Réttur - 01.01.1959, Blaðsíða 82

82
E É T T D 3
sendi ráðherrum Alþýðuflokksins 17. maí ásamt frum-
varpi að reglugerð um fiskveiðilandhelgi íslands:
1) Leitað verði eftir samstöðu þingflokkanna um
breytingar á fyrrnefndu reglugerðarfrumvarpi með ‘hlið-
sjón af tillögum þeim, sem fram koma í umsögn Fiski-
félags Islands og Fiskideildar Atvinnudeildar Háskólans
dags. 20. maí.
2) Reglugerðin verði gefin út eigi síðar en 30. júní og
verði öðrum þjóðum, sem hún varðar, gert kunnugt um
efni hennar áður í því skyni að afstýra alvarlegum á-
greiningi.
3) Reglugerðin komi til framkvæmda eigi síðar en 1-
september.“
Ráðherrar Alþýðuflokksins gáfu þá skýringu á álykt-
uninni, að það væri stefna þeirra að reglugerðina ætti ekki
að ákveða endanlega fyrr en 30. júní, þannig að unnt væri
að bæta inn í hana efnisatriðum allt til þess dags. Alþýðu-
flokkurinn hafði þannig einnig fallizt á kröfu Atlanzhafs-
bandalagsins um áframhaldandi samningamakk en vildi að
samningum yrði lokið nokkru fyrr en bandalagið hafði
lagt til — þótt nú væri að vísu sýnt að ráðamenn flokksins
lögðu ekki mikið upp úr dagsetningum.
Málið talið útkljáð
Þegar svo var komið töldu andstæðingar stækkunar-
innar fullvíst að átökunum væri lokið og stjórnin myndi
biðjast lausnar einhvern næstu daga. Bæði Morgunblaðið
og Alþýðublaðið skýrðu opinskátt frá því 22. og 23. maí
að ríkisstjórnin væri að segja af sér, og höfðu miklu meiri
áhuga á þeim málalokum en landhelgismálinu sjálfu.
Fulltrúar Breta — sem auðvitað höfðu fylgzt með öll-
um gangi málsins stig af stigi — voru sömu skoðuniar
og samkvæmt því birtust fréttir um stjórnarslit og vænt-
anlega samninga um landhelgina í blöðum í Evrópu og
Ameríku næstu daga; sendiráð íslands erlendis höfðu
sömu sögu að segja eftir utanríkisráðuneytinu.