferðin varð heldur styttri en ráð var
fyrir gert, vegna bilunar í togspili.
Þetta var jafnframt síðasta veiði-
ferð Árna Bjarnasonar skipstjóra, í
bili að minnsta kosti, þar sem hann
var á dögunum kjörinn formaður
Farmanna- og fiskimannasambands-
ins. Árni hoppar því úr skipstjór-
astólnum í forsetastólinn og mun
hann hefja störf hjá sambandinu nú
um áramótin. Árni hefur stundað
sjómennsku lengst af sinn starfsald-
ur og verið stýrimaður og skipstjóri
hjá Samherja í rúm 10 ár, lengst af á
Akureyrinni.
„Það má segja að ég sé að hafa
endaskipti á tilverunni og það er
nokkuð skrýtin en jafnframt blendin
tilfinning. Ég kem þó til með að hafa
nóg fyrir stafni og bíð spenntur eftir
því að taka við þessu nýja starfi.
Þetta er ákveðin áskorun og það er
ekki annað að gera en standa sig.
Það má líkja við þessu við túr á tog-
ara. Maður þarf að fara út og fiska
og svo lendir maður kannski í brælu
og fær á sig brot en maður verður
samt að plumma sig og skila ár-
angri.“
Árni var kjörinn forseti FFSÍ til
næstu tveggja og hann sagði að ekki
hafi verið tekin nein ákvörðun um að
flytja skrifstofu sambandsins norður
yfir heiðar. „Þeir eru margir sem
vinna hér á Akureyri en búa í
Reykjavík, t.d. í háskólanum. Ég er
þó ekki viss um að það sé skemmti-
legt munstur til frambúðar. Þetta er
þó aðeins tveggja ára kjör og það
getur vel verið að manni verði spark-
að eftir þann tíma. Svo á það líka eft-
ir að koma í ljóst hvort ég þrífst á
þurru landi. En það hafa margir ósk-
að mér til hamingju
með þessa breytingu
og ég vona að það
verði einhver ham-
ingja fólgin í henni.“
Þessi síðasti túr
Árna og skipverja
hans var nokkuð
sögulegur, því litlu
munaði að Akureyrin
lenti í árekstri við er-
lendan togara út af
Skjálfandaflóa. Skip-
ið var á heimleið af
miðunum út af
Langanesi þegar er-
lendi togarinn beygði þvert fyrir Ak-
ureyrina. „Ég sá mér þann kost
vænstan að bakka á fullri ferð,“
sagði Árni og bætti við að mjög stutt
hafi verið á milli skipanna þegar er-
lendi togarinn skreið framan við Ak-
ureyrina. Árni greindi ekki nafn um-
rædds togara en gat sér til að hann
hafi verið rússneskur. Hann sagði að
ekki yrðu eftirmál vegna þessa af
sinni hálfu, þar sem tekist hefði að
koma í veg fyrir slys. Hins vegar sá
Landhelgisgæslan ástæðu til að vara
skip við háskasiglingu erlends tog-
ara fyrir Norðurlandi í kjölfar at-
viksins.
Árni Bjarnason hættir á Akureyrinni EA, togara Samherja
Úr skipstjórastóln-
um í forsetastólinn
Kristján Vilhelmsson, útgerðarstjóri Samherja,
t.h., og Þorsteinn Már Baldvinsson forstjóri færðu
Árna Bjarnasyni, skipstjóra á Akureyrinni EA, gjöf
er hann kom úr sínum síðasta túr í fyrrakvöld. Fyr-
ir framan Árna stendur Rósa María, dóttir hans.