Réttur - 01.10.1974, Blaðsíða 8
fram í sjúkrahúsi. Fyrir sjúkling í sjúkra-
húsi eru hins vegar allar rannsóknir greidd-
ar að fullu af sjúkrasamlagi. Lagfæring á
þessu atriði var því fyrir löngu orðin tíma-
bær.
EINSTÆÐIFt FEÐUR
í þessum lögum fólst einnig bætt réttar-
staða fyrir einstæðan föður, sem annast upp-
eldi barns síns og hefur fengið úrskurð um
meðlagsgreiðslu frá móður barnsins. Hann
getur nú snúið sér til Tryggingarstofnunar-
innar með meðlagsúrskurð og fengið með-
lagið greitt hjá stofnuninni á sama hátt og
fráskilin kona.
TAKMÖRKUN FJÖLSKYLDUBÓTA
Til þess að standa straum af kostnaði
vegna aukinna greiðslna til þeirra sem njóta
tekjutryggingar og útgjaida vegna tannlækn-
inga og röntgenrannsókna var ákveðið að
draga úr fjölskyldubótum, þannig að nú er
aðeins greitt með jíeim börnum sem eru um-
fram eitt í fjölskyldu.
Sú undantekning er þó gerð að greitt er
með öllum börnum í fjölskyldu ef brúttó-
tekjur framfæranda eru undir kr. 700 þús.
eða börnin í fjölskyldunni fleiri en fjögur.
BÆTUR OG
FRAMFÆRSLUKOSTNAÐUR
Réttlát lög um það hverjir skulu njóta
bóta almannatrygginga og hvað skuli greitt
vegna heilsugæslu og lækninga er ekki nema
annar meginþátturinn í góðu tryggingakerfi.
Hitt höfuðatrið.'ð er kaupmáttur þeirra bóta
sem greiddar eru.
Lengst af hafa bætur hækkað seint og
óreglulega, oft löngu eftir að almennar kaup-
hækkanir höfðu átt sér stað. Það var ekki
fyrr en í ársbyrjun 1972 að gildi tók það
ákvæði að ráðherra væri skylt að breyta bóta-
upphæðinni til samræmis við hækkanir á
verkamannakaupi innan 6 mánaða frá því
að kauphækkunin átti sér stað. Ráðherra Al-
þýðubandalagsins framkvæmdi þetta ákvæði
þannig að almennar lífeyrisbæmr voru alltaf
hækkaðar í næsta mánuði eftir að verka-
mannakaup hafði hækkað. Þessi framkvæmd
og þær lagabreytingar sem hér hafa verið
raktar, ollu því að á stjórnartímabili vinstri
stjórnarinnar, hækkaði aimennur ellilífeyrir
um 149%, og lífeyrir þeirra sem engar aðrar
tekjur hafa, hækkaði um 285%, en á sama
tíma hækkaði vísitala framfærslukostnaðar
um 56%.
Meðfylgjandi tafla sýnir þessa þróun.
Vísitala Lífeyrir
framfærslu- Lífeyrir með fullri
Dagsetningar kostnaður kr. tekjutr. Kr.
1. maí 1971 155 4.800
l.ág. 1971 155 5.880 7.000
1. jan. 1972 156 6.465 10.000
1. júlí 1972 170 7.244 11.200
1. apríl 1973 183 8.113 12.544
1. júlí 1973 201 8.535 13.196
1. okt. 1973 210 9.133 14.120
1. jan. 1974 226 9.772 15.108
1. apríl 1974 242 12.215 18.886
AÐ ÞEKKJA RÉTT SINN
Ekki er liægt að ljúka svo greinargerð um
þróun almannatrygginga undir stjórn Al-
þýðubandalagsins, að ekki sé minnst á fé-
lagsmála og upplýsingadeild Trygginga-
stofnunarinnar, en sú deild var stofnuð með
sérstakri reglugerð í ársbyrjun 1973. Oft
hefur verulega skort á að stofnunin gerði
nóg til að kynna fólki rétt sinn, en á því
hefur nú orðið veruleg breyting til batnaðar.
200