Morgunblaðið - 20.12.2001, Blaðsíða 74

FÓLK Í FRÉTTUM
74 FIMMTUDAGUR 20. DESEMBER 2001 MORGUNBLAÐIÐ
SÍMI 564 0000 - www.smarabio.is5 hágæða bíósalir
Miðasala opnar kl. 15
Mögnuð mynd með stórleikurunum
Bruce Willis, Cate Blanchett og Billy Bob Thornton
Sýnd kl. 8 og 10.10.
Sýnd kl., 5.30, 8 og 10.30. B. i. 16.
Sýnd kl. 4, 6 og 10.30.
Missið ekki af nýjasta glæpaþriller Bruce WillisÞau veittu henni
öruggt heimili...
en henni var ekki
ætlað að komast burt!
Æsispennandi sálfræðitryllir
með Leelee Sobieski (Joyride)
í aðalhlutverki.
Sýnd kl. 4 og 6.
Glæsileg leysigeislasýning á undan myndinni
Sýnd kl. 5.15, 8 og 10.30.
í hádegi á föstudag og
frá kl. 12 Þorláksmessudag
Borðapantanir í síma 552 3030
SKÖTUVEISLA
Í DÆGURUMRÆÐUNNI er nú
móðins að tala um „höfund Íslands“
og virðast ýmsir sjálfskipaðir menn-
ingarvitar nota
hugtakið höfundur
sem það eigi aðeins
við í einni tiltekinni
listgrein. Oft vill
gleymast að við Ís-
lendingar eigum
okkur slíka „höfuðhöfunda“ í nær öll-
um helstu listgreinum samtímans.
Hér er einn slíkur til umræðu. Sá er
jafnbesti dægurlagahöfundur Íslands
og heitir Magnús Eiríksson.
Þrátt fyrir að Magnús hafi í gegn-
um tíðina gert afbragðslög fyrir flytj-
endur á borð við Krístínu Ólafsdóttur,
Pónik og Einar, Ragnhildi Gísladótt-
ur, Björgvin Halldórsson og með KK,
þá eru lögin sem hann hefur gert und-
ir merkjum hljómsveitar sinnar,
Mannakorna, langflest og um margt
eftirminnilegust. Pálmi Gunnarsson
söng þorra þeirra og af einstöku
næmi, en einnig sungu Ellen Krist-
jánsdóttir og Magnús sjálfur nokkur
þeirra og með ágætum.
Í ár eru Mannakorn 25 ára og það
var því vel við hæfi að hljóðrita af-
mælistónleika sveitarinnar og gefa út
í kjölfarið.
Mannakorn hafa ávallt verið af-
bragðshljómsveit þar sem margir af
helstu hljóðfæraleikurum landsins
hafa komið við sögu. Tvíeykið Pálmi
og Magnús eru þeir einu sem ávallt
hafa verið í sveitinni og nú, 25 árum
eftir stofnun Mannakorna, eru sam-
starfsfélagar þeirra sennilegast yngri
en hljómsveitin sjálf. Þetta eru þeir
Davíð Þór Jónsson og Benedikt
Brynleifsson, ungir og upprennandi
spilarar og miklu meira en efnilegir –
þeir eru afbragðsgóðir.
15 lög prýða afmælisplötuna og það
er ánægjulegt að heyra spilagleðina í
bandinu. Flutningur er í heildina
feikigóður en langt í frá gallalaus,
tæknilega séð. Það er og vel, enda
ekkert leiðinlegra en
tónleikaplötur þar sem
ýmis „mistök“ hafa ver-
ið lagfærð á eftir-
vinnslustigi í einhverju
hljóðverinu. Hér er sem
ekkert slíkt hafi verið
gert, enda allskyns
heimilislegir brestir og
býsna notalegir flestir
hverjir. Einkum þykir
mér munnhörpuleikur
Magnúsar skemmtilega
kæruleysislegur.
Lögin 15 eru öll vel
kunn landsmönnum og
erfitt er að nefna eitt-
hvert sem stendur upp
úr. Magnús á þvílíkan urmul góðra
laga og það er erfitt annað en að
sakna nokkurra þeirra sem ekki kom-
ust með á plötuna. „Samferða“ er til
að mynda ein besta ballaða Magnúsar
og ekki að finna hér. Hins vegar er
hinn langþreytti „Gleðibanki“ hér í
nýjum búningi, en góðu heilli miklu
betri en frumgerðin; nánast stór-
skemmtilegur.
Útsetningarnar eru reyndar allar
bráðskemmtilegar og flestar tryggari
frumgerð sinni en „Gleðibankinn“.
Engin ástæða er heldur til að hrófla
mikið við góðum útsetningum. Þess
er þó stöku sinnum þörf og „Víman“,
sem er eins og „Bankinn“ með lakari
smíðum Magnúsar, verður mun
skemmtilegri áheyrnar hér en áður,
einkum fyrir tilstilli spilagleði og
spunatilburða.
Pálmi syngur flest lögin og af róm-
aðri tilfinningu, en Magnús sjálfur
stelur nánast senunni með frábærum
söng í lögum á borð við „Karlinn er
kominn í land“. Þeir félagar syngja
svo hreint dásamlegan dúett í „Rón-
anum“. Þá syngur Ellen Kristjáns-
dóttir gullfallega „Einhvers staðar
einhvern tíma aftur“ og „Litla systir“.
Hrynhiti Mannakorna er góður.
Pálmi er einhver hrynheitasti bassa-
leikari landsins og þeir Benedikt
mynda vel þéttan grunn. Magnús og
Davíð Þór eru meira á hljómræna
sviðinu en þó er hrynhiti Davíðs eft-
irtektarverður. Spilamennska hans á
plötunni er reyndar í heild framúr-
skarandi og sérdeilis eftirminnileg.
Allnokkrir sprettir eru hreinlega tær
snilld, en á stundum er stutt í að mikið
verði OF mikið. Ekkert er þó eðli-
legra hjá færum spilurum af yngri
kynslóðinni; slíkt temprast með árun-
um og minna verður meira. Magnús
leikur aftur á móti mjög einfalt en
smekklega á gítar sinn og sem túlk-
andi hefur mér fundist hann heldur
vanmetinn í gegnum tíðina.
Hljóðmyndin á plötunni er látlaus
og heiðarleg, en auðheyrt er að upp-
takan er stafræn. Hljómurinn er
nokkuð kaldur miðað við hlýjuna í
tónlistinni og með lítilsháttar ná-
kvæmum tíðniskurði hefði mátt
mýkja hljóminn. Þetta er þó minni-
háttar löstur og kemur varla að sök.
Þessar upptökur frá afmælistón-
leikum Mannakorna eru hinar eigu-
legustu, enda lögin frábær og flutn-
ingur um margt afbragð.
Tónlist
Höfundur
Íslands
Mannakorn
25 ára afmælistónleikar
Sonet ehf.
25 ára afmælistónleikar Mannakorna í
Salnum, 21. september árið 2001. Lög
og textar eru eftir Magnús Eiríksson
nema hvað „Lilla Jóns“ er lag Ray Sharpe
og texti Jóns Sigurðssonar og „Jesús
Kristur og ég“ gerði Magnús við texta
Vilhjálms frá Skáholti. Mannakorn eru
þeir Magnús Eiríksson gítarleikari,
söngvari og munnhörpuleikari og Pálmi
Gunnarsson söngvari og bassaleikari.
Með þeim leika þeir Davíð Þór Jónsson
hljómborðsleikari og Benedikt Brynleifs-
son trymbill. Jón Skuggi sá um upptökur
og hljóðblöndun. Til aðstoðar var Valgeir
Ísleifsson. Framleitt af Óttari Felix
Haukssyni fyrir Sonet ehf.
Edda dreifir.
Orri Harðarson
Frá mögnuðum 25 ára afmælistónleikum
Mannakorns 21. september.
Morgunblaðið/Jim Smart
Í KVÖLD verða
haldnir sérstakir
tónleikar í
Tjarnarbíói til að
fagna vetr-
arsólstöðum en
21. desember er
sól sem kunnugt
er stystan tíma á
lofti. Tónleikarnir
eru rokkkyns en
sveitirnar sem
leika eru For-
garður helvítis
(sem mun gefa út
nýja plötu næsta
haust og mun ein-
göngu leika ný lög
á tónleikunum),
Sólstafir (leika svartþungarokk), I
Adapt (leika melódískt pönk), Mú-
spell (svartþungarokkssveit sem
heldur eina tónleika á ári), Changer
(þungarokk), Myrk (svartþunga-
rokkssveit sem áður kallaðist Micti-
an) og Delta 9 (sem er slagverks-
verkefni).
Talsmaður tónleikanna, Sig-
urður Harðarson, oftast kallaður
Siggi pönk, segir að með þessu vilji
aðstandendur minna á að jólin eru
ekki skrásett eign Coca-Cola og
hafa heldur ekkert með Kringluna
eða Smáralind að gera. Þau séu
ekki hátíð kaupmanna og tilheyri
ekki kirkjunni heldur. Jólin séu
haldin til að fagna því að daginn
tekur að lengja á ný.
„Það er sama fólkið og hélt and-
kristnihátíð í fyrra sem stendur að
þessu,“ útskýrir Sigurður. „Jólin
eru hátíð ljóssins. Þetta er hátíð
fólksins, ekki peningahátíð. Enn-
fremur á kristin kirkja ekkert með
það að vera að eigna sér þessa há-
tíð. Orðið „jól“ er eldgamalt og
enginn veit hvaðan það er komið.“
Siggi segir ennfremur að á milli
atriða verði fluttar ræður og erindi
um hin ýmsu mál, ásamt völdum
skemmtiatriðum í sönnum anda
jólanna. Einnig verða þarna á boð-
stólum ýmis pólitísk rit, þar á meðal
nýtt blað sem Sigurður gefur út og
nefnist Andspyrna en það blað
verður ókeypis (sjá nánar
www.andspyrna.net).
„Einnig verða nokkrir bekkir
skrúfaðir í burtu til að búa til svæði
fyrir „slamm“ og hausaskak,“ segir
Sigurður að lokum.
Jólarokk þetta hefst kl. 19.30
stundvíslega og lýkur því kl. 23.30.
Aðgangseyrir er 500 kr.
Sólstöðuhátíð í Tjarnarbíói
Morgunblaðið/Árni Sæberg
Addi úr Sólstöfum, Siggi úr Forgarðinum og
Birkir úr I Adapt, tilbúnir í jólarokkið!
„Jólin eru hátíð fólksins“