Morgunblaðið - 01.10.2005, Qupperneq 61

MORGUNBLAÐIÐ LAUGARDAGUR 1. OKTÓBER 2005 61
FRÉTTIR
ÞÓRARINN Eyfjörð, fyrir hönd Fræðslu-
setursins Starfsmenntar, og Bjartmar
Kristinsson, eigandi Tölvuskólans Nem-
andi, undirrituðu á dögunum samstarfs-
samning um umsjón Tölvuskólans á tölvu-
námskeiðum fyrir aðildarfélaga
Starfsmenntar.
Fræðslusetrið Starfsmennt hefur ákveðið
að gangast fyrir tilraunaverkefni á sviði
tölvunámskeiða í fjarnámi.
Námskeiðið hentar bæði þeim sem kunna
lítið eða ekkert á tölvur, en einnig þeim
sem lengra eru komnir. Skólinn leggur
mikið upp úr persónulegum stuðningi við
nemendur. Í fréttatilkynningu segir að
undirtektir við námskeiðið meðal aðild-
arfélaga Starfsmenntar séu góðar.
Starfsmennt og
Nemandi í samstarf
Fagnar fjölgun
hjúkrunarrýma
Á FUNDI borgarráðs 29. septem-
ber sl. var lagt fram samkomulag
heilbrigðisráðherra og borgaryf-
irvalda um byggingu hjúkrunar-
heimilis í Sogamýri með 110 nýjum
rýmum. Kostnaður er 1.300 millj-
ónir króna og greiðir borgin 30% af
honum, sem er tvöfalt lögbundið
framlag sveitarfélaga.
Gísli Helgason, varaborgarfull-
trúi F-listans og stjórnarmaður í
Öryrkjabandalagi Íslands, lagði
fram bókun á fundinum, þar sem
segir m.a.: „F-listinn fagnar því
samkomulagi milli borgarinnar og
heilbrigðisráðuneytisins sem nú
liggur fyrir um byggingu hjúkr-
unarheimilis fyrir aldraða. Vonandi
ber þetta samkomulag vott um
breytt hugarfar af hálfu ríkisvalds-
ins. Minnt skal á að ekkert af því
fjármagni, sem fékkst fyrir sölu
Landssímans er ætlað til málefna
aldraðra. Aldraðir og öryrkjar sér-
staklega hafa orðið að sæta stöð-
ugum kjaraskerðingum af hálfu
ríkisins og að ekki er staðið við
samkomulag um bættan hag
þeirra.“
Hausthappdrætti
Blindrafélagsins
BLINDRAFÉLAGIÐ, samtök
blindra og sjónskertra á Íslandi, er
að litlu leyti rekið fyrir opinbert fé.
Blindrafélagið hefur byggt starf-
semi sína á frjálsum framlögum og
notið ómetanlegs stuðnings al-
mennings í þau 65 ár sem það hefur
starfað.
Ein veigamesta fjáröflunarleið
félagsins er happdrætti. Nú fyrir
mánaðamótin fá öll heimili og fyr-
irtæki í landinu sendan happdrætt-
ismiða í pósti. Það er von okkar að
landsmenn taki happdrættinu vel
og kaupi miða til styrktar starfsem-
inni. Margir vinningar eru í boði.
Einnig er hægt að kaupa miða á
skrifstofu Blindrafélagsins í
Hamrahlíð 17 Reykjavík og í síma
525 0000. Miðinn kostar 1.200 kr.
Skrifstofa Blindrafélagsins er opin
frá kl. 9–16 alla virka daga. Dregið
verður í hausthappdrætti Blindra-
félagsins 18. nóvember nk.
Lýst eftir vitnum
LÖGREGLAN í Hafnarfirði lýsir
eftir vitnum að því þegar ekið var á
mannlausa bifreið í Garðabæ að-
faranótt sunnudagsins 18. sept-
ember sl., milli klukkan 1 og 1.30.
Ekið var á bifreiðina þar sem hún
stóð fyrir framan Garðaflöt 5 í
Garðabæ og ók sá sem olli tjóninu á
brott án þess að gera vart við sig.
Mikið tjón varð á bifreiðinni. Vitni
eru vinsamlegast beðin um að hafa
samband við lögregluna í Hafn-
arfirði í síma 525 3300.
Selja Gaflara-
merkið um
helgina
LIONSKLÚBBUR Hafnarfjarðar
stendur fyrir fjársöfnunina nú um
helgina, til tækjakaupa fyrir Augn-
deild St. Jósepsspítala í Hafn-
arfirði. Fjáröflun klúbbsins byggist
á sölu Gaflaramerkis sem selt er á
500 kr.
Lionsfélagar verða við verslanir
og bensínstöðvar, laugardag og
sunnudag og selja Gaflarann, sem á
10 ára afmæli í ár, segir í frétta-
tilkynningu.
SÍBS-dagurinn
á sunnudag
SÍBS-dagurinn er á morgun, sunnu-
daginn 2. október. Í tilefni dagsins
verður opið hús kl. 13–16, í SÍBS-
húsinu, Síðumúla 6, fyrir alla sem
vilja kynna sér starfsemi samtak-
anna. Fulltrúar SÍBS verða á staðn-
um til að fræða gesti og gangandi
um samtökin og þau fjölmörgu
verkefni sem SÍBS stendur að.
Heitt verður á könnunni.
Íbúar geta haft áhrif á
umræðu með SMS
ÍBÚUM Reykjavíkur og öðrum landsmönnum gefst
nú tækifæri til að hafa áhrif á umræðu um skipu-
lagsmál borgarinnar með því að senda gjaldfrjáls
SMS eða myndskilaboð í símanúmerið 1855. Í frétta-
tilkynningu frá OgVodafone segir að markmiðið sé
að gefa fólki kost á því að skiptast á skoðunum og
hugmyndum um Reykjavík til framtíðar.
Um er að ræða atburð sem er hluti af sýningunni
„Hvernig borg má bjóða þér?“ í Listasafni Reykja-
víkur-Hafnarhúsi. Sýningunni, sem stendur til 2.
október, er ætlað að varpa ljósi á fortíð og framtíð
skipulagsmála í borginni með áherslu á Vatnsmýr-
ina. Verkefnið er unnið í samvinnu við Og Vodafone.
Sýningin í heild sinni er afrakstur samstarfs
Listasafns Reykjavíkur og Skipulags- og bygging-
arsviðs Reykjavíkurborgar. Tilraunastofan Úrban-
istan verður svo í safninu sem vettvangur fyrir fólk
til þess að miðla hugmyndum um framtíðarborgina.