Réttur - 01.01.1959, Side 75

R É T T U R
75
maí gekk sendiherra Bandaríkjanna á fund utanríkisráð-
herra og flutti honum harðorð mótmæli Bandaríkjastjóm-
ar gegn fyrirætlunum Islendinga um stækkun fiskveiðilög-
sögunnar í 12 mílur. Áður höfðu brezki sendiherrann og sá
franski flutt hliðstæð mótmæli og ef til vill fleiri sendi-
herrar, þótt utanríkisráðherra léti þess ekki getið.
En jafnframt þessu fór þrýstingurinn frá alþýðu manna
um tafarlausar framkvæmdir einnig dagvaxandi. 1. maí
1958 voru framkvæmdir í landhelgismálinu aðalkrafa
verklýðshreyfingarinnar. 1 1. maí ávarpi verklýðsfélag-
anna var komizt svo að orði:
„Verklýðssamtökin standa einhuga um kröfuna um
12 mílna fiskveiðilandhelgi og krefjast þess að ríkis-
stjórnin lýsi yfir því að 12 mílna fiskveiðilandhelgi
taki gildi tafarlaust....Við krefjumst tólf mílna fisk-
veiðilandhelgi nú þegar og stefnum að því, að land-
grunnið verði fyrir Islendinga eina....Berum kröfuna
um tólf mílna fiskveiðilandhelgi fram til sigurs.“
Verklýðsfélög um land allt gerðu einróma samþykktir
þar sem skorað var á ríkisstjórnina að bíða nú ekki lengur.
7. maí báru fulltrúar allra flokka í bæjarstjórn ísafjarðar
fram tillögu um að skora á ríkisstjórnina „að setja nú
þegar nýja reglugerð .... þess efnis að friðunartakmörkin
skuli vera 12 mílur og bendir á 17. júní n. k. sem gildis-
tökudag fyrir þessa ákvörðun, sem er veigamikill þáttur
í sjálfstæðisbaráttu þjóðarinnar.“ Tillagan var samþykkt
í einu hljóði og hliðstæðar, einróma ályktanir bárust þessa
daga frá bæjarstjómum Vestmannaeyja, Neskaupstaðar,
Húsavíkur og Siglufjarðar. Fjölmörg félagssamtök önnur
létu kröfum sínum rigna yfir ríkisstjórnina; þannig gerði
títvegsmannafélag Akraness þessa stuttu og laggóðu sam-
þykkt 23. maí — daginn sem úrslit fengust loks í átökum
stjórnmálaf lokkanna:
„Treystum heildarsamtökmn vorum til baráttu fyrir
12 mílna fiskveiðilandhelgi við Island. Skorum á ríkis-
stjórnina að ákveða línuna tafarlaust og verja hana.“