Morgunblaðið - 10.06.2007, Qupperneq 84

84 SUNNUDAGUR 10. JÚNÍ 2007 MORGUNBLAÐIÐ
Rufus McGarrigle Wainw-right fæddist í New Yorkí júní 1973, sonur tónlist-armannanna Loudon Wa-
inwrights III. og Kate McGarrigle.
Hann er hálfur Bandaríkjamaður og
hálfur Kanadamaður, sannkallaður
Amríkani. Foreldrar hans skildu er
hann var barn að aldri og móðir hans
fluttist til Kanada þar sem hann ólst
upp með systur sinni, Mörthu Wa-
inwright, sem einnig er tónlist-
armaður.
Rufus byrjaði snemma að spila á
hljóðfæri; sex ára var hann orðinn
liðtækur píanóleikari og þegar hann
var þrettán ára spilaði hann í hljóm-
sveit með systur sinni, móður og
móðursystur. Ekki var bara að hann
væri prýðilegur hljóðfæraleikari
heldur var hann líka liðtækur laga-
smiður eins og kom berlega í ljós er
hann var tilnefndur til verðlauna
fyrir lag í kvikmynd fjórtán ára
gamall og ári síðar var hann til-
nefndur til kanadísku tónlistarverð-
launanna sem efnilegasti söngvari
ársins.
Um miðjan tíunda áratuginn vann
Rufus sér orð fyrir spilamennsku í
Montreal og tók þá upp prufur af
ýmsum lögum. Faðir hans sendi eina
prufuna til Van Dyke Parks sem
hafði svo samband við útgáfufyr-
irtæki og eitt þeirra, DreamWorks,
bauð útgáfusamning sem Rufus
þáði. Í kjölfarið fluttist hann til New
York og þaðan til Los Angeles þar
sem hann hljóðritaði fyrstu breið-
skífu sína. Sú hélt einfaldlega Rufus
Wainwright, kom út 1998 og fékk
fína dóma, var víða valin ein af bestu
slífum ársins.
Sukk og svínarí
Hann tók sér góðan tíma til að
fylgja plötunni eftir og hófst ekki
handa við nýja plötu fyrr en tveimur
árum síðar. Sú kom svo út 2001 og
heitir Poses. Henni var ekki síður
vel tekið, en seldist miður þrátt fyrir
tónleikaferðir og tilheyrandi. Þar
setti strik í reikninginn að Rufus var
fallinn í talsverða fíkniefnaneyslu á
þeim tíma og missti meðal annars
sjónina um tíma fyrir mikla me-
tamfetamínneyslu. Elton John kom
honum til hjálpar á síðustu stundu
með því að koma honum í meðferð –
eins og Rufus lýsti því í viðtali við
Observer fyrir nokkrum árum var
hann ekki viss hvert hann gæti leit-
að: „Svo hugsaði ég: hommi, laga-
smiður, dópisti og þá vissi ég hvert
ég ætti að leita.“
2002 fór Rufus í hljóðver með
Marius deVries, sem Íslendingar
þekkja helst fyrir samstarf hans við
Björk, og tók upp tónlist á ríflega
plötu, svo ríflega reyndar að úr urðu
tvær skífur. Want One kom út í sept-
ember 2003, þá stuttskífan Waiting
for a Want og loks kom breiðskífan
Want Two út haustið 2004. DVD-
diskur sem heitir All I Want kom
svo út sumarið 2005, en á honum eru
tónleikaupptökur og myndskeið frá
upptökunum á lögunum sem enduðu
á Want Two. Rödd Rufusar heyrðist
víðar það ár, því eftirminnileg er
frammistaða hans á skífu Antonys
and the Johnsons, I am a Bird Now,
þar sem þeir syngja saman á
ógleymanlegan hátt Rufus og Ant-
ony. Þá um haustið voru Want-
skífurnar líka sameinaðar í einn
pakka, sem heitir einfaldlega Want
og tveimur aukalögum skeytt við.
Leiður á Bandaríkjunum
Á tónleikaferðinni í kjölfar Want
Two byrjaði Rufus að semja lög á
nýja plötu og vann þau síðan með
hljómsveit sinni í New York áður en
hann fór til Berlínar í fyrrasumar að
ljúka við plötuna. Eins og hann hef-
ur lýst því átti platan upphaflega að
vera einföld og útsetningar naum-
hyggjulegar, en þegar á reyndi
fannst honum það svo óspennandi og
hann bætti við og bætti svo meira
við og áður en varði var hann kom-
inn með fjórtán manna strengja-
sveit, blásara og fullt af gestum, þar
á meðal Mörthu Wainwright systur
sína, Neil Tennant úr Pet Shop Bo-
ys, Teddy Thompson, Jenni Mul-
daur, Richard Thompson og Joan
Wasser, sem kemur fram undir
nafninu Joan As Policewoman (sjá
frábæra plötu hennar, Real Life,
sem kom út sl. haust) og Marius de
Vries kemur einnig við sögu.
Release the Stars kom út um
miðjan maí og fékk alla jafna fína
dóma. Platan vakti mikla athygli
vestan hafs fyrir annað lag hennar,
Going to a Town, enda syngur Rufus
í því meðal annars um það hve
þreyttur hann sé orðinn á Banda-
ríkjunum. Hann segir svo frá á vef-
setri sínu að lagið hafi orðið til á
fimm mínútum, hann hafi sest við pí-
anóið til að stytta sér stundir rétt
fyrir mat og áður en varði var lagið
tilbúið. Í texta lagsins syngur hann
um það að hann sé á leið til Berlínar,
á leið til borgar sem búið sé að
brenna til kaldra kola og end-
urbyggja, búið að segja skilið við
fortíðina, segja skilið við fordóma
fortíðarinnar, en í Bandaríkjunum
eigi menn enn eftir að stíga inn í nú-
tímann eins og hann spyr í laginu:
„Segðu mér, heldurðu í alvöru að
maður fari til helvítis fyrir að hafa
elskað?“
Rufus og popperurnar
Rufus Wainwright fer eigin leiðir í tónlistinni, hleð-
ur á lögin strengjum og tilheyrandi, skreytir og
fágar sínar popperur – poppóperur. Hann sendi frá
sér nýja skífu fyrir stuttu, Release the Stars.
Hæfileikapiltur Rufus McGarrigle Wainwright dáir strengi og skraut.
TÓNLIST Á SUNNUDEGI
Árni Matthíasson
arnim@mbl.is
Paul Greengrass, leikstjóri United
93, mun á næstunni leikstýra Im-
perial Life in the Emerald City.
Myndin gerist á hinu svokallaða
græna svæði í Bagdad þar sem
vestræn áhrif eru hvað mest. Matt
Damon leikur aðalhlutverkið, en
Greengrass hefur áður leikstýrt
honum í annarri og þriðju mynd-
inni um njósnarann minnislausa
Jason Bourne, en sú þriðja er vænt-
anleg í sumar.
Myndin er byggð á samnefndri
bók Rajiv Chandrasekaran sem er
nýútkomin. Hún er byggð á sönnum
atburðum en persóna Damons verð-
ur samsett úr nokkrum helstu per-
sónum bókarinnar.
Reuters
Í Írak Leikarinn Matt Damon.
Leikstjóri
United 93
fer til Íraks
SÖNGLEIKURINN ÁST
Í samstarfi við Vesturport
Fös 15/6 kl. 20
BELGÍSKA KONGÓ
Í kvöld kl. 20 UPPS. Þri 12/6 kl. 20
Mið 13/6 kl. 20 UPPS. Fim 14/6 kl. 20 UPPS.
„ÞAÐ ELSKA ALLAR KONUR HEIMSFRÆGA MENN“
GRETTIR
LADDI 6-TUGUR
Mið 20/6 kl. 20 UPPS.
Fim 21/6 kl. 20 UPPS.
Fös 22/6 kl. 20
Lau 23/6 kl. 20
Sun 24/6 kl. 20
Miðasala 568 8000
www.borgarleikhús.is
grettir.blog. is
Alþjóðlegt
orgelsumar í
Hallgrímskirkju
10. júní kl. 20:00
Bo Grønbech leikur m.a. verk
eftir Clérambault, Langlais,
Franck og Buxtehude
SÝNINGAR Á
SÖGULOFTI
MÝRAMAÐURINN
- höf. og leikari Gísli Einarsson
14/6 kl. 20 síðasta sýning
MR. SKALLAGRIMSSON
- höf. og leikari Benedikt Erlingsson
15/6 kl 18, 20/6 kl 20 uppselt,
29/6 kl 20, 1/7 kl 20, 5/7 kl 20,
13/7 kl. 20, 14/7 kl. 20,11/8 kl. 20,
12/8 kl. 20, 18/8 kl. 20, 19/8 kl. 20,
30/8 kl. 20, 31/8 kl. 20
SVONA ERU MENN (KK og Einar)
Aukasýning 16. júní kl. 20
Leikhústilboð í mat:
Súpa, fiskréttur og kaffi kr. 2600
Súpa, kjötréttur og kaffi kr. 3200
Miða- og borðapantanir í síma 437 1600
Nánari upplýsinar www.landnamssetur.is
Miðasala í síma 4 600 200 / www.leikfelag.is
Þökkum samfylgdina á
frábærum leikhúsvetri!
Nýtt fjölbreytt og skemmtilegt
leikár verður kynnt í ágúst.
Áskriftarkortasala hefst þá. Vertu með!
Fyrsti konsert er frír
SÍMI 545 2500 ::: WWW.SINFONIA.IS
í boði FL Group og Sinfóníuhljómsveitarinnar
FIMMTUDAGINN 12. JÚNÍ KL.19.30 – ÖRFÁ SÆTI LAUS
Hljómsveitarstjóri ::: Bernharður Wilkinson
Einsöngur ::: Eivør Pálsdóttir og Herdís Elín Lárusdóttir (Dísella)
tónleikar í háskólabíói
Klassísk íslensk dægurlög
Manstugamladaga
Í fyrra seldist upp á svipstundu á tvenna tónleika.
Nú er enn hægt að tryggja sér gott sæti.
FÖSTUDAGINN 29. JÚNÍ KL.19.30
stórtónleikar í laugardalshöll
Roger Waters (Pink Floyd) ::: The Wall
Eitt mesta stórvirki rokksögunnar í flutningi
Sinfóníuhljómsveitarinnar og Dúndurfrétta.