Réttur - 01.01.1960, Qupperneq 82

82
B É T T U K
Hækkuð útgjöld yrðu þannig 23%. Frá mætti svo draga:
1. Tekjuskatt, sem niður félli ................. kr. 1.100,00
2. Aukning fjölskyldubóta ...................... — 5.500,00
Kr. 6.600,00
Kjaraskerðing samkv. þessu yrði 7135 kr. eða 11%.
I þessu dæmi er ekki reiknað með söluskattinum sem eykur
skerðinguna um amk. 6% og vaxtahækkunin var þá heldur ekki
framkomin, en ætla má sem áður segir að hún þýði kjararýrnun
upp á rúm 4%. Verðhækkanir hafa líka reynzt meiri en menn
gat að óreyndu órað fyrir. Kjaraskerðing „Vísitöluheimilisins"
yrði í heild samkvæmt þessu 21%. Sé þess svo gætt að vísitölu-
heimilið hlýtur hlutfallslega langhæstu fjölskyldubæturnar miðað
við önnur sést að fullt samræmi er með báðum þeim útreikningum
sem hér hafa verið sýndir og að framhjá þeirri staðreynd verður
ekki komizt að hrein kjaraskerðing er vart undir 25%.
■ VAK ÞETTA NAUÐSYNLEGT?
Afturhaldsliðið í kringum ríkisstjórnina hamrar á þeirri full-
yrðingu að þau ósköp sem það hefur leitt yfir almenning hafi
verið óhjákvæmileg nauðsyn vegna þess að þjóðin hafi lifað um
efni fram og gjaldeyrisskuldir hafi hlaðizt upp og verið orðnar
ill- eða óviðráðanlegar nema með því að þjóðin í heild þrengdi
að lífskjörum sínum. I þessu sambandi er farið með staðlausa
stafi um 200 millj. kr. árlegan gjaldeyrishalla og fleira álíka. En
hverjar eru staðreyndirnar? Meðal annars þessar: A 5 árum
frá 1954—1959 versnaði gjaldeyrisstaða okkar um 30—40 millj.
kr. ef tekið er tillit til þess að birgðaaukning útflutningsvara óx
á þessum tíma úr rúml. 100 millj. kr. í 370 millj. kr. Með því að
leyna birgðaaukningunni falsar stjórnarliðið tölur og segir gjald-
eyrisstöðuna hafa versnað um 300 milj. kr. á þessum tíma. Ef
reiknað er með birgðaaukningu útflutningsvara á sl. tveim árum
kemur í ljós að gjaldeyrisútgjöldin og gjaldeyristekjur standa í
járnum. Falsanir stjórnarliðsins eru fólgnar í því að telja afborg-
anir af föstum lánum og öll framkvæmdalán, sem tekin hafa