Réttur - 01.01.1959, Qupperneq 92

92
rÍTTUR
Og Bjarni Benediktsson komst svo að orði í ræðu á
landsfundi Sjálfstæðisflokksins 14. marz 1959:
„Lúðvík Jósepsson réð hvernig að var farið. . . Sök
Guðmundar í. Guðmundssonar er fólgin í því að hann
skyldi ekki hindra Lúðvík í þessu.“
Bretar haía í hótunum — Sovétríkin
lýsa viðurkenningu
Samkomulag stjórnarflokkanna vakti mikla athygli,
einnig erlendis þar sem ýtarlegar fréttir voru birtar af
því í blöðum, og 3. júní birti brezka stjórnin yfirlýsingu
þar sem sagt var
„að reglugerð sú sem fyrirhuguð er myndi ekki tak-
marka og gæti ekki með löglegum hætti takmarkað rétt-
indi annarra þjóða á úthafinu, né heldur væri þannig
hægt að banna með lögum fiskveiðar annarra þjóða á
svæðum sem lengi hafa verið talin til úthafsins. Brezka
ríkisstjórnin mun því ekki sjá sér fært að viðurkenna,
að hin fyrirhugaða reglugerð myndi hafa nokkurt laga-
legt gildi, ef hún yrði gefin út. . . Jafnframt hlýtur
brezka ríkisstjórnin að vekja athygli á því, að hún
myndi telja það skyldu sína að koma í veg fyrir hvers
konar ólögmætar tilraunir til afskipta af brezkum fiski-
skipum á úthafinu, hvort sem slík afskipti fara fram
á þeim svæðum, sem íslenzka ríkisstjórnin hefur nú í
hyggju að telja sig hafa yfirráð yfir eða ekki.“
Hinsvegar barst gagnstæð yfirlýsing frá Sovétríkjunum.
Sendiherra Sovétríkjanna gekk 30. maí á fund utanríkis-
ráðherra (ráðherrann skýrði raunar ekki frá þeim at-
burði fyrr en viku síðar) og lýsti yfir formlegri viðurkenn-
ingu Sovétríkjanna á hinni nýju landhelgi sem Islend-
ingar hefðu ákveðið. I yfirlýsingunni sagði m. a.:
„I þessu efni er stefna Sovétríkjanna sem hér segir:
Sérhvert fullvalda ríki hefur rétt til að ákveða sjálft
stærð landhelgi sinnar eins og áður hefur tíðkazt, yfir-