Morgunblaðið - 10.01.2002, Page 27

ERLENT
MORGUNBLAÐIÐ FIMMTUDAGUR 10. JANÚAR 2002 27
siminn.is
á Símaskrá
Skráningarfresturvegna breytinga
rennur út 31. janúar
2002
Haf›u samband vi› skrifstofu Síma-
skrár e›a skrá›u flig á einfaldan og
flægilegan hátt á fiínum sí›um á
siminn.is
flínarsí›ur
Skrifstofa Símaskrár, Sí›umúla 15, sími 550 7050
Vertu áberandi í ár!
– Skráning á net- og vefföngum
– Skráning í lit
– Skráning feitletru›
N
O
N
N
I
O
G
M
A
N
N
I
•
5
0
5
9
/
si
a.
is
flínarsí›ur
skrá›u flig
á
fiínum sí›u
m
einfalt og
flægilegt
STJÓRN Roberts Mugabes í Zimb-
abwe ætlar ekki að sætta sig við
þann ósigur, sem hún varð fyrir á
þingi í fyrradag, en þá voru breyt-
ingar á lögum um framkvæmd
kosninga felldar í atkvæðagreiðslu.
Hefur stjórnin í bígerð að leggja
frumvarpið aftur fyrir þingið, auk
frumvarpa um fjölmiðla- og örygg-
ismál sem stjórnarandstaðan telur
ætlað að þagga niður allar and-
mælaraddir í raddinu.
Stjórnarandstaðan mótmælti
kosningafrumvarpi Mugabe-stjórn-
arinnar á þeim forsendum að því
væri ætlað að fella úr gildi kosn-
ingarétt milljóna Zimbabwe-manna
sem búa erlendis, en talið er að
mikill meirihluti þeirra sé andsnú-
inn Mugabe.
Forsetakosningar fara fram í
mars og hafa menn því talið að
breytingar á kosningalöggjöfinni
ættu sér það markmið eitt að
styrkja stöðu hins umdeilda Mug-
abes, sem verið hefur forseti Zimb-
abwe frá 1980.
Segja fréttaskýrendur að Mug-
abe muni verða í vandræðum með
að bera sigurorð af Morgan
Tsvangirai, leiðtoga Lýðræðis-
flokksins, í kosningunum.
Bretar vilja vísa Zimbabwe
úr Samveldinu
Deilur um kosningalöggjöfina
koma á versta tíma fyrir Mugabe
en framundan eru viðræður milli
fulltrúa Zimbabwe-stjórnarinnar og
Evrópusambandsins í Brussel.
Zimbabwe á yfir höfði sér viðskipta-
bann vegna stöðu mannréttinda-
mála í landinu og yfirtöku land-
eigna en síðarnefndu málin hafa
mjög verið í brennidepli undanfarna
mánuði.
Lét Jack Straw, utanríkisráð-
herra Bretlands, hafa eftir sér á
þriðjudag að Bretar hyggist krefj-
ast brottreksturs Zimbabwe úr
Samveldinu verði ekki ráðin bót á
ástandinu í landinu.
Straw sagði að ofsóknir Mugabes
á hendur stjórnarandstæðingum í
Zimbabwe teldust „alvarleg og
ítrekuð brot“ gegn þeim grundvall-
arreglum sem félagsskapur Sam-
veldanna byggði á.
Umdeildu stjórnarfrumvarpi hafnað af þingi Zimbabwe
Mugabe gefur sig ekki
Robert Mugabe
Harare. AFP.
RÍKISSTJÓRN Georges W. Bush
Bandaríkjaforseta hefur tjáð banda-
ríska þinginu að mikið af kjarnaodd-
unum, sprengjunum og eldflaugun-
um er falla undir fækkun þá, er
forsetinn hefur lofað að gera í
kjarnavopnabúri Bandaríkjanna,
verði sett í geymslu fremur en eyði-
lagt, að því er The Washington Post
greindi frá í gær.
J.D. Crouch, aðstoðarvarnarmála-
ráðherra, sagði þingmönnum á há-
leynilegum fundi sl. þriðjudag, að
ríkisstjórnin hefði ekki enn ákveðið
hversu mikið af þeim rúmlega fjögur
þúsund kjarnaoddum og sprengjum,
sem fækka á um í vopnabúrinu skv.
áætlun forsetans, verði eyðilagt og
hversu mikið verði sett í geymslu en
hægt verði að grípa til á ný. Hafði
blaðið þetta eftir heimildamönnum á
bandaríska þinginu.
Bush tilkynnti í síðasta mánuði, að
Bandaríkin myndu fækka í kjarna-
vopnabúri sínu úr um að bil sex þús-
und kjarnaoddum í á bilinu 1.700 til
2.200 á næstu tíu árum. Einn demó-
krataþingmaður, sem er sérfróður
um kjarnavopn, sagði eftir fundinn á
þriðjudaginn að hann teldi að það
eina sem ríkisstjórnin hefði þegar
ákveðið væri eyðing 50 langdrægra
Peacekeeper-skotflauga, í samræmi
við START-II sáttmálann, að sögn
The Post.
„Þeir sögðu okkur ekki hvernig af-
gangurinn af fækkuninni, sem búið
er að lofa, yrði framkvæmdur; þeir
vissu ekki hvernig kjarnavopnabúr-
ið, sem eftir yrði, myndi líta út; og
þeir voru ekki vissir um hversu
miklu yrði eytt og hvað yrði geymt,“
hafði blaðið eftir demókratanum.
Heimildamaður úr röðum repúbl-
íkana sagði að enn ætti eftir að
„ganga frá smáatriðum, en ríkis-
stjórnin hefur skilyrðislaust tekið
fyrsta skrefið“.
Daryl Kimball, framkvæmdastjóri
samtakanna Arms Control, sagði að í
ljósi þess sem hann hefði heyrt um
fundinn á þriðjudaginn teldi hann að
ef vopnin, sem fækkað væri um, yrðu
geymd í heilu lagi þannig að hægt
væri að grípa til þeirra aftur væri
„fækkunin höfð að háði og spotti“.
Kjarnavopn
verði geymd
fremur en eytt
Washington. AFP.
STJÓRNVÖLD í Sádí-Arabíu
höfnuðu í gær mótmælum Tyrkja
vegna niðurrifs á virki frá tímum
Ottómana sem gnæfði yfir stóru
moskunni í Mekka, heilögustu
borg múslima. Bentu þau á að
byggingin hefði ekki talist meðal
heilagra bygginga í íslamstrú og
að hún hefði ekki heldur verið á
lista Menningarmálastofnunar
Sameinuðu þjóðanna, UNESCO,
yfir söguleg menningarverðmæti.
Al-Ajyad-virkið, sem stendur á
hæð í Mekka, var rifið í síðustu
viku en ákveðið hefur verið að
byggja íbúðarhúsnæði á svæðinu í
staðinn. Tyrkir fordæmdu hins
vegar ákvörðunina og sögðust
hafa vakið athygli yfirmanna
UNESCO á málinu.
Feda al-Adel, fulltrúi Sádí-
Araba hjá UNESCO, sagði Tyrki
engan rétt hafa til að hafa sig í
frammi í málinu þar sem virkið,
sem var reist fyrir 230 árum, væri
ekki á lista UNESCO yfir söguleg
menningarverðmæti. Lýstu
fulltrúar stjórnvalda í Sádí-Arabíu
undrun sinni yfir afstöðu Tyrkja,
sem ekki hefðu tekið sömu ein-
örðu afstöðuna þó að svipaðar
byggingar hefðu verið rifnar í
öðrum löndum.
Líkja verkinu við eyðileggingu
búddhalíkneskja í Afganistan
Var dagblaðið Okaz harðort í
garð Tyrkja og sagði þá varla
geta haft mörg orð um mikilvægi
menningarverðmæta enda hefðu
þeir fleygt sinni menningu fyrir
róða er þeir ákváðu að veraldleg
lög skyldu ríkja í Tyrklandi, en
ekki lög kóransins.
Gerði blaðið lítið úr þeim full-
yrðingum Tyrkja að eyðilegging
Ajyad-virkisins jafnaðist á við það
þegar talibanastjórnin í Afganist-
an ákvað í fyrra að eyðileggja
ævaforn búddhalíkneski, en sú
ákvörðun var á sínum tíma kölluð
„menningarlegt hryðjuverk“.
Al-Ajyad-virkið var byggt u.þ.b.
1780 af Ottómönum en þeir stjórn-
uðu þá í Sádí-Arabíu. Virkið var
byggt til að verja mætti moskuna
heilögu í Mekka fyrir árásum
óvina og gátu um 800 hermenn
búið þar á hverjum tíma, auk 300
annarra. Voru veggir virkisins
þriggja metra háir. Í seinni tíð
höfðu Sádí-Arabar rekið þar safn.
AP
Al-Ajyad-kastalinn í Mekka eins og hann leit út áður en Sádí-Arabar
rifu hann í síðustu viku til að rýma fyrir nýjum íbúðarbyggingum.
Virki frá tímum
Ottómana rifið
í Mekka
Riyadh. AFP.
Tyrkir fordæma aðgerðir Sádí-Araba