Morgunblaðið - 22.12.2001, Síða 16

Ragnar Atli Guðmundsson, framkvæmdastjóri Þyrpingar, Magnús
Gunnarsson, bæjarstjóri í Hafnarfirði, og Bjarni Gunnarsson og Jón Þór
Hjaltason, eigendur J&K ehf., en þessir aðilar undirrituðu samstarfs-
samning um stofnun einkahlutafélagsins Norðurbakka í gær.
ÞAÐ er Þyrping sem mun hafa aðal-
umsjón með þróun og uppbyggingu
hverfisins í samráði við stjórn Norð-
urbakka en að sögn framkvæmda-
stjóra Þyrpingar er hugmyndin að
selja verktökum byggingarrétt á
svæðinu með samþykktum teikning-
um. Þegar hefur verið haft samband
við erlenda aðila sem gætu tekið þátt í
lokaðri samkeppni um hönnun svæð-
isins.
Aðdragandi þessa verkefnis er, að
sögn Magnúsar Gunnarssonar bæjar-
stjóra, sá að í framhaldi af umræðum
um að flytja Listaháskólann til Hafn-
arfjarðar hafi þessi hugmynd komið
upp. „Þar komu Þyrpingarmenn að
en þeir komu líka að hugmyndinni um
að við myndum reisa listaháskólann
hér í einkaframkvæmd. Því miður tók
stjórn Listaháskólans annan pól í
hæðina og töldu að hagsmunum skól-
ans væri betur borgið innan borgar-
innar. Þegar þetta var orðið ljóst
skárum við á hnútinn og tilkynntum
að við myndum breyta þessu í
bryggjuhverfi.“
Hann segir að eiginlega sé um eina
eiginlega bryggjuhverfi að ræða.
„Hafnarfjörður byggðist hér að hluta
til vegna þess að hafnarlægið hér er
einstakt og góð höfn frá náttúrunnar
hendi,“ segir hann og bætir því við að
fleira mætti tína til. Svæðið vísi í suð-
ur og sjórinn við höfnina sé einni
gráðu heitari en sjórinn við höfnina í
Reykjavík. Þá veiti hraunið fyrir ofan
svæðið skjól þar sem gamla byggðin
sé. „Eins er það mikill kostur að öll at-
hafnastarfsemin, sem er ákveðin líf-
æð hjá okkur, er fyrir framan svæðið.
Þeir sem búa þarna munu því búa í
miðbæ sem býður upp á allt og ég er
alveg klár á því að þetta verður mjög
eftirsótt svæði.“
Uppsagnir leigusamn-
inga framundan
Ragnar Atli Guðmundsson, fram-
kvæmdastjóri Þyrpingar, segir verk-
efnið spennandi. „Við reiknum með að
þarna verði um 600 íbúðir fyrir um
1.800 manns og þar af leiðandi verður
þetta gert á einhverjum árum svo
þetta komi ekki allt inn á markaðinn í
einu. Eins langar okkur að sem flestir
hafi efni á íbúðunum þannig að íbúða-
verðið verður ekki í hærri kantinum
þó að inn á milli verði þarna mjög
glæsileg hús.“
Hann segir að búið sé að gera laus-
legar markaðskannanir á áhuga á
íbúðum á þessum stað og það hafi leitt
í ljós að brottfluttir Hafnfirðingar séu
áhugasamir sem og fólk utan af landi
sem hafi alist upp í sjávarþorpum.
Aðildarfélög Norðurbakka leggja
til félagsins eignir sínar á Norður-
bakkanum, sem eru Norðurstjarnan í
eign Þyrpingar, húsnæði bæjarút-
gerðarinnar í eigu bæjarins og hús-
næði Jóna, sem J&K eiga. Magnús
segir að ákveðið hafi verið að drífa í
undirritun samningsins til að koma
nauðsynlegu ferli vegna uppbyggingu
hverfisins af stað. „Þetta eru stórar
og miklar byggingar og það verður
töluverð vinna að rífa þetta allt sam-
an. Eins þurfum við nú að ráðast í
ákveðna vinnu við uppsögn leigu-
samninga. T.d. eru Hermóður og
Háðvör í bæjarútgerðarhúsinu og
Kvikmyndasafn Íslands, en þetta eru
auðvitað tímabundnir samningar.
Þetta eru hlutir sem við þurfum að
vinda okkur í því við áætlum að byrja
að rífa þarna um mitt ár 2003 en upp-
byggingu á að ljúka árið 2006.“
Aðspurður hvort bærinn muni
beita sér fyrir því að útvega þessum
aðilum nýja aðstöðu undir starfsemi
sína segir Magnús að fyrst og fremst
þurfi að huga að starfsemi Hermóðar
og Háðvarar, ef félagið ráðgeri að
halda áfram starfsemi sinni eftir að
samningnum lýkur.
Nýta má þjónustu sem fyrir er
Að sögn Magnúsar hefur verið
horft til þess hóps sem er yfir fimm-
tugt varðandi búsetu á svæðinu.
Ragnar segir það þó ekki einhlítt.
„Það er fyrir á staðnum mikil þjón-
usta sem kannski má nýta betur eins
og leikskólar, auk þess sem stutt er í
sundlaugina.“ Hann segir kannanir
þeirra hafa leitt í ljós að hægt sé að
nýta þá fjárfestingu sem fyrir er á
svæðinu í skólum en það þurfi þó að
kanna betur. Magnús bendir á í þessu
sambandi að eftir eigi að einsetja
Víðistaðaskóla. „Þetta hverfi kemur
til með að tilheyra honum og það er
gert ráð fyrir því að hann verði ein-
settur 2004–2005. Þannig er hann á
svipuðum tíma og við erum að tala um
að hverfið verði fullbyggt. Við munum
gera þarfagreiningu fyrir hverfið og
skólann með hliðsjón af þessum
ákvörðunum sem við erum að taka
núna.“
Ekki hefur verið hafist handa við
hönnun hverfisins, að sögn Ragnars.
„Fyrsta verkefni stjórnarinnar er að
ákveða hvernig staðið verður að
hönnuninni og þá er framundan að
tala við fleiri en einn aðila. Það er
áhugi á að það verði lokuð hönnunar-
samkeppni og að þar verði bæði er-
lendir og innlendir arkitektar á ferð-
inni. Við höfum rætt okkar á milli
ýmis nöfn og verið í viðræðum við
ákveðinn aðila í Hollandi og annan í
Danmörku. Svo eru margir góðir
hönnuðir hér heima en ástæðan fyrir
því að við tölum við erlenda aðila er að
þetta er svolítið sérhæft. Verkefnið er
til dæmis vandasamt varðandi sjóinn
því þarna eru sjávarföll sem geta orð-
ið þrír og hálfur metri mest. Því er
margt sem þarf að leita með til aðila
sem hafa á því sérþekkingu.“
Áberandi byggingar
í miðbænum
Ragnar segist búast við að meðal-
íbúðastærð verði rétt undir 100 fer-
metrum en þarna verði að finna íbúðir
allt frá 50–60 fermetrum að 250–300
fermetra glæsiíbúðum, svokölluðum
penthouse-íbúðum. „Ég sé fyrir mér
að þarna verði byggingar sem verði
mjög áberandi í Hafnarfirði eða á
Stór-Hafnarfjarðarsvæðinu þannig
að þegar menn komi hingað muni
þessar byggingar festast í minni
fólks. Það þarf líka að huga að því
hvernig þetta blandast saman við
eldri byggð og að þetta vinni allt sam-
an.“
Hann segir þó allt betra en núver-
andi ástand. „Í dag er þetta hálfömur-
legur staður. Þarna voru fyrirtæki
sem voru máttarstólpar bæjarfélags-
ins og hver hefði trúað því fyrir svona
20 árum að þessi fyrirtæki yrðu ekki
til í dag. Núna eru þetta bara kofar
sem standa þarna í niðurníðslu.“
Hluti af verkefninu verður að
stækka núverandi landfyllingu við
höfnina. „Það eru þarna um 40 þús-
und fermetrar í dag og verða um 25
þúsund fermetrar til viðbótar. Við er-
um búnir að kanna lítillega þessa upp-
fyllingu og hún á alveg að geta gengið
upp þannig að þetta verði hag-
kvæmt.“
Kostnaður við framkvæmdina
verður á bilinu 5–10 milljarðar, að
sögn Ragnars. „Þetta er með stærri
verkefnum sem hefur verið ráðist í af
einum aðila. Menn hafa verið að velta
fjármögnuninni fyrir sér en hug-
myndin er sú að Norðurbakki sjái um
þróun og hugmyndina, skipulag og
teikningar og svo verði þetta aðgengi-
legt fyrir ýmsa verktaka. Þannig geta
minni og stærri verktakar keypt
byggingarrétt með samþykktum
teikningum og farið í uppbyggingu.
Félagið mun svo fylgjast með upp-
ganginum og stjórna hraðanum þann-
ig að menn séu ekki að undirbjóða
hver annan. Eins munum við hafa eft-
irlit með því að gæðin séu samkvæmt
þeim gæðastöðlum sem við viljum
hafa.“
Ragnar segir ætlunina að slíta fé-
laginu eftir framkvæmdina sem áætl-
að er að taki um fimm ár en eins og
fyrr segir er stefnt að því að niðurrif
hefjist um mitt ár 2006 og uppbygg-
ingu verði lokið árið 2006.
Nýtt hverfi í
hjarta bæjarins
Horft af norðurbakka hafnarinnar suður yfir Hafnarfjörðinn.
Frumhugmyndir að bryggjuhverfi við norðurbakkann.
Hafnarfjörður
Norðurbakki er nafn nýs einkahlutafélags
sem stofnað var í gær en aðilar að því eru
Hafnarfjarðarkaupstaður, Þyrping hf.
og J&K ehf. sem allir eiga fasteignir á
norðurbakka hafnarinnar. Bergþóra Njála
Guðmundsdóttir forvitnaðist nánar um
væntanlegt bryggjuhverfi.
Morgunblaðið/Þorkell
ben@mbl.is
HÖFUÐBORGARSVÆÐIÐ
16 LAUGARDAGUR 22. DESEMBER 2001 MORGUNBLAÐIÐ
HRING EFTIR HRING
LAUGAVEGI 49
S: 551-7742
H
V
ÍT
A
H
Ú
S
IÐ
/
S
ÍA
tískuskartgripir
Laugavegi 23
s. 511 4533
Kringlunni
s. 533 4533
Smárinn
s. 554 3960
SAMÞYKKT var á fundi bæjar-
stjórnar Seltjarnarness á miðviku-
dag að fresta samþykkt deiliskipu-
lags fyrir Hrólfsskálamel þar til
eftir sveitarstjórnarkosningar á
næsta ári. Tillagan var lögð fram af
minnihluta bæjarstjórnar í kjölfar
tillögu Jónmundar Guðmarssonar
bæjarfulltrúa þess efnis að tekið
yrði fullt tillit til athugasemda sem
komu fram á borgarafundi um
skipulagsmál 12. desember sl. við
umfjöllun um fyrirhugaðar bygg-
ingar á Hrólfsskálamel. Sú tillaga
var einnig samþykkt á fundinum.
„Okkur í minnihlutanum fannst
tillaga Jónmundar ekki ganga
nægilega langt í því að endurspegla
þann vilja sem kom fram á borg-
arafundinum,“ segir Högni Óskars-
son, fulltrúi minnihlutans í bæjar-
stjórn. „Því bættum við við
breytingatillögu þess efnis að end-
anleg ákvörðun varðandi deili-
skipulag á svæðinu yrði ekki tekin
fyrr en eftir næstu bæjarstjórn-
arkosningar. Sem þýðir að sú bæj-
arstjórn sem kosin verður í vor
mun ráða umfangi bygginganna á
þessum skipulagsreit.“
Högni telur að samþykkt tillög-
unnar komi til með að hafa mikla
þýðingu. „Það verða miklar breyt-
ingar í bæjarstjórn eftir kosningar,
ný kynslóð stjórnmálamanna og
-kvenna mun koma inn. Þetta er
það fólk sem fær valdið til að taka
þessa ákvörðun.“
Beðið með ákvarðana-
töku fram yfir kosningar
Seltjarnarnes