Morgunblaðið - 15.06.2002, Qupperneq 8

FRÉTTIR
8 LAUGARDAGUR 15. JÚNÍ 2002 MORGUNBLAÐIÐ
Alþjóðlegt þing um heilbrigðistækni
Tækni sem
alla varðar
ALÞJÓÐLEGT þingum heilbrigðis-tækni og vísindi,
12NBC, verður haldið í
Smáralind dagana 18.–22.
júní næstkomandi. Dr.
Þórður Helgason, formað-
ur Heilbrigðistæknifélags
Íslands, segir hér nánar
frá þinginu.
Hver er forsaga NBC-
þingsins?
„Fyrsta þingið var hald-
ið í janúar árið 1970 í Hels-
inki í Finnlandi. Frá árinu
1987 hafa þessi þing verið
haldin reglulega á þriggja
ára fresti, og árið 1993 var
fulltrúum frá Eystrasalts-
löndunum boðið að vera
með, og þegar þingið var
haldið aftur í Tampere í
Finnlandi árið 1996 var
samþykkt að kalla þingið Nor-
ræna baltneska þingið. Nú er það
haldið í tólfta sinn og í fyrsta
skipti á Íslandi.“
Hvað er heilbrigðistækni?
„Það er tækni notuð til sjúk-
dómsgreiningar eða meðferðar
sjúklinga. Í daglegu lífi birtist hún
okkur í formi aðferða eða tækja
sem við njótum góðs af á heil-
brigðisstofnunum og læknastof-
um. Nefna má tæki eins og hlust-
unartól lækna, röntgentæki,
ómskoðunartæki fyrir þungaðar
konur og fleiri.“
Hvaða nýjungar munu koma
fram á þinginu?
„Von er á nokkrum mjög at-
hyglisverðum fyrirlestrum. Einn
gestafyrirlesaranna mun fjalla um
gerð líkana af hjartanu. Slík líkön
er hægt að nota til að gera með-
ferð við hjartsláttaróreglu mark-
vissari, bæði brennslumeðferð og
gangráðsmeðferð. Einnig eru lík-
önin notuð til að ráða í virkni ein-
stakra hluta hjartans út frá raf-
merkjum sem tekin eru upp af
yfirborði líkamans með miklum
fjölda rafskauta, þ.e. brjósti,
maga og baki.
Annar gestafyrirlesari mun
fjalla um nýjungar í geislameð-
ferð krabbameinssjúklinga. Þar
eru spennandi hlutir að gerast.
Farið er að laga geislareiti að
krabbameininu meðan á geisla-
meðferð stendur og jafnvel að
sneiðmyndatæknin verði notuð í
öfuga átt, þ.e. að í stað þess að fá
fram mynd af mismunandi þéttni
muni menn búa til mismunandi
geislaþéttni innan líkamans með
því að geisla úr mismunandi átt-
um með styrk sem breytist meðan
geislagjafinn snýst í kringum
sjúkling.
Sá þriðji mun tala um tækni til
að taka upp upplýsingar beint af
taugum líkamans með ígræddum
rafskautum. Þetta er alveg ný
tækni sem færir menn nær því
marki að geta stjórnað lömuðum
útlimum manna með raförvun og
þar með endurhæft þverlamaða.
Á þinginu verða kynntar yfir 120
greinar, mikil gæðavinna sem vert
er að sjá.“
Skiptir þessi tækni
máli fyrir hinn al-
menna borgara?
„Heilbrigðistæknin
skiptir hinn almenna
borgara miklu máli.
Hvar væru nýrnasteinssjúklingar
í dag ef steinbrjótsins nyti ekki
við? Það er ekki langt síðan hann
var keyptur hingað til lands. Eða
hvar værum við án röntgentækn-
innar, hjarta-lungnavélarinnar,
hjartagangráðsins og fleiri tækja?
Flestir hafa einhvern tíma notið
góðs af heilbrigðistækninni og
margir eiga henni mikið að þakka.
Hún bætir mikið sjúkdómsgrein-
ingarmöguleika og meðferðar-
möguleika okkar. Heilbrigðis-
tækninni fleygir mjög hratt fram
og við eigum eftir að sjá enn hrað-
ari framfarir á komandi áratugum
en á þeim síðustu. Í þessu felast
mikil tækifæri fyrir þjóð eins og
Íslendinga bæði á tækni- og lækn-
ingasviði.“
Segðu okkur frá Heilbrigðis-
tæknifélagi Íslands.
„Heilbrigðistæknifélag Íslands
(HTFÍ) var stofnað hinn 25. mars
1994. Starfsárið 2001 er því það
áttunda í röðinni. Tilgangur fé-
lagsins er að efla og kynna heil-
brigðistækni á Íslandi. Að þessu
markmiði er unnið með því að
miðla upplýsingum um heilbrigð-
istækni, standa fyrir fræðslufund-
um, ráðstefnum, stofnun vinnu-
hópa um ákveðin málefni,
samvinnu við sambærileg félög í
öðrum löndum og kynningum fyr-
ir almenning eins og segir í lögum
félagsins.
Félagar í Heilbrigðistækni-
félagi Íslands geta allir orðið sem
áhuga hafa á heilbrigðistækni.
Það er ekki bundið við neina
starfsgrein og er þar með þver-
faglegt í þeim skilningi. Bæði ein-
staklingar og fyrirtæki eru fé-
lagar í HTFÍ.
Fræðslufundir og vinnuhópar
um ákveðin mál hafa verið rúm-
frekust í dagskrá fé-
lagsins í gegnum tíðina.
Það hefur fengið til
landsins þekkta menn á
sviði heilbrigðistækni,
starfað að staðlamálum
í samvinnu við heilbrigðisráðu-
neytið, unnið að stefnumótun í
heilbrigðistækni í samstarfi við
Samtök iðnaðarins og fleiri aðila,
unnið að könnun á fýsileika þess
að bjóða nám í heilbrigðistækni á
Íslandi, sett á stofn heilbrigðis-
tæknivettvang í samstarfi við
aðra, en nú erum við hins vegar í
fyrsta sinn að standa fyrir alþjóð-
legu þingi um heilbrigðistækni.“
Dr. Þórður Helgason
 Dr. Þórður Helgason heil-
brigðisverkfræðingur fæddist
16. júní 1958. Lauk BS-prófi í
rafmagnsverkfræði frá HÍ 1982,
Dipl.-Ing.-prófi frá Háskólanum í
Karlsruhe 1985 og Dr.-Ing.
gráðu frá sama skóla 1990, á
sama tíma aðstoðarmaður pró-
fessors við háskólann. Hann sér-
hæfði sig í heilbrigðistækni. For-
stöðumaður eðlisfræði- og
tæknideildar Landspítalans
1990–00, forstöðumaður rann-
sóknar- og þróunardeildar LSH
frá 2000 og formaður Heilbrigð-
istæknifélags Íslands. Kona hans
er Halldóra D. Kristjánsdóttir
bankastarfsmaður og eiga þau
tvo syni, Helga Guðjón og Pétur
Daníel.
Athyglisverðir
fyrirlestrar
á þinginu
Yður er óhætt að stíga á land, hr. Jiang Zemin, það verða allir með
hendurnar á kafi í vösunum samkvæmt samningum.
ENGINN lax veiddist í Elliðaánum í
gærmorgun er Ingibjörg Sólrún
Gísladóttir og fleiri úr fylgdarliði
hennar renndu þar fyrstir veiði-
manna fyrir lax á þessu sumri. Opn-
unin var færð fram um einn dag
vegna anna borgarstjórans í dag,
laugardag.
Að sögn Þorleifs Magnússonar
formanns árnefndar Elliðaánna sáu
menn laxa í ánni, bæði í Fossinum og
á Neðri Breiðu, auk þess sem fjórir
höfðu farið um teljarann. Hins vegar
vildi laxinn ekki taka og hollið var í
staðinn upptekið við að grisja
smáurriða úr ánni. T.d. hreinsaði
Ingibjörg Sólrún þrjá slíka titti úr
ánni. Þorleifur gat þess einnig, að
veðrið hefði ekki verið hjálparhella,
en sól og hiti væri ekki kjörveðrið til
laxveiða.
Molar héðan og þaðan…
Það er að reytast nýr lax inn í
Blöndu. Í gærmorgun voru þar t.d.
ensk hjón sem settu í alls sex laxa.
Náðu tveimur, en misstu hina fjóra,
flesta eftir langar og harðar rimmur.
Þetta voru allt 10 til 12 punda fiskar.
Óstaðfestar fréttir eru um nýjan
stórurriða úr Þingvallavatni, 10
punda fiskur veiddur í Þjóðgarðinum
í fyrrakvöld. Bleikjuveiðimenn segja
meira bera á smærri bleikju nú en
fyrr í vor. Þó eru enn góðir fiskar í
bland og ekki er langt síðan að frétt-
ist af akfeitri 4 punda kuðunga-
bleikju í Lambhaga sem veiddist á
svarta kúlupúpu númer 16, sem er
nokkru smærri fluga en flestir nota í
vatninu.
Stærstur straumur
Í laxleysinu það sem af er hafa
menn einblínt nokkuð á þann straum
sem er stærstur um þessar mundir.
Hafa menn talað um að maístraum-
arnir hafi verið óvenjusnemma og
það kunni að valda því að laxinn sé
seinn. Ásgeir Heiðar, sá þrautreyndi
veiðimaður, leggur ekki trúnað á
það, hann segir að lax hafi gengið
snemma, a.m.k. í Laxá í Kjós og ef-
laust víðar, en vegna hlýinda hafi
þeir dreift sér og séu vítt og breitt og
meira og minna týndir á stóru svæði
í stað þess að vera á afmörkuðum
svæðum og sýnilegir eins og venja er
til í byrjun vertíðar. Hann bætir við
að það sárvanti nú úrkomu, skilyrði
séu afar erfið.
Enginn lax veiddist
við opnun Elliðaáa
Morgunblaðið/Arnaldur
Ingibjörg Sólrún Gísladóttir borgarstjóri reynir fyrir sér í Fossinum í gærmorgun.
ERU
ÞEIR AÐ
FÁ’ANN?