Morgunblaðið - 22.12.2001, Qupperneq 24

VIÐSKIPTI/ATHAFNALÍF
24 LAUGARDAGUR 22. DESEMBER 2001 MORGUNBLAÐIÐ
ÍSLANDSBANKI hefur fært
hlutabréf í bankanum að nafnverði
195 milljónir króna úr veltubók til
lækkunar á eigin fé. Áður hafa ver-
ið færð til lækkunar eigin hluta-
bréf að nafnverði 105 milljónir, svo
við þessa ákvörðun hafa samtals
300 milljónir í eigin bréfum verið
færðar til lækkunar á eigin fé. Að
sögn Sigurðar Nordals, upplýs-
ingafulltrúa Íslandsbanka, verður
þannig útistandandi hlutafé í Ís-
landsbanka nú 9.700 millj ónir
króna. Aftur á móti er útgefið
hlutafé í Íslandsbanka áfram 10
milljarðar króna, þótt 300 milljónir
hafi með þessu móti verið teknar
af markaði. Þar sem bréfin voru
fyrir í eigu bankans hefur færslan
ekki áhrif á eiginfjárhlutfall hans,
sem var 11,9% miðað við eigið fé í
lok september, þar af 8,2% í eig-
infjárþætti A. Sala bréfanna á
markaði hefði hins vegar hækkað
eiginfjárhlutfall bankans, en í ljósi
sterkrar eiginfjárstöðu er eigið fé
fært niður sem nemur andvirði
þeirra.
Að sögn Sigurðar er ákvörðun
þessi tekin til að draga úr eigin fé
sem bundið er í rekstrinum og
lækka útistandandi hlutafé, í ljósi
góðrar eiginfjárstöðu og með hags-
muni hluthafa Íslandsbanka í huga.
Útistandandi bréf lækk-
uð um 300 milljónir
Hlutabréf í Íslandsbanka
SAMKVÆMT könnun Vinnumála-
stofnunar meðal fyrirtækja í fimm
atvinnugreinum má vænta umtals-
verðs samdráttar í byggingariðnaði
þegar kemur fram á veturinn. Einn-
ig má búast við nokkrum samdrætti
í iðnaði og verslun en stöðugleika er
að vænta hjá fyrirtækjum í fjár-
málaþjónustu, eins og fram kemur í
nýútkominni skýrslu Vinnumála-
stofnunar um stöðu og horfur á
vinnumarkaði í desember 2001.
Niðurstöður könnunarinnar
benda til að lítils háttar vaxtar sé að
vænta í þjónustustarfsemi eins og
tölvuráðgjöf og bókhaldsþjónustu,
sem og starfsemi auglýsingastofa.
Af forsvarsmönnum fyrirtækjanna
sem þátt tóku í könnuninni eru
nokkru fleiri sem telja að meira
verði að gera næsta sumar en síð-
asta sumar, þó ekki forsvarsmenn í
byggingariðnaði. Sjónum var beint
að stöðu fimm atvinnugreina á höf-
uðborgarsvæðinu, iðnaðar, bygging-
ariðnaðar, verslunar, fjármálastarf-
semi og ýmiss konar þjónustustarf-
semi.
Aukið atvinnuleysi í vetur
Vinnumálastofnun reiknar með að
meðalatvinnuleysi ársins 2002 verði
rúmlega 2%. „Í ljósi minnkandi eft-
irspurnar eftir vinnuafli má gera
ráð fyrir að atvinnuleysi aukist um-
fram hefðbundna árstíðarsveiflu í
vetur og geti orðið milli 2 og 3% yfir
vetrarmánuðina. Atvinnuleysi er
jafnan í hámarki í janúar og fram í
apríl þegar aftur fer að draga úr
því,“ segir í skýrslu Vinnumála-
stofnunar.
Mjög hefur dregið úr veitingu
nýrra atvinnuleyfa á síðustu mán-
uðum þessa árs miðað við sama tíma
í fyrra og verða færri leyfi gefin út á
þessu ári miðað við árið 2000. Mest
hefur dregið úr útgáfu nýrra at-
vinnuleyfa í byggingariðnaði, mat-
reiðslu, framreiðslu og skyldum
störfum.
Í kaflanum um könnunina á höf-
uðborgarsvæðinu kemur fram að
fyrirsjáanlegar séu allmiklar upp-
sagnir í byggingariðnaði í vetur,
mun meiri en sem nemur árstíða-
bundinni sveiflu. Einnig má búast
við töluvert minni eftirspurn eftir
vinnuafli í byggingariðnaði næsta
sumar en var síðastliðið sumar. „Að
öllu samanlögðu má því gera ráð
fyrir að störfum á höfuðborgar-
svæðinu fækki um 0,5% til 1% fram
í mars og atvinnuleysi þar verði
milli 2 og 3% í vetur. Munar þar
mest um samdrátt í byggingariðn-
aði, en samdráttur í hótel- og veit-
ingastarfsemi, samgöngum og flutn-
ingastarfsemi vegur einnig þungt,“
segir í lokaorðum kaflans.
Hvað varðar tengsl atvinnuleysis
og atvinnugreina, starfsstétta og
menntunar kemur fram að 67% allra
atvinnulausra eru sá hópur sem að-
eins hefur lokið grunnskólaprófi.
Mest var skráð atvinnuleysi meðal
ósérhæfðs starfsfólks í nóvember,
6,3%, en minnst var skráð atvinnu-
leysi meðal sérfræðinga, 0,5%.
Mesta atvinnuleysi er skráð innan
hótel- og veitingahúsageirans í nóv-
ember eða 2,7% en minnst 0,7% í
fræðslustarfsemi. Atvinnuleysi í
byggingarstarfsemi var skráð 1,6%
en talið er líklegt að það eigi eftir að
aukast þegar líður á veturinn.
Vinnumálastofnun kannar atvinnu-
ástand á höfuðborgarsvæðinu
Samdráttur í bygg-
ingariðnaði en
vöxtur í þjónustu
YFIRTÖKUTILBOÐ Odd Reitan
og fjölskyldu hans í öll hlutabréf í
norska verslunarveldinu Reitan
Narvesen rann út á þriðjudag og
hefur fjölskyldan tryggt sér a.m.k.
89,3% hlutafjár í félaginu. Ole Ro-
bert Reitan, sonur Odd Reitan, hef-
ur verið ráðinn forstjóri Reitan
Narvesen, í stað Haralds Tyrdal
sem kom frá Narvesen.
Reitanfjölskyldan áformar að af-
skrá félagið sem varð til á síðasta ári
með sameiningu Reitangruppen
sem m.a. rekur lágvöruverðsversl-
anir í Noregi, og Narvesen, sem er
keðja söluturna. Reitan Narvesen á
11,79% í Baugi samkvæmt hluthafa-
lista frá 14. desember.
Reitan og fjölskylda hafa að und-
anförnu aukið hlut sinn í félaginu í
nafni félags fjölskyldunnar, Reitan
Handel. Yfirtökutilboðið hljóðaði
upp á 66,50 norskar krónur á hlut og
ekki er enn ljóst hvort Reitan Hand-
el muni tryggja sér 90% af hlutafé
Reitan Narvesen sem nauðsynlegt
er til að eigendum eftirstandandi
hlutafjár beri lagaskylda til að selja.
Boðað hefur verið til hluthafafundar
11. janúar þar sem lagt verður til að
félagið verði afskráð, þar sem það
uppfylli ekki lengur skilyrði til
skráningar.
Heildarvelta á norskum matvöru-
markaði hefur aukist verulega á sl.
tuttugu árum en verslunum hefur
fækkað jafnskart á tímabilinu, að því
er fram kemur í skýrslu fjármála-
fyrirtækisins Carnegie um ástand á
norrænum matvörumarkaði og mat
fyrirtækisins á Reitan Narvesen í
október sl. Heildarvelta með mat-
vörur nam 100,1 milljarði norskra
króna árið 2000 miðað við 97,4 millj-
arða árið 1999. Heildarveltan nam
25 milljörðum norskra króna árið
1980. Þá voru matvöruverslanir
8.166 talsins en voru 4.441 árið 2000.
Samþjöppunin hefur því orðið gíf-
urleg eins og á fleiri mörkuðum,
m.a. þeim íslenska, en fjögur sterk
fyrirtæki hafa orðið til á norskum
matvörumarkaði á þessum tíma og
er Reitan Narvesen eitt þeirra.
Fjárfestingar í Austur-Evrópu
mistök samkvæmt Carnegie
Carnegie taldi í október afar lík-
legt að Reitanfjölskyldan, þ.e. Reit-
an Handel, legði fram yfirtökutilboð
í Reitan Narvesen, eins og síðan
varð raunin. Carnegie mat það sem
svo að verð á hvern hlut í Reitan
Narvesen gæti farið upp í 75 norsk-
ar krónur en að tilboð frá Reitan
Handel færi vart yfir 68 krónur sök-
um þess hve viðkvæmir verðbréfa-
markaðir væru. Tilboðið frá Reitan
Handel hljóðaði svo upp á 66,50
norskar krónur.
Carnegie mat það einnig svo að
helsta áhættan sem Reitan Narve-
sen stæði frammi fyrir væri að ekki
bærist tilboð frá Reitan Handel en
önnur áhætta væri lítil. Matvöru-
markaðurinn væri sterkur og eftir-
spurn stöðug. Reitan Narvesen rek-
ur ýmiss konar verslanir: Rema
1000 lágvöruverðsverslanir, Narve-
sen söluturna, 7-eleven hraðbúðir
með langan afgreiðslutíma, snyrti-
vöruverslanir og veitingastaði.
Carnegie telur RN eiga góða mögu-
leika á að flytja hraðbúðirnar víðar
en RN hefur leyfi til að reka þær t.d.
í Finnlandi. Líklegt er talið að fram-
legð snyrtivöruverslananna aukist
og Carnegie telur ekki ólíklegt að
RN selji veitingastaðahlutann bráð-
lega.
Carnegie metur það sem svo að
Reitan Narvesen hafi nokkra vaxt-
armöguleika ef eignarhald á nor-
rænum matvörumarkaði haldi áfram
að þjappast saman. Vaxtarmögu-
leikarnir eru m.a. fólgnir í samruna
eða yfirtöku RN á öðrum félögum.
Baugur er ekki sérstaklega nefndur
í skýrslu Carnegie, nema þá að þar
var höfð hliðsjón af eignarhlut Reit-
an Narvesen í Baugi sem í október
var 17,8%, skv. skýrslu Carnegie, og
hann metinn á 295 milljónir norskra
króna eða 3,4 milljarða íslenskra
króna skv. núverandi gengi. Um ís-
lenskan matvörumarkað er ekki
fjallað sérstaklega í skýrslunni en
ástandið á sænska og danska mat-
vörumarkaðnum er aftur á móti tí-
undað, sem og á þeim norska að
sjálfsögðu.
Í skýrslunni kemur fram að fjár-
festingar RN í Austur-Evrópu hafi
verið mistök og Carnegie telur lík-
legt að Rema 1000 hverfi af þeim
markaði en Reitan Narvesen rekur
verslanir undir því nafni í Póllandi,
Slóvakíu og Ungverjalandi. Þann
kost tekur Carnegie umfram þá að
víkka út starfsemina á þessu svæði
annaðhvort sjálfstætt eða með sam-
runum eða yfirtökum. RN eigi frek-
ar að leggja áherslu á Norðurlöndin.
Morgunblaðið/Kristinn Ingvarsson
Reitan Narvesen á tæp 12% í Baugi en nú stendur til að afskrá hlutabréf RN í Noregi. Smásala á matvöru hefur
færst á æ færri hendur í báðum löndunum.
Áform um afskráningu
Reitan Narvesen
Smásala á mat-
vöru á Norður-
löndunum færist
á færri hendur
KVEN-
SÍÐBUXUR
3 SKÁLMALENGDIR
Bláu húsin við Fákafen.
Sími 553 0100.
Opið virka daga 10-18,
laugardaga 10-16.