Morgunblaðið - 15.12.2007, Qupperneq 23

Fréttir í tölvupósti
MORGUNBLAÐIÐ LAUGARDAGUR 15. DESEMBER 2007 23
ÉG hef nú í haust lesið þrjár
bækur sem fjalla um grimmdina
sem hremmir börn ef fullorðnir sofa
á verðinum. Ég las um herdrenginn
Ishmael Beah í Síerra Leóne, um
Breiðavíkurdrenginn Pál Rúnar og
nú um barnið Aron Pálma í fangelsi
í Texas. Bækurnar varpa ljósi á
skuggahliðar mannlegrar tilveru en
þær eru allar skrifaðar af brennandi
þrá um betri heim.
Aron Pálmi Ágústsson var dæmd-
ur til tíu ára vistar í barna- og ung-
lingafangelsum í Texas í Bandaríkj-
unum. Enginn má sjá mig gráta er
frásögn af fangelsisvist færð í letur
af honum og Jóni Trausta Reyn-
issyni. Frásögnin er hröð og bein-
skeytt og er hún rakin frá dómi til
frelsunar og spannar líf í klefa, ein-
angrun, ríkisheimili og stofufang-
elsi. Þungamiðjan er vist Arons á
Giddings sem er fangelsi og skóli.
Barn í fangelsi þarf að glíma við
óhagstæðar aðstæður og vera á
varðbergi hvern einasta dag og
næstum hverja nótt. Ógn stafar
bæði af meðföngum og starfs-
mönnum í fangelsinu. Vandasamt er
þó að setja sig í spor Arons Pálma
því hann er tekinn 14 ára í tíu ár frá
elskandi fjölskyldu fyrir afbrot sem
hægt hefði verið að bæta fyrir með
stuttri meðferð í heimahúsi.
Bókin Enginn má sjá mig gráta
opnar augu lesenda um hversu
brýnt er að gæta hagsmuna barna
um allan heim. Lífsbarátta Arons í
fangelsinu vekur undrun lesanda og
aðdáun á þrautseigju hans. Hann
nýtur engrar miskunnar og kaldrifj-
aðar tilraunir eru gerðar til að flytja
hann í fullorðinsfangelsi þar sem líf
hans yrði óbærilegt.
Börn eru hagsmunahópur sem
stendur víða um lönd höllum fæti og
almennum borgurum ber skylda til
að kynna sér aðstæður þeirra og
leggja sitt af mörkum til að koma
þeim til bjargar. Í bókinni er sagt
frá tilraunum nokkurra Íslendinga
og íslenskra yfirvalda til að hjálpa
honum en þau mættu iðulega and-
stöðu ríkisvaldsins í Texas. Aron
Pálmi lýsir reiði sinni í bókinni en
segir: „Ég læt þessar tilfinningar
frekar knýja mig áfram til að berj-
ast gegn því að aðrir þurfi að ganga
í gegnum það sama og ég.“ (221)
Bókin er skrifuð gegn grimmd-
inni og heimskunni. Hún er lóð á
vogarskál réttlætis börnum til
handa.
Lóð á vog réttlætis
Gunnar Hersveinn
BÆKUR
Endurminningar
Eftir Jón Trausta Reynisson
og Aron Pálma Ágústsson.
Mál og menning 2007. 230 bls.
Enginn má sjá mig gráta
Aron Pálmi
Ágústsson
Jón Trausti
Reynisson
JÓLATÓNLISTARHÁTÍÐ Hall-
grímskirkju efndi til fimmtu og síð-
ustu tónleika sinna þetta ár (teljist
þeir sjöttu á gamlársdag ekki með) á
sunnudag við fjölmenni undir yf-
irskriftinni Bach og jólin. Schola
cantorum, líklega bezti blandaði
kammerkór landsins, var í forgrunni
á altarispalli, en að þessu sinni innan
við hálfskipaður eða 9 manns (3–2–
2–2).
Voru það á sinn hátt vonbrigði, því
að í umræddum kóralútsetningum
sálmalaga tengdra jólunum, flestum
eftir J.S. Bach úr kantötum hans, á
maður frekar að venjast fullum kór-
hljóm sem lokapunkti á þessum
makalausu meistaraverkum, er snill-
ingur snillinganna framleiddi flest á
færibandi fyrstu fimm starfsárin í
Tómasarkantorsembætti sínu 1723–
28. Þ.e.a.s. að seinni tíma venju, því
sjálfur átti Sebastian að vísu sjaldan
völ á öllu stærri kór – þótt hamraði
stöðugt á nauðsyn þess við hið „hátt-
virta og djúpvitra“ borgarráð Leip-
zigs.
Í bætiflákann bar ennfremur
dómsdagsheyrð Hallgrímskirkju,
sem ljáði fámenninu ótrúlega mikla
hljómfyllingu. Reyndar er með ólík-
indum hvað þessar fjórradda sálma-
lagsperlur njóta sín vel bara í söng-
kvartett, enda hef ég reynt það
sjálfur í góðum hópi. Það er hins
vegar meira smekksatriði hvort sér-
styrkja þurfi sópraninn eins og gert
var (3 á móti 2 í hverri hinna radd-
anna), því laglínan hefði hvort eð var
skorið sig ljómandi úr í jafnri radd-
skiptingu. En með slíku einvalaliði í
sópran (tvær dömur gengu hér aftur
úr tónleikum Graduale nobile kvöld-
ið áður í Langholtskirkju) gat það
sjálfsagt verið freistandi.
Annars er ekki fleira í mó að
malda, nema ef vera skyldi að frum-
tónskálda sálmalaga var að litlu get-
ið í tónleikaskrá, í viðbúnu samræmi
við ofurgildi bókmennta á þessu
landi. Mestu skipti að Schola cantor-
um, þó í vasaútgáfu væri, skilaði
sönggullunum af heiðtærri snilld. Á
undan hverju kom orgelforleikur
sama lags úr öruggum höndum
Björns Steinars Sólbergssonar;
bráðsnjöll tilhögun sem dýpkaði
samhengið. Hann átti í lokin heið-
urinn af lipurt leikinni Prelúdíu og
fúgu Bachs í G BWV 551, og mátti
engu muna að maður stormaði fram
í turnenda til að ná öllu því sem
hlaut að brenglast á 50 metra leið
gegnum gímaldið.
Valinmennur vasakór
Ríkarður Ö. Pálsson
TÓNLIST
Hallgrímskirkja
Jólatónlist eftir Bach. Björn Steinar Sól-
bergsson orgel og Schola cantorum.
Stjórnandi: Hörður Áskelsson. Sunnudag-
inn 9. desember kl. 17.
Jólatónleikar bbbbm
KVIKMYNDASAFN Íslands sýnir
myndina A King in New York eftir
meistara Charlie Chaplin í dag kl. 16 í
Bæjarbíói í Hafn-
arfirði. Myndin er
frá árinu 1957 og
er síðasta eigin-
lega Chaplin-
myndin þar sem
hann bæði leik-
stýrir og fer með
aðalhlutverk – tíu
árum síðar kom
hans síðasta bíó-
mynd sem leik-
stjóra en í henni lék hann aðeins smá-
hlutverk sjálfur.
Myndin fjallar um Shahdov kon-
ung sem kemur sem allslaus maður
til New York, eftir að uppreisn brýst
út í ríki hans. Í New York dregst
hann svo inn í kommúnistaveiðar
McCarthy-áranna.
Miðaverð er 500 krónur og er þetta
síðasta sýning safnsins fyrir áramót.
Chaplin í bíó
Charlie Chaplin
Waring blandarinn er hin
upprunalega mulningsvél frá
Ameríku. Tveggja hraða
mótorinn er kannski öflugri en
eldhúsið þarf, en hann fer líka
létt með erfiðustu verk. Bara
massíft stál og gler! Auðveldur í
þrifum, bara að setja könnuna í
uppþvottavélina.
Verð frá kr. 19.900,-
Skólavörðustíg 10
  


 
 ...flott sólgleraugu. Gjöf sem gleður!
2008 collection
Líttu við á jólasýningu á vinnustofu Péturs Gauts
í dag milli kl. 16 og 19.
Ný málverk á veggjum og að venju mun jazzdívan
Kristjana Stefánsdóttir, ásamt Agnari Má Magnússyni
og Gunnari Hrafnssyni, koma okkur í jólaswingið.
Sýningin er opin milli kl. 16 og 18 fram að jólum eða ef óskað er eftir í síma 551 2380.
Jólakveðja
Pétur Gautur
á horni Njálsgötu og Snorrabrautar.
Jólaboð