Réttur - 01.08.1931, Qupperneq 40

152
TOLLARNIR OG BÆNDUR
[Rjettur
Tollarnir og bændur.
út um bygðir landsins heyrist mikið talað um
»Reykjavíkurvald«. f hverri viku og stundum daglega
er »Tíminn« sendur inn á sveitaheimilin til að kenna
bændum að hata »Reykjavíkurvaldið« og hvetja allan
búandlýð til að vígbúast gegn þessum ægilega fjanda.
Fyrir hverjar kosningar eru mörg hundruð hinna vösk-
ustu manna sendir út um sveitirnar til að skera upp
herör gegn þessum djöfli. Allir bændur eiga að segja
»Reykjavíkurvaldinu« stríð á hendur, og stríðið er í
því fólgið að lesa »Tímann« og kjósa Framsóknarmann
til þings.
Hvað er þetta dularfulla »Reykjavíkurvald?« Eftir
því sem »Tíminn« segir, er það voldugt samsæri, sem
allir Reykvíkingar hafa gert með sjer, að undantekn-
um 1—2000 mönnum, sem flestir hafa atvinnu hjá
stjórninni eða Sambandi íslenskra samvinnufjelaga,
eða eru þá nýkomnir úr sveit. Markmið þessa samsæris
er að eyðileggja sveitabúskapinn og steypa þjóðinni í
glötun. Armar þess eru tveir: lágskríll og háskríll. Lág-
skríllinn er verkalýðurinn, en háskríllinn eru útgerð-
armenn og kaupmenn. Bæði lágskríllinn og háskríllinn
lifir í vellystingum praktuglega, klæðist purpura og
dýru líni, etur og drekkur á kaffihúsum og er glaður.
Lágskríllinn græðir á því að vinna stund og stund,
milli þess sem hann er að skemta sjer, fyrir afskap-
lega háu kaupi, en háskríllinn græðir á því að selja
bændum dýrar vörur. Með þessu hjálpast þeir að, að
koma sveitabúskapnum í kalda kol og eru það þeirra
samantekin ráð. Erjur eru stundum allmiklar milli há-
skrílsins og lágskrílsins, en það er ekki vegna þess að
hagsmunir þeirra rekist á, heldur bara vegna þess að
hvorttveggja er skríll. Til þess að halda skrílnum í
skefjum þarf Framsóknarstjórnin að koma upp sterku