Morgunblaðið - 22.12.2001, Side 36

LISTIR
36 LAUGARDAGUR 22. DESEMBER 2001 MORGUNBLAÐIÐ
HIÐ blómlega kórstarf í Lang-
holtskirkju klykkti inn vetrarsólhvörf
af myndarskap á fyrstu af þrennum
tónleikum á fimmtudagskvöld. Að-
sóknin var til vandræða mikil og
hvergi stæði að fá í næsta nágrenni.
Dagskráin var sömuleiðis risavaxin;
hvorki fleiri né færri en 27 atriða og
líklega ein sú lengsta á þessari jóla-
vertíð. Þar á ofan liðu drjúgar 10 mín-
útur fram yfir tilsettan tíma áður en
báðir kórar hófu upp raust sína með
gregorssöng. Fyrsta lagið, Barn er
oss fætt, var fornkirkjulegur messu-
inngangur á jóladag í útsetningu Ró-
berts A. Ottóssonar og í einradda
víxlsöng kórs og Halldórs Torfason-
ar. Jók á jólastemmninguna að kirkj-
an var almyrkvuð þegar kórarnir
gengu syngjandi inn.
Eftir Hátíð fer að höndum ein (úts.
Jóns Ásgeirssonar) söng Kór Lang-
holtskirkju (KL) einn án undirleiks Ó,
Jesúbarn blítt (þýzkt lag í úts. J.S.
Bachs) og Jól (Liljefors, úts. Hill-
erud). Við orgelundirleik söng hann
Vitringana frá Austurlöndum eftir
Snorra Sigfús Birgisson við ljóð
Heines og Jólaljós, bráðfallegt lag
Atla Heimis Sveinssonar við ljóð Dav-
íðs Oddssonar. Ólafur Kjartan Sig-
urðarson hóf fyrsta einsöng sinn með
kórnum þetta kvöld í Konungarnir
þrír (Cornelius, úts. Atkins), og tón-
leikagestir risu á fætur og sungu með
í Englakór frá himnahöll.
Hafi fyrsta lota KL lítið mótazt af
gleðiboðskap jóla þrátt fyrir hreinan
og fallegan söng, þá lifnaði verulega
yfir mannskapnum í fyrsta sératriði
Gradúalekórsins (GL). Það var í
franska laginu Á jólunum er gleði og
gaman, sem Eddukórinn gerði vin-
sælt hér fyrir 30 árum, enda fyrsta
sæmilega hraða lag dagskrár. Að
auki skemmtilega styrkbreytt og
herti m.a.s. pínku ferðina „poco a
poco accelerando“. Hér var ljómandi
vel sungið, þó að miðlungslagið frá
sama landi, Kemur hvað mælt var,
kallaði fram mun heitari undirtektir,
ugglaust fyrir snotran forsöng Ragn-
heiðar Helgadóttur (hafi hún ekki
heitið Þóra Sif Friðriksdóttir; tón-
leikaskrá greindi ekki á milli).
Næst mátti heyra hið furðuvinsæla
„Ave Maria Gounods“, þ.e. 1. prelúdíu
Bachs í C-dúr úr Veltempraða hljóm-
borðinu I með aðskotamelódíu
franska tónskáldsins við hörpuundir-
leik Moniku Abendroth; að mér
heyrðist með rangan kórhljóm á
a.m.k. einum stað, ef ekki fleirum,
þótt ekki bæri mikið á því. Eftir Syng
barnahjörð (Händel) án undirleiks
söng GL Jól Jórunnar Viðar við und-
irleik flautna og orgels. Frábært lag,
en háð nokkru tempósigi frá stjórn-
anda sem, eins og stundum víðar á
dagskrá, dró úr léttleika. Það kom þó
ekki í veg fyrir frábærar undirtektir
áheyrenda.
Sem síðasta sératriði sitt söng GL
Ave María Sigvalda Kaldalóns við
hörpuundirleik og prýðisfallegan ein-
söng Ólafar Kolbrúnar Harðardóttur,
að vísu við nokkurt tónstöðusig ung-
menna í byrjun og enda. Að því loknu
var sungið Bjart er yfir Betlehem
með almennri þátttöku áheyrenda.
Eftir að tónleikagestum hafði verið
boðið í jólasúkkulaði og piparkökur í
safnaðarheimilinu skipti KL eftir hlé
um gír með þrem léttsveifluðum út-
setningum Magnúsar Ingimarssonar
við djasstríóundirleik Kjartans
Valdemarssonar á píanó, Péturs
Grétarssonar á trommusett og Jóns
Sigurðssonar á bassa. Kunnuglegt
amerískt lag Hughs Martins var
fyrst, Heilög stund og hátíðlegt um
jólin (do mí so do | sofamíre do re), og
hefði verið gaman að fá að vita hvað
það heitir á frummáli. Hið ágæta lag
kórfélagans Helga Þórs Ingasonar,
Okkar fyrstu jól, tókst ekki síður vel.
Færðist nú kórinn allur í aukana með
fjör og lipurð sem gjarna hefði mátt
bera meira á í fyrsta dagskrárhluta.
Jólasmellur Ingibjargar Þorbergs,
Hin fyrstu jól, var svolítið hægur en
ekki til skaða. 4. lag KL, ljúflingsdilla
Jóns Sigurðssonar, Jólin alls staðar
við einsöng Ólafs Kjartans, var aftur
á móti lúshægt flutt, en þó tandur-
hreint og með fjallháum en samt
klukkutærum lokatóni í sópran. Ekki
kom fram hver útsetti (orgel, 2 fl.,
harpa og kb.), og gæti sem bezt hafa
verið höfundur sjálfur.
Fjörugasta númer kvöldsins var
hið fyrsta af fimm í útsetningu
sænska kórhöfundarins Anders
Öhrwall, þ.e. ensk-franska jólalagið
Ding Dong, og bráðskemmtilega út-
fært. Með KL við orgelundirleik söng
Ólafur Kjartan síðan Nú ljóma aftur
ljósin skær (Köhler) og slesíska píla-
grímssönginn Fögur er foldin. Þá ný-
fæddur Jesús (Kirkpatrick) hljómaði
undurþýtt í meðförum KL og hörpu-
leikarans, og sömuleiðis Hljóða nótt
(Heims um ból) Grubers, þar sem ein-
söngsrödd Ólafs náði meiri mýkt en
áður hafði heyrzt, og var það sízt til
vanza. Ólöf Kolbrún söng þar á eftir
einsöng með kórnum í Nóttin var sú
ágæt ein eftir Kaldalóns og hinu (því
miður) ómissandi Ó, helga nótt eftir
Adolphe Adam. Bæði voru með flaut-
um, hörpu og bassa, og léku flauturn-
ar sérlega fallegan tvíleik á efsta sviði
í seinna laginu. Loks voru tónleika-
gestir leystir út með almennum söng í
Guðs kristni í heimi (Adeste fideles).
Einsöngvararnir stóðu sig með
prýði. Ólafur Kjartan, sem framan af
var heldur sperrtur í túlkun sinni,
náði að slaka hæfilega á í síðustu lög-
unum. Þá hefði ugglaust farið betur
að stilla sópraninum saman við karla-
kórsundirsöng í fyrra lagi Kaldalóns í
stað ungmennakórsins, sem var á
nánast sama tónsviði og einsöngvar-
inn. Sömuleiðis hefði boldangsbarý-
ton Ólafs örugglega komið bráðvel út
á móti björtu englaröddum GL. Þótt
hvorugt hafi verið í boði að sinni, er
hugmyndinni hér með alltjent komið
á framfæri.
TÓNLIST
Langholtskirkja
Jólatónleikar Kórs og Gradualekórs Lang-
holtskirkju. Ólöf Kolbrún Harðardóttir
sópran, Ólafur Kjartan Sigurðarson barý-
ton. Bernard S. Wilkinson, Hallfríður
Ólafsdóttir, flautur; Halldór Torfason, ein-
söngur; Jón Sigurðsson, kontrabassi;
Kjartan Valdemarsson, píanó; Lára Bryn-
dís Eggertsdóttir, orgel; Monika Abend-
roth, harpa; Pétur Grétarsson, trommur;
Ragnheiður Helgadóttir/Þóra Sif Frið-
riksdóttir, einsöngur. Stjórnandi: Jón
Stefánsson. Fimmtudaginn 20. desem-
ber kl. 20.
KÓRTÓNLEIKAR Jörmundagskrá
á jólatónleikum
Ríkarður Ö. Pálsson
RÚMLEGA níu milljónum var út-
hlutað til 37 aðila úr Menningar- og
styrktarsjóði Búnaðarbanka Íslands
hf. við athöfn í Gerðarsafni í Kópa-
vogi.
Styrkinn hlutu að þessu sinni:
Miðborgarstarf KFUM & K, til for-
varnarstarfs ungs fólks. Karmel-
klaustrið í Hafnarfirði, til stækk-
unar glugga í klaustrinu. Erla B.
Skúladóttir, til gerðar kvikmyndar
sem er hluti af lokaverkefni hennar
í mastersnámi frá New York Uni-
versity. Kvikmyndafyrirtækið Litla
gula hænan, til framleiðslu heimild-
armyndar um líf þriggja taílenskra
kvenna sem búa í Axarfirði. Arn-
gunnur Ýr Gylfadóttir listmálari, til
sýningarhalds. Mireya Samper
myndlistarmaður, til sýningarhalds.
Listasafn Kópavogs, vegna sýning-
ar á verkum Gerðar Helgadóttur sl.
sumar.
Bindindissamtökin IOGT á Ís-
landi, vegna útgáfu Barnablaðsins
Æskunnar og unglingablaðsins
Smells. Sögunefnd Eyrarsveitar, til
að gefa út annað hefti af sögulegum
fróðleik um Grundarfjörð og Eyr-
arsveit. Þjóðminjasafn Íslands, til
viðgerðar á skotskífum. Útgáfa á
ritverkum Páls Briem (1856–1904).
Árnesingakórinn, til eflingar kór-
starfsins. Credo, til að koma list ís-
lenskra tónlistarmanna á framfæri
við umheiminn. Hamrahlíðarkórinn,
til eflingar kórstarfsins. Jóhann G.
Jóhannsson, til útgáfu geisladisks
með sönglögum við ljóð Þórarins
Eldjárns. Sif Tulinius, til að gefa út
sinn fyrsta einleiksdisk. Sumartón-
leikar í Skálholti, til tónleikahalds.
Söngsveitin Fílharmonía, til efling-
ar kórstarfsins. Anita Briem, til
leiklistarnáms í London. Strengja-
sveit Tónlistarskólans í Reykjavík,
til að efla starf sveitarinnar. Szym-
on Kuran, fyrir að semja, flytja og
vegna upptöku á verkinu Requiem.
Egill Örn Arnarson, til að gera
myndband um Smárakvartettinn á
Akureyri. Langholtskirkja, til
starfs Graduale Nobili-stúlknakórs-
ins. Jónína A. Hilmarsdóttir, til
kaupa á víólu. Astma- og ofnæm-
isfélagið, til útgáfu fræðslubæklinga
og gerðar heimasíðu. Landspítali,
til að styðja samstarfshóp um líkn á
höfuðborgarsvæðinu. Landssamtök
skógarbænda á Héraði og Lands-
samtök skógareigenda, til tíu ára
afmælishátíðar. Laufey Guðnadóttir
og Soffía Guðmundsdóttir, til gerð-
ar fræðsluefnis um íslensk handrit
fyrir nemendur á grunn- og fram-
haldsskólastigi. Hópur sem vinnur
að rannsókn á högum og þjónustu
við fötluð ungmenni á Íslandi, til
rannsóknarinnar.
Skógræktarfélag Hafnarfjarðar,
til að sinna og rækta upp trjásýni-
lund. Styrktarfélag vangefinna, til
starfsemi sinnar. MS-félagið, til að
koma upp útilistaverkinu Stoð, eftir
myndhöggvarann Gerði Gunnars-
dóttur. Neistinn, styrktarfélag
hjartveikra barna, til að aðstoða
foreldra hjartveikra barna. SÍBS,
til að efla lungnaendurhæfingu á
Reykjalundi. Gigtarfélag Íslands, til
að vinna að frekari eflingu Vís-
indasjóðs félagsins. Stofnun Vigdís-
ar Finnbogadóttur í erlendum
tungumálum, sem er rannsókna-
stofnun við heimspekideild, til
starfseminnar. Hagfræðistofnun
Háskóla Íslands, til eflingar starf-
semi stofnunarinnar.
Morgunblaðið/Þorkell
Myndin er tekin er styrkir úr Menningar- og styrktarsjóði Búnaðarbanka Íslands voru afhentir í Gerðarsafni.
Menningar- og styrktarsjóður Búnaðarbanka Íslands
Ríflega níu millj-
ónum úthlutað
til 37 aðila
BREIÐFIRÐINGUR, tímarit Breiðfirð-
ingafélagsins, 58.–59. árgangur, fyrir
árin 2000-2001, er kominn út. Meðal
annars eru í ritinu greinar um Leifshá-
tíðina á Eiríksstöðum í Haukadal
sumarið 2000 og fyrirtækið Sæferðir
í Stykkishólmi. Greint er frá sýslu-
mönnum á Snæfellsnesi, Kristjáni
Magnúsen kammerráði og sýslu-
manni á Skarði á Skarðsströnd og
drukknum Ebenesers sonar hans.
Birt er „Reglugjörð fyrir Dalasýslu“ frá
1809 „um grenjaleitir, dýraveiðar og
geldfjárrekstur á afrétt og dali“. Krist-
ján Bersi Ólafsson skrifar um upphaf
lögbundinnar barnafræðslu í Suð-
urdölum. Birt er skýrsla um ástand
skóga í Snæfells- og Dalasýslu frá
1910. Birt eru erindi, sem flutt voru í
Hafnarborg 4. júní 2000 á minning-
ardagskrá um Lúðvík Kristjánsson.
Þá er í tímaritinu endurminningar,
sagnir og margs konar kveðskapur,
m.a. bændaríma úr Reykhólasveit frá
1949.
Einar G. Pétursson handritafræð-
ingur á Árnastofnun lætur nú af rit-
stjórn eftir um 20 ára starf.
Ritið er 213 síður, prýdd mörgum
myndum. Það er fáanlegt í verslun
Sögufélgsins í Fischersundi 3.
Tímarit
FÉLAG starfsfólks bókaverslana
um allt land hefur nú veitt bók-
menntaverðlaun sín í annað sinn.
Kosið var í sjö flokkum og hlutu eft-
irfarandi bækur verðlaun: Í flokki
íslenskra skáldsagna trónir efst
Höfundur Íslands eftir Hallgrím
Helgason, þá koma Gæludýrin eftir
Braga Ólafsson og bók Arnaldar
Indriðasonar, Grafarþögn. Í flokki
bestu þýddu skáldsagna er í 1. sæti
Ævintýri góða dátans Svejks eftir
Jaroslav Hasek, í þýðingu Karls Ís-
feld. Í 2. sæti er Pobby og dingan
eftir Ben Rice í þýðingu Bjarna
Jónssonar. Í 3. sæti Dóttir beina-
græðarans eftir Amy Tan í þýðingu
Önnu Maríu Hilmarsdóttur. Grann-
meti og átvextir eftir Sigrúnu og
Þórarin Eldjárn er efst í flokki ís-
lenskra barnabóka. Þá kemur Al-
gjört frelsi eftir Auði Jónsdóttur og
Í mánaljósi eftir Kristínu Helgu
Gunnarsdóttur.
Besta þýdda barnabókin er Harry
Potter og eldbikarinn eftir J.K.
Rowling í þýðingu Helgu Haralds-
dóttur. Í 2. sæti er bókin Í búðinni
hans Mústafa eftir Jakob M. Strid í
þýðingu Friðriks H. Ólafssonar og
loks Lúmski hnífurinn eftir Philip
Pullman í þýðingu Önnu Heiðu Páls-
dóttur. Besta ljóðabókin er Ljóð-
tímaleit eftir Sigurður Pálsson, þá Á
öðru plani eftir Pálma Örn Guð-
mundsson og í 3. sæti er Sorgar-
gondóll eftir Tomas Tranströmer í
þýðingu Ingibjargar Haraldsdóttur.
Björg eftir Sigríði Dúnu Krist-
mundsdóttur var valin besta ævisag-
an. Í 2. sæti er Konan í köflótta
stólnum eftir Þórunni Stefánsdóttur
og í 3. sæti er Eyðimerkurblómið
eftir Waris Dirie í þýðingu Höllu
Sverrisdóttur. Í flokkinum Besta
fræðibókin er í 1. sæti bókin Eru
ekki allir í stuði? eftir Gunnar Lárus
Hjálmarsson. Í 2. sæti Kötturinn í
örbylgjuofninum eftir Rakel Páls-
dóttur og í 3. sæti Íslenskar eld-
stöðvar eftir Ara Trausta Guð-
mundsson.
Bókmenntaverðlaun bókaverslana
HAFNARHÚSIÐ í Reykjavík hlaut
þá viðurkenningu nýverið, að vera til-
nefnt til Blueprint Architecture-verð-
launanna fyrir árið 2000 í flokki op-
inberra bygginga sem gerðar hafa
verið upp. Meðal annarra tilnefndra
bygginga í þessum flokki voru Tate-
nýlistasafnið og Somserset-húsið,
bæði í London, en verðlaunin hlaut
Magna Project-byggingin sem einnig
er í London. Það var Stúdíó Granda
sem sá um endurbyggingu Hafnar-
hússins. Listasafn Reykjavíkur hefur
komið sér fyrir í Hafnarhúsinu, en
það var opnað eftir umfangsmiklar
breytingar á Listahátíð vorið 2000.
Hafnarhúsið
viðurkennt
STYRKIR Snorra Sturlusonar eru
nú veittir í tíunda sinn. Fimmtíu og
fimm umsóknir bárust frá tuttugu og
einu landi. Að þessu sinni hljóta
styrk, til þriggja mánaða, dr. Leonie
Viljoen, háskólakennari í Pretoríu í
Suður-Afríku, til að fást við fræði-
lega útgáfu á Svínfellinga sögu, og
dr. Fjodor Uspenskij, fræðimaður í
Moskvu, til að stunda rannsóknir á
Snorra-Eddu.
Tveir fá
Snorra-styrk
♦ ♦ ♦
♦ ♦ ♦