Morgunblaðið - 14.01.2007, Blaðsíða 2

2 SUNNUDAGUR 14. JANÚAR 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jóhann Björns-
son, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Sveinn Guðjónsson,
svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is
netfrett@mbl.is Guðmundur Sv. Hermannsson fréttastjóri gummi@mbl.is
Morgunblaðið í dag
sunnudagur 14. 1. 2007
atvinna mbl.isatvinna
Gestir í vikunni 11.742 » Innlit 20.661 » Flettingar 150.359 » Heimild: Samræmd vefmæling
BÓNA OG ÞVO Í KULDANUM
HÉÐAN FER ENGINN BÍLL SKÍTUGUR, SEGIR GUÐJÓN
EIÐSSON, VERKSTJÓRI Á BÓN- OG ÞVOTTASTÖÐINNI >> 12
Yf ir l i t
Í dag
Sigmund 8 Minningar 43/47
Staksteinar 8 Menning 48/55
Veður 8 Sjónspegill 50
Vikuspegill 20/23 Leikhús 52
Hugsað upphátt 25 Myndasögur 54
Forystugrein 32 Dagbók 57/61
Reykjavíkurbréf 32 Staður og stund 58
Umræðan 37/41 Víkverji 60
Bréf 38/39 Velvakandi 60
Auðlesið efni 42 Bíó 58/61
Hugvekja 43 Sjónvarp 62
* * *
Innlent

Ekki hefur verið jafnmikill snjór
í Reykjavík síðan í desember árið
2001 þegar snjódýpt mældist 31
sentímetri. Í gærmorgun var snjó-
dýptin 24 sentímetrar og er t.a.m.
meiri á höfuðborgarsvæðinu en á
Akureyri. Snjómokstur kostar
Reykjavíkurborg um sex milljónir á
dag. » Baksíða

Árni Sigfússon, bæjarstjóri
Reykjanesbæjar, segir að ekki verði
farið að kröfum samtakanna Sól á
Suðurlandi sem vilja íbúakosningu
vegna fyrirhugaðs álvers í Helguvík.
Árni segir alla geta gert at-
hugasemdir í kynningu sem fer fram
í gegnum umhverfismat. » Baksíða

Ákveðin samkennd ríkir meðal
kvenna á Alþingi, þvert á pólitískar
flokkslínur, að mati Ingibjargar Sól-
rúnar Gísladóttur, formanns Sam-
fylkingarinnar. Hún fullyrðir að
konur séu tillitssamari hver við aðra
en almennt tíðkast í pólitík og segist
ekki viss um að karlarnir skilji það
jafnvel. » Forsíða og 26

Matthías Halldórsson, land-
læknir, segist fagna rafrænum að-
gangi fólks að eigin sjúkraskrá á
netinu ef hægt er að búa svo um að
einungis sjúklingurinn sjálfur fái
ákveðið pin-númer með aðgangi.
Hann segir það geta aukið öryggi
sjúklinga þar sem alltaf væri hægt
að komast í gögnin þegar mikið lægi
við og meðferð gæti orðið markviss-
ari. » 4

Læknar á Barna- og unglinga-
geðdeild Landspítala – háskóla-
sjúkrahúss gagnrýna stjórnendur
LSH fyrir að bregðast ekki við al-
varlegum athugasemdum við stjórn-
unarlega stöðu BUGL. Þeir eru
einnig ósáttir við að heilbrigð-
isráðherra hafi ekki beitt sér fyrir
úrbótum sem sænskir skýrsluhöf-
undar telja nauðsynlegar. » 10–19

Breska netferðaþjónustufyr-
irtækið Cheapflights hefur keypt
hlut í íslenska flugleitarvefnum do-
hop.com. Í tilkynningu frá fyrirtækj-
unum segir að um umtalsverðan hlut
sé að ræða en kaupverðið verði ekki
gefið upp. Starfsemi dohop.com
hófst árið 2004. Á vefnum er leitað
að ódýrasta flugi á tiltekinni flugleið.
» Baksíða
Erlent

Norðmenn óttast að mikið um-
hverfisslys geti orðið vegna strands
flutningaskipsins Server við litla
eyju á Hörðalandi á suðvesturhluta
landsins á föstudagskvöld. Allri
áhöfninni, 25 manns, var fljótlega
bjargað með þyrlu. Talið er að allt að
290 tonn af þykkri olíu hafi lekið úr
flakinu en skipið brotnaði í tvennt
skömmu eftir strandið. Friðland fyr-
ir um 220 fuglategundir er rétt við
svæðið og einnig eru fiskeldis-
stöðvar í grennd. Þegar voru hafnar
umfangsmiklar aðgerðir til að reyna
að hindra olíumengun á svæðinu en
vindátt er sögð hagstæð og ekki víst
að tjónið verði jafn mikið og óttast
var í fyrstu. » Forsíða
Eftir Guðna Einarsson
gudni@mbl.is
ORKUVEITA Húsavíkur (OH) hef-
ur sótt um nýtingarleyfi á jarðhita
úr rannsóknarholu sem boruð var
haustið 2005 í Kelduhverfi. Holan
er um þrjá km frá bænum Keldu-
nesi og á milli Skjálftavatns og Jök-
ulsár á Fjöllum, 610 metra djúp og
150 mm víð. Hún gefur um 13 sek-
úndulítra af 76°C vatni í sjálf-
rennsli. Það er talið henta vel til
hitaveitu á 15 bæi í næsta nágrenni.
Með dælu á 25 metra dýpi er talið
að hægt sé að ná 35–40 sek-
úndulítrum úr holunni, en það
myndi nægja fyrir meira en 500
manna byggð.
Hreinn Hjartarson, veitustjóri
OH, sagði að nú þegar rannsókn-
arleyfi væri í höfn og umsókn um
nýtingarleyfi í vinnslu yrði næsta
skref að hanna hitaveitu fyrir bæi í
nágrenni holunnar.
Hitinn í holunni steig hratt
Hann sagði að hitinn í holunni
hefði stigið hratt á síðustu metr-
unum og því þyrfti líklega ekki að
bora nema tvö til þrjú hundruð
metrum dýpra til að komast í yfir
100°C vatn. Rannsóknir hefðu leitt í
ljós að jarðhitasvæðið í Öxarfirði
væri stórt lághitasvæði, en ekki há-
hitasvæði eins og áður var talið.
Svæðið hentaði því ekki til raforku-
vinnslu í stórum stíl, en hitann
mætti nýta til hitaveitu og í ýmsum
atvinnurekstri. Þannig sýndu við-
námsmælingar Íslenskrar orku
2004 að sandar Öxarfjarðar
geymdu minnst þrjú lághitasvæði.
Rannsóknarholan sem um ræðir
var boruð í kjölfar viðnámsmælinga
OH við Skjálftavatn 2005.
Í mars síðastliðnum greindi OH
frá góðum árangri af borun hita-
veituholunnar. OH og Keldunes-
hreppur stóðu að boruninni með
styrk frá orkusjóði. Heildarkostn-
aður við borverk var ríflega 16
milljónir króna. Verktaki við þess-
ar borframkvæmdir var Jarðbor-
anir hf.
Ljósmynd/Orkuveita Húsavíkur
Fullt af heitu vatni Unnið að borun holunnar í Kelduhverfi á bökkum Jökulsár.
Sótt um nýtingarleyfi
á jarðhita í Kelduhverfi
Holan gefur um 13 sekúndulítra af 76 gráðu heitu vatni
Í HNOTSKURN
» Viðnámsmælingar Ís-lenskrar orku 2004 sýndu
að sandar Öxarfjarðar
geymdu minnst þrjú lág-
hitasvæði.
» Með dælu á 25 metra dýpier talið að hægt sé að ná
35–40 sekúndulítrum úr hol-
unni, en það myndi nægja fyr-
ir meira en 500 manna byggð.
„ÉG fagna því að aukið fjármagn sé
sett til eflingar á Háskóla Íslands,
því hann hefur fram að þessu verið
fjársveltur rétt eins og aðrir háskól-
ar landsins,“ segir Björn Þór Jóns-
son, dósent við tækni- og verkfræði-
deild Háskólans í Reykjavík. Tekur
hann fram að ákvörðun menntamála-
ráðherra hafi hins vegar komið sér á
óvart því hún sé hvorki í samræmi
við stefnu Vísinda- og tækniráðs,
sem ráðherra á sjálf sæti í, né sam-
þykkt Sjálfstæðisflokksins frá síð-
asta flokksþingi þar sem kveðið er á
um að besta leiðin til að efla rann-
sókna- og vísindastarf hérlendis sé
með því að veita fé til opinberra sam-
keppnissjóða. Bendir hann á að í
slíkum sjóðum sé horft til gæða
rannsókna, auk þess sem matskerf-
ið, sem byggist á jafningjamati, sé
eitt hið besta á landinu.
Að mati Björns á alveg eftir að
koma í ljós hvaða áhrif hið aukna
fjármagn til HÍ eigi eftir að hafa á
samkeppnisstöðu háskólanna í land-
inu. „Það fer algjörlega eftir því
hvaða aðgerðir fylgja í kjölfarið,“
segir Björn og tekur fram að að sínu
mati þyrfti m.a. að tvöfalda fjárfram-
lag hins opinbera til Rannsóknar-
sjóðs sem er stærsti rannsóknar-
sjóður landsins, þ.e. úr 600
milljónum í 1,2 milljarða á ársgrund-
velli. Bendir hann á að vísindamenn
starfi víðar en í HÍ, þ.e. í öðrum há-
skólum, í fyrirtækjum auk þess að
vera sjálfstætt starfandi s.s. í
Reykjavíkurakademíunni.
Í samtali við Morgunblaðið sagðist
Þórir Sigurðsson, formaður Félags
háskólakennara á Akureyri, sam-
fagna HÍ og tók fram að skólinn væri
vel að aukafjárveitingunni kominn.
Á sama tíma sagðist hann gagnrýna
menntamálaráðherra fyrir að mis-
muna háskólum og tók fram að fjár-
hagsstaða HA væri afar erfið. „Ef
HA á að verða virk rannsóknarstofn-
un þá þarf meira til, rétt eins í HÍ.“
Gæta þarf að sam-
keppnisstöðunni
Dósent við HR vill stórauka fjárfram-
lög hins opinbera í Rannsóknarsjóð
ARON Pálmi Ágústsson, sem af-
plánar nú dóm í Texas fyrir kynferð-
isbrot sem hann framdi sem barn, er
væntanlegur til Ísland í ágúst nk.
Afplánun Arons lýkur 17. ágúst og
viku síðar á hann bókað flug til
landsins.
„Hann er mjög spenntur og ætlar
að hefja nýtt líf hér á landi,“ segir
Einar S. Einarsson, forsvarmaður
RFJ-hópsins, sem hefur haft veg og
vanda af því að styðja við bakið á
Aroni. „Ég held að hann stefni að
áframhaldandi námi en Aron hefur
stundað háskólanám í sálfræði úti í
tæp tvö ár, með áherslu á unglinga-
vandamál.“
Nýtt líf Aron Pálmi mun halda
áfram sálfræðinámi hér á landi.
Ætlar að
hefja nýtt líf