Morgunblaðið - 20.12.2001, Blaðsíða 22

22 FIMMTUDAGUR 20. DESEMBER 2001 MORGUNBLAÐIÐ
K
AUPMENN á Lauga-
veginum eru ánægðir
með sinn hlut í jóla-
versluninni og telja
verslun svipaða og í
fyrra, ef ekki meiri. Að sögn Guð-
mundar H. Pálssonar, markaðs-
stjóra hjá Laugavegssamtökunum,
fór verslunin vel af stað eftir að
kreditkortatímabílið hófst 8. desem-
ber. „Verslunin hefur síðan aukist
fram til þessa dags og fólk nýtir sér
rúman afgreiðslutíma verslana á
Laugaveginum,“ segir hann.
„Kaupmenn voru mjög bjartsýnir
í upphafi desember eftir tvo undan-
gengna mánuði, sem voru fremur ró-
legir. Laugavegurinn kemur hins
vegar mjög sterkt út í jólaverslun-
inni og mér finnst hljóðið í kaup-
mönnum gott. Kaupmenn eru sér
vissulega meðvitandi um breytt sam-
keppnisumhverfi vegna tilkomu
Smáralindar, því jólaverslunin skipt-
ir kaupmenn miklu máli, en það er
stór hópur kaupmanna á Laugaveg-
inum með mismunandi rekstur og
það er varla hægt að segja annað en
þeir séu mjög jákvæðir. Ekki
skemmir heldur fyrir verslun á
Laugaveginum að veðrið hefur
verið upp á það besta upp á síðkastið.
Laugavegssamtökin hafa gert eitt
og annað til að ýta undir verslun,
með löngum laugardegi undanfarið
auk þess sem við undirstrikum sér-
stöðu Laugavegarins sem verslunar-
umhverfis. Fram að jólum verða
ýmsar uppákomur á Laugaveginum,
jólasveinar verða á sveimi og hljóm-
sveitir halda uppi jólastemmning-
unni. Kórar verða einnig áberandi
fram að jólum þannig að fólk getur
komið á Laugaveginn og verið
öruggt um að komast í jólaskapið,“
segir Guðmundur.
Anna Einarsdóttir, verslunar-
stjóri í bókabúð Máls og menningar
á Laugaveginum, segir góða
stemmningu hafa verið í sinni versl-
unargötu og að hún ætti að hafa sam-
anburð við nokkur undanfarin ár,
svo ekki sé meira sagt, en hún hefur
unnið frá upphafi í bókabúðinni og
komin með 40 ára starfsreynslu.
„Það hefur verið góð sala hjá okk-
ur, sérstaklega í íslensku bókunum,
og töluvert hefur selst af erlendum
bókum,“ segir hún. „Jólasalan fór vel
af stað og nokkuð fyrr en venjulega.
Auk þess stöndum við fyrir ýmsum
uppákomum s.s. upplestrum á Súf-
istanum fyrir börn og fullorðna auk
tónlistarflutnings.“
Mér fannst ég ekki verða vör við
það í sama mæli og oft áður að fólk
spyrði hvort nýtt kreditkortatímabil
væri hafið. Fyrir nokkrum árum
fann ég meira fyrir því að fólk biði
eftir nýju tímabili en það eru örfáir
viðskiptavinir sem það á við um í ár.“
Hjálmar Gunnar Sigmarsson,
verslunarstjóri Skífunnar á Lauga-
vegi, er ekki síður ánægður með jóla-
verslunina og segir verslunina í jóla-
mánuðinum ekkert lakari en í fyrra.
„Salan er jafnvel betri en í fyrra,
enda hefur verið sumarveður hér
undanfarnar vikur. Um síðustu helgi
var æðislegt veður og mikil umferð
fólks í góðu skapi sem gerði til-
veruna enn skemmtilegri fyrir okk-
ur. Það er áberandi hvað innlendar
plötur koma sterkt inn í ár og við
finnum fyrir söluaukningu í öllum
okkar vörutegundum, s.s. tölvuleikj-
um, DVD o.s.frv.“
Spurður um samkeppnisáhrif
Smáralindarinnar segir Hjálmar þau
vera ofmetin. „Laugavegurinn held-
ur sínum svip og fólk gleymir því að
markhópar Smáralindarinnar og
Laugavegarins eru mjögt ólíkir. Mér
hefur alltaf fundist það ólíku saman
að jafna í erlendum stórborgum að
versla í verslanamiðstöð og miðbæj-
arkjörnum. Mér finnst það eiga við í
smáborg eins og Reykjavík. Það er
önnur stemmning hér og fólk sem
fer mjög sjaldan í Kringluna en
verslar reglulega í bænum og öfugt.“
Hann segir þó að áhrif Smáralind-
ar hafi lýst sér í því að fjárfestingar í
verslunargeiranum bitnuðu nokkuð
á verslun á Laugaveginum. „Það var
óvenjumikið um tómt verslunahús-
næði, að hluta til á Laugaveginum í
október og nóvember þar sem mikl-
ar hræringar áttu sér stað með
verslunarhúsnæði. Að einhverju
leyti var um að ræða verslunarrek-
endur sem voru með rekstur bæði í
Kringlunni og á Laugaveginum en
vildu fremur sleppa húsnæðinu á
Laugaveginum ef þeir voru til þess
neyddir. Þetta leiddi til þess að
verslunarpláss losnuðu, sem hafa
verið fyllt að mestu á ný. Ég tel að
Laugavegurinn lifi áfram enda jafn-
aði hann sig eftir nokkur ár eftir að
Kringlan var opnuð.“
Verslunin eykst með
degi hverjum
Rannveig Ólafsdóttir, verslunar-
stjóri í Sautján á Laugavegi, segir
verslunina hafa farið vel af stað hjá
sér og sé hún svipuð versluninni í
fyrra. „Verslunin hefur aukist með
degi hverjum í desember eins og hún
hefur gert ár eftir ár og endar með
miklu annríki um helgina,“ segir
hún. „Það hefur verið góð stemmn-
ing í miðbænum og góða veðrið hefur
einnig haft góð áhrif.“ Aðspurð hvort
fólk sé aðsjálla í ár en í fyrra, segir
hún viðskiptavini sína „spá meira í
peninginn“ í verslun sinni en þeir
gerðu í fyrra.
Tónninn í Sverri Bergmann, eig-
anda Herrahússins á Laugavegin-
um, er svipaður og hjá starfssystk-
inum hans en hann segir
jólaverslunina vera mjög líka og því
Morgunblaðið/Sverrir
Guðmundur H. Pálsson, markaðsstjóri Laugavegssamtakanna.
Fólk vill verslunargötu
í miðbæjarkjarnanum