Samvinnan - 01.03.1928, Side 26

20
SAMVINNAN
bílarnir séu eingöngu samkepnisfærir við járnbrautirnar
vegna þess, að ríkið leggi þeim til vegi endurgjaldslaust,
en járnbrautafélögin verði sjálf að bera kostnað allan við
iagning og viðhald brautanna. Þetta er samt ekki svo í
Vesturheimi. Þar eru ,‘greiddir háir skattar af bílunum,
sem eingöngu er varið til vegagerðar. Og i sumum ríkjum
er lagning og viðhald þjóðveganna eingöngu fram-
kvæmt með fþví fé, sem fæst með allskonar bílssköttum.
Standa þá bílarnir engu betur að vígi um þetta en járn-
brautirnar.
Framantaldar athuganir um verkaskiftingu bíla og
járnbrauta styðjast aðeins við reynslu Bandaríkjanna. í
Canada eru vegir miklu verri, og er þó margt svipað að
segja um reynsluna þar. í Englandi og Frakklandi fjölg-
ar bílunum óðum.
A Islandi er svo að sjá sem margir hafi litla trú á
framtíð bílanna. Annars gætu menn naumast hugsað sér
að leggja járnbraut í þessu strjálbygða fjallalandi, sem ein-
mitt ætti að veita bílunum mikil tilveruskilyrði fram yflr
járnbrautir. Sumir hafa haldið því fram, að hin mikla
fannfergi á Islandi muni stöðva umferðina og óhugsandi
sé að halda bílvegum opnum á veturna, en járnbraut hafi
mikla yfirburði í því efni. Sannleikurinn er sá, að fann-
kyngi getur fullkomlega lokað vegi fyrir járnbrautarvögn-
um. Þó verður því ekki neitað að auðveldara er að halda
opinni járnbraut en bílvegi.
En fleiri þjóðir en íslendingar þurfa að berjast við
snjóinn. Bæði Norðmönnunr og Bandaríkjamönnum hefir
hepnast að halda vegunum opnum og það í héruðum, þar
sem meiri er snjór en sunnan á íslandi. Þetta er gert
með snjóskýlum og plógum. Er vart hugsanlegt annað en
að þetta hlyti að takast á Hellisheiðarveginum. Slík
ástæða getur því naumast hindrað notkun bílanna á þess-
um stöðvum.
Það sem sérstaklega mælir á móti járnbrautarlagn-
ingu austur að ölfusá, er það hve brautin yrði stutt og