Morgunblaðið - 20.12.2001, Blaðsíða 57

UMRÆÐAN
MORGUNBLAÐIÐ FIMMTUDAGUR 20. DESEMBER 2001 57
ÉG er einn af frið-
arfulltrúum alþjóða-
samtakanna WPPS
(World Peace Prayer
Society – NGO) á Ís-
landi. Samtökin beita
sér fyrir útbreiðslu á
bæninni: Megi friður
ríkja á jörð! Þetta er
einföld bæn, saklaus,
en getur verið mjög
áhrifamikil. Hún teng-
ist engum trúarbrögð-
um. Hún tengist al-
mættinu. Ég get varla
hugsað mér mikilfeng-
legra verkefni en út-
breiðslu friðar um
gervalla jörð … en stundum er erf-
itt að finna friðinn. Ég horfi á
CNN og Sky News með hrylling í
huga yfir öllum þeim mannlífum
sem nú tapast í heiminum. Hvað
get ég gert? Hefur mín rödd ein-
hver áhrif í hinum stóra heimi?
Svarið er: Já, ég trúi því að ég geti
haft áhrif.
Friðlausir friðarsinnar
Því miður telja margir „friðar-
sinnar“ að best sé að berjast hat-
rammlega fyrir friði. Þeir reka upp
stríðsöskur, enda öskureiðir, og
berjast með kjafti … og rituðu
máli. Ég er að tala um vel
meinandi fólk sem finnur ekki frið
innra með sjálfu sér en krefst þess
að ríkjandi aðilar erlendra ríkja
hlusti á rödd skynseminnar sem
birtist í máli þeirra á síðum
Morgunblaðsins, á öldum ljósvak-
ans eða í stafrænu formi vefrita.
Margir eru svo bíræfnir að skrifa
beint til Bush eða bin Ladens, aðr-
ir láta sér nægja að hvetja rík-
isstjórn okkar Íslendinga til að-
gerða, vitandi það að stjórnvöld á
klakanum hafa lítið sem ekkert að
segja í alþjóðastjórnmálum. Þessar
„gagnrýnandi friðartillögur“ hafa
lítil áhrif á ástand heimsmála þrátt
fyrir að boðberar þeirra fái útrás
fyrir skrúðmælgi og niðurbælda
reiði í garð ríkjandi afla á Vest-
urlöndum.
Að rækta sinn eigin garð
Já, það er erfitt að finna frið
þegar friðarins boðberar í fjöl-
miðlum eru flestir hverjir pípandi
reiðir og heimta aðgerðir af hálfu
annarra. Hvar er ábyrgð einstak-
lingsins? Ég hef loksins meðtekið
þá fornu uppgötvun að friðurinn
berst ekki með utanaðkomandi öfl-
um. Ég get ekki þröngvað friði
uppá aðra. Ég hef engan rétt til
þess. Ef ég ætla að taka ábyrgð
sem einstaklingur í alþjóðasam-
félagi verð ég að vinna stöðugt að
friði innra með sjálfum mér. Ég
verð að vera duglegur að fyrirgefa,
biðjast fyrirgefningar þegar mér
verður á, sjá það góða í sjálfum
mér og öðrum, elska, læra og lifa.
Ég verð að rækta minn eigin garð
áður en ég gerist sjálfskipaður sér-
fræðingur í garðyrkju. Ég verð að
rækta með mér auðmýkt, þolin-
mæði, þrautseigju, umburðarlyndi
og kærleika. Ef ég er duglegur, ef
ég næ að halda friðinn innan fjöl-
skyldunnar, ef ég næ að halda frið-
inn á vinnustað mínum og ef ég næ
að vera í friði með sjálfum mér, þá
fyrst fer það að hafa áhrif á aðra.
Það skiptir engu máli hvað ég segi,
það skiptir öllu máli hvað ég geri.
Ég get hvatt aðra til aðgerða með
því að vera góð fyrirmynd. Ég hef
ákveðið að æfa mig í því að vera
friðelskandi. Það er erfitt. Ég
gleymi mér stundum. Verð stund-
um reiður, pirraður, argur, óþol-
inmóður og fordómafullur. Ég verð
að sýna sjálfum mér umburðar-
lyndi. Ég er að æfa mig og geri
mistök, sem ég læri
vonandi af. Hver frið-
arins arða sem ég næ
að bera einlæglega
með mér hefur jákvæð
áhrif á aðra. Þannig
tel ég mig geta haft
áhrif. Í myndinni Pay
It Forward leggur að-
alsöguhetjan til
skemmtilega aðferð:
Ef ég hef áhrif á þrjár
manneskjur í mínu
lífi, þær hafa áhrif á
þrjár manneskjur í
sínu lífi o.s.frv., þá get
ég haft varanleg áhrif.
Ég vil enda þessa stuttu hugleið-
ingu á að bjóða samþenkjandi að-
ilum til friðarathafnar í húsnæði
mínu í Ármúla 38, 3. hæð, föstu-
daginn 21. desember kl. 19.20. Þar
verður haldin stutt friðarathöfn í
tilefni af vetrarsólstöðum með
bænina „megi friður ríkja á jörð“ í
forgrunni. Allir eru velkomnir, að-
gangur er ókeypis og ég vonast til
að sjá þar fólk sem vill vinna að
heimsfriði með því að vinna að eig-
in sálarfriði.
Megi friður ríkja á jörð!
Erfitt að finna friðinn
Guðjón Bergmann
Athöfn
Ég vil, segir Guðjón
Bergmann, bjóða sam-
þenkjandi aðilum til
friðarathafnar.
Höfundur er jógakennari og
friðarfulltrúi WPPS.
Meðgöngufatnaður
fyrir mömmu
og allt fyrir litla krílið.
Þumalína, Pósthússtr. 13, sími 551 2136