Morgunblaðið - 15.12.2007, Qupperneq 51

MORGUNBLAÐIÐ LAUGARDAGUR 15. DESEMBER 2007 51
12 ára á hverju ári, þar átti ég
mjög góða daga hjá Páli og Pál-
fríði Blöndal úrvals fólki sem var
mér mjög gott og á ég þessu fólki
mikið að þakka.
Sigríður dóttir Páls og Pálfríar
kom eitt sumarið með kærasta í
Stafholtsey úr Keflavík Sigurð
Sigfússon, þetta var hörku strákur
gekk í öll verk með ákafa og
krafti.
Fljótlega fóru Páll og Siggi að
vinna bústörfin saman. Mjög gam-
an var að vinna með Sigga, hann
setti mikinn kraft í bústörfin sem
voru unninn með mannshönd og
hestafli. Siggi kom því fljótlega til
leiðar að keyptur var jeppi á bæ-
inn, notaður í sláttinn, Borgarnes-
ferðir og allt sem hægt var.
Páll og Siggi deildu oft um póli-
tík, Páll í Framsókn og Siggi
lengra til vinstri, eyrun á mér
hlustaði en ég komst ekki lengra
en í Framsókn viku áður en suður
var farið á haustin.
Í Stafholtsey upplifði ég á þess-
um árum að umgangast skepnur,
skilja bústörf, veiða silung, vitja
um tvö net í Hvítá á hestvagni til
að koma öllum fiskum heim, teyma
belju undir tuddan á Hvítárbakka,
fara með mjólkina á hestvagni út á
vegamót, tálga hófa á hestum fyrir
járningu, heiti og hljóð mófugla-
,stinga út tað og hrauka,veiða
rjóma ofan af mjólkurbrúsa, gróð-
ursetja trjáplöntur, hvaða bær átti
stutt langt stutt, borða alla fugla
sem komu á matarborðið.
Ég fékk að fara tvisvar með
Sigga og Siggu í sunnudags berja-
ferðir á jeppanum í frábæru veðri
inn í Flókadal sem mér er mjög
minnistætt vegna þess hve kært
var með þeim sem ég hef séð að
hélst alla tíð.
Sigga var í Húsmæðraskóla og
kunni að búa til ýmislegt sem ég
hafði aldrei smakkað. Mér er
minnistæður eftirréttur á sunnu-
dögum, salat með lítið þeittum
rjóma.
Á veturna fór Siggi á vertíð sem
hann sagði okkur krökkunum í
Stafholtsey mikið frá á sumrin.
Fljótlega eignuðust Siggi og
Sigga börnin og breitist vinnan í
sveitinni að hluta í barnapössun,
sem var ekki eins skemmtileg og
bústörfin.
Stafholtsey er miðpúntur Ís-
lands utan Reykjavíkur í mínum
huga, fjöllin, síkin, áin, móar, mel-
ar, engi, tún, faxið, brunnur,
skepnur og veiðar.
Á síðasta vetri í hálku rákumst
við Siggi framan á hvorn annan í
fylgstu merkingu á veginum niður
að Stafholtsey og áttum stutt
ánægjulegt samtal saman, mig
grunaði ekki að ég ætti ekki eftir
að hitta hann aftur en samtalið var
mjög ánægjulegt.
Megi guð vera með ykkur öllum
í Stafholtsey á komandi árum.
Jón Magngeirsson.
Góður félagi er fallinn frá.
Siggi í Ey eins og hann var kall-
aður var raddfélagi okkar í nokkur
ár í Söngbræðrum og varð góður
vinur utan þess. Sem kórfélagi var
Siggi einstakur, mætti á allar æf-
ingar, var ævinlega til í að taka
þátt í öllu sem um var að vera og
bauð sig gjarnan fyrstur fram ef
eitthvað átti að gera eða fara. Það
var sama hvort var á ferðalagi inn-
anlands eða erlendis með kórnum,
Siggi stóð alltaf vaktina, stundum
fram undir morgun. Þó heilsan
væri farin að bila síðustu ár dró
ekki úr áhuganum og gleðinni sem
fylgdi kórstarfinu, hann tók virkan
þátt í öllu fram á síðasta vor og
mætti líklega manna best á æfing-
ar.
Fyrir utan kórinn var gott að
eiga Sigga sem vin, hann var af-
skaplega gestrisinn og hafði gam-
an af gestakomum. Siggi hafði
gaman af að spjalla um heima og
geima, var vel heima um menn og
málefni í sínu héraði og víðar um
landið, átti marga vini sem hann
ræktaði. Eftir heimsóknir í Staf-
holtsey leið manni ævinlega vel og
fór glaður úr hlaði.
Siggi var skemmtilega glettinn
og gamansamur. Maður sá á hon-
um glettnina í augunum þegar
hann var með spaug eða stríðni og
oft kom þá eitthvert gullkornið
sem kom öllum í gott skap.
Borgarfjörður og Dalirnir voru
honum einkar kærir. ,,Fæddur
Dalamaður en Borgfirðingur“,
kynnti hann sig við okkur. Enda
fylgdist hann af lífi og sál með öllu
kviku í þessum héruðum. Siggi bjó
góðu og snyrtilegu búi í Stafholts-
ey með Sigríði konu sinni en var
sestur í helgan stein fyrir nokkr-
um árum. Hann skilaði góðu búi í
hendur sona sinna.
Við kveðjum góðan vin og send-
um Sigríði og fjölskyldu okkar
innilegustu samúðarkveðjur.
Daníel Hansen og
Sigurgeir Þórðarson.
Mínir vinir fara fjöld
feigðin þessa heimtar köld
ég kem eftir, kannski í kvöld,
með klofinn hjálm og rifinn skjöld
brynju slitna, sundrað sverð og syndagjöld.
Vísa þessi eftir Bólu Hjálmar
kom í huga minn þegar það fréttist
á miðvikudaginn 5. desember að
Sigurður í Stafholtsey hefði látist
eftir hádegi þann sama dag. Er ég
kom að sjúkrabeði hans fáum dög-
um fyrr, var ljóst að þessi vinur
minn til margra ára ætti ekki aft-
urkvæmt af sjúkrahúsinu. Margt
er að minnast eftir áratuga sam-
ferð. Vinátta okkar hófst þegar við
unnum saman í sjö haust við slát-
urhús KB á Hurðarbaki. Þetta var
frábær vinnustaður, unnið mikið
en þarna mynduðust vináttubönd á
milli manna, sem aldrei hafa brost-
ið, þótt nú séu rétt 40 ár síðan
húsinu var lokað. Þarna vannst þú
fullan vinnudag en þurftir að sinna
bústörfum heima kvölds og
morgna. Það var nefnilega eitt
sem þú kunnir aldrei, kæri vinur,
það var að hlífa sjálfum þér.
Við áttum samleið víðar en á
Hurðarbaki því þú komst með í
björgunarsveitarstöf hjá Björgun-
arsveitinni Oki frá byrjun. Þar
voru verk þín ósvikin, hvort sem
mokuð var aska af húsþökum í
Vestmannaeyjum eða leitað á fjöll-
um að týndum mönnum. Ekki
fórstu í felur með stjórnmálaskoð-
anir þínar, og ég ekki mínar og
gátum við því aldrei verið í sama
stjórnmálaflokki. Við leystum það
báðir á farsælan máta með því að
ganga í Félag eldri borgara í
Borgarfjarðardölum. Á vegum
þess félagsskapar höfum við
ferðast saman ásamt frábærum
ferðafélögum um allt land síðustu
árin. Síðasta ferðin var farin um
Húnavatnssýslu í ágúst síðastliðn-
um. Þín er nú sárt saknað í þeim
félagsskap. Ævistarf þitt var þó
fyrst og síðast í Stafholtsey. Þar
voruð þið hjón samhent í að hýsa
jörðina, rækta og stækka búið.
Koma því í hendur sonanna Jóns
Páls og Sigfúsar en reistuð ykkur
lítið og vandað íbúðarhús sem átti
að vera heimili ykkar næstu árin.
Örlögin hafa nú gripið þar inn í
svo þú færð ekki að njóta „elli-
heimilisins“ með Sigríði þinni. Um
leið og ég þakka þér samfylgdina,
hjálpsemina og tryggðina ætla ég
að kveðja þig með síðasta erindinu
úr ljóði Guðmundar á Kirkjubóli.
Það heitir Með luktum augum og
var höfundurinn eitt af þínum
uppáhaldsskáldum.
Ó, sól, stattu kyrr við hamranna hlið
lát húmið í fjarlægð bíða;
leyf nótt ei að birgja hið bjarta svið,
veit birtunnar gyðjum heilagt lið,
lát stundirnar undrandi staldra við
í straumhverfing líðandi tíða.
Davíð Pétursson.
Siggi frændi er allur. Eftir erfið
veikindi, sem hrjáðu hann á síð-
ustu árum, varð hann að láta und-
an, því miður. Okkur hjónin langar
að minnast hans með nokkrum
orðum. Þær voru margar stund-
irnar sem ég átti hjá ykkur hjón-
um að Stafholtsey þegar ég var lít-
il stelpa og alltaf leið mér vel og
hlakkaði mikið til þegar lagt var
að stað upp í Stafholtsey. Það var
alltaf tekið svo vel á móti okkur,
það var eins og að koma á flott
hótel, slíkar voru veitingarnar og
móttökurnar hjá ykkur hjónum.
Þú varst svo duglegur að sýna
okkur öll dýrin og leyfðir okkur að
taka þátt í sveitastörfunum. Og
ekki tókuð þið verr á móti mér og
mínum manni þegar ég kom og
kynnti hann fyrir þér og Siggu og
ykkar börnum. Þá var hann bara
tekinn og gerður að einum af okk-
ur. Kalla hefur alltaf liðið vel uppi
í Stafholtsey. Alltaf þegar við
komum í heimsókn var mikið
spjallað og áttum við alltaf góðar
stundir og minningar úr sveitinni
og kveðjurnar voru alltaf þær
sömu: komið þið fljótt aftur.
Siggi frændi var sterkur maður
og leysti öll vandamál með æðru-
leysi og yfirvegun, það var ekkert
stress í sveitinni hjá ykkur. Þegar
ég kom að orði við ykkur hjónin
um að fá að setja niður hjólhýsi á
landið ykkar var ekki verið að
setja okkur bara einhvers staðar,
nei, við fengum fallegan stað í
skógi sem var ykkur kær, og
kunnum við þér ástarþakkir fyrir.
Erum við búin að vera hálfgerðir
heimalningar hjá ykkur í tvö ynd-
isleg ár og verðum áfram. Alltaf
þótti okkur gaman að fá ykkur
hjónin í kaffibolla til okkar að
spjalla um daginn og veginn. Oft
var gaman að hlusta á ykkur Kalla
ræða um pólitík, en þið voruð á
öndverðum meiði en alltaf gátum
við hlegið að athugasemdum þín-
um og þú varst ávallt með svör á
reiðum höndum. Ekki var langt í
húmorinn hjá þér og kunnir þú
margar sögur af sveitungum þín-
um og vitnaðir oft í þá. Þá voru
ættjarðarljóð þér mjög hugleikin
og fórst þú oft með ljóð þegar þú
talaðir um ýmsa staði á landinu
sem þú þekktir mjög vel. Maður
kom ekki að tómum kofunum hjá
þér þegar maður vissi ekki um
höfund á ljóði eða lagi, þú vissir
svarið, enda vel lesinn maður.
Það verður mikill söknuður hjá
okkur að geta ekki átt von á þér í
kaffi til okkar og segja okkur frá
gangi mála í sveitinni. Karitas á
eftir að sakna þín, vinur. Það eru
engin ósannindi að fjallahringur-
inn í sveitinni þinni er dásamlegur,
ég hafði bara ekki tekið eftir hon-
um fyrr en þú fórst að benda mér
á hann. Ég og mín fjölskylda mun-
um ávallt minnast þín með gleði í
hjarta og þakklæti fyrir það sem
við höfum fengið af þinni visku og
kærleika.
Elsku Sigga mín, Sigfús, Palli,
Hanna, Fríða og fjölskyldur ykk-
ar, við samhryggjumst ykkur á
þessum erfiðu tímum. Við biðjum
góðan guð að geyma Sigga, nú er
hann laus við allar þjáningar og
kominn til æðri heima þar sem
fjöldinn allur tekur á móti honum.
Kunnum við honum bestu þakkir
fyrir allt sem hann var og gerði.
Guð varðveiti ykkur og gefi ykkur
styrk. Sóley og Guðný biðja að
heilsa.
María og Karl.
Minningarkort
535 1825
www.hjarta.is 5351800
Alvöru blómabúð
Allar skreytingar unnar af fagfólki
Kransar • Krossar • Kistuskreytingar
Sími: 553 1099 • Fax: 568 4499
Heimasíða: www.blomabud.is
Netfang: blomabud@blomabud.is
✝
Elskulegur eiginmaður minn, faðir okkar, tengda-
faðir, afi og langafi,
VILHJÁLMUR GUÐMUNDSSON,
frá Önundarholti,
síðast til heimilis
að Reyrhaga 9,
Selfossi,
lést mánudaginn 10. desember.
Úförin fer fram frá Villingaholtskirkju mánudaginn
17. desember kl. 15.00.
Blanca Ingimundardóttir,
börn, tengdabörn, barnabörn og
barnabarnabarn.
✝
Ástkær móðir okkar og tengdamóðir,
STEFANÍA STEFÁNSDÓTTIR,
áður til heimilis að
Nýbýlavegi 86,
Kópavogi,
er lést á Hjúkrunarheimilinu Sunnuhlíð að morgni
laugardagsins 8. desember, verður jarðsungin frá
Digraneskirkju mánudaginn 17. desember kl.13.00.
Dóra Skúladóttir, Þorvarður Brynjólfsson,
Bergþóra Skúladóttir, Sigurður Guðmundsson,
Magnús Skúlason, Ingunn Jónsdóttir,
Jóhanna Skúladóttir, Sigurður Pálsson,
Sigríður Þyrí Skúladóttir, Úlfar Hróarsson,
Árný Skúladóttir.
✝
Elskuleg eiginkona mín, móðir, tengdamóðir, amma
og langamma,
SVANA RAGNARSDÓTTIR,
Suðurbraut 20,
Hafnarfirði,
lést á gjörgæsludeild Landspítalans fimmtudaginn
13. desember.
Útförin fer fram frá Víðistaðakirkju miðvikudaginn
19. desember kl. 15.00.
Jón Skúli Þórisson,
Ragnar Gunnar Þórhallsson, Kolbrún Dögg Kristjánsdóttir,
Jóhanna Þórey Jónsdóttir,
Ragnheiður Helga Jónsdóttir,
Berglind Jónsdóttir, Rikharð Sigurðsson,
banabörn og langömmubarn.
✝
Elskulegur sonur okkar, fóstursonur og bróðir,
HÖGNI KRISTINSSON,
Jörundarholti 33,
Akranesi,
lést á krabbameinsdeild LSH fimmtudaginn
13. desember.
Eva Björk Karlsdóttir, Alfreð Örn Lilliendahl,
Sindri Snær Alfreðsson,
Aron Máni Alfreðsson.
Kristinn Richter, Sigríður María Gísladóttir,
Tinna Richter,
Ari Richter.
✝
Elskulegur faðir okkar, tengdafaðir, afi og langafi,
KRISTINN ENOK GUÐMUNDSSON,
Dengsi,
fyrrv. starfsm. Rafmagnsveitu Reykjavíkur,
hjúkrunarheimilinu Skógarbæ,
áður Lindagötu 57,
Reykjavík,
lést fimmtudaginn 13. desember.
Útförin verður auglýst síðar.
Guðmundur Hanning Kristinsson, Eyrún Þorsteinsdóttir,
Magnús Birgir Kristinsson, Jónfríður Loftsdóttir,
Sigrún Ásta Kristinsdóttir, Ragnar Wiencke,
Sigurður Kristinsson, Anna Jónsdóttir,
Ingólfur Kristinsson, Jóhanna Ellen Valgeirsdóttir,
Anna Guðrún Kristinsdóttir, Jóhann Snorri Jóhannesson
barnabörn og barnabarnabörn.