Andvari - 01.06.1966, Blaðsíða 9

ANDVARI
ÓLAFUR THORS
7
þau fluttu í einbýlishús við Garðastræti 41, sem Ólafur lét reisa, og var þar síðan
heimili þeirra til dauðadags. Á sumrum dvöldu þau hjón á fyrri árum oftast
nokkurn tíma í sumarhúsum vestur við Haffjarðará, en á síðari árum í bústað,
sem Ólafur lét byggja við Þingvallavatn. Frú Ingibjörg er kona gáfuð og góð-
viljuð, vel að sér og kyrrlát. Veitti hún Ólafi skjól og styrk á stormasamri ævi.
Þau Ingibjörg og Ólafur eignuðust fimm böm. Elzta bamið, Thor, dó 1921,
einungis á fimmta ári, og varð foreldrum sínum mjög harmdauði. Hin em á
lífi: Frú Marta, kona Péturs Benediktssonar bankastjóra, Thor framkvæmda-
stjóri, sem kvæntur er Stefaníu dóttur Bjama bíóstjóra Jónssonar, frú Ingibjörg
kona Þorsteins Gíslasonar framkvæmdastjóra og frú Margrét Þorbjörg kona
Þorsteins Jónssonar flugmanns. Lét Ólafur sér mjög annt um hag þeirra allra
og undi ætíð vel samvistum við fjölskyldu sína.
Seint á fyrsta tug aldarinnar gekk Thor Jensen ásamt nokkrum erlendum
fjáraflamönnum og Pétri Thorsteinssyni, kaupmanni og útgerðarmanni á Bíldu-
dal, í mikið félag, sem átti að stunda hér verzlun og útgerð. Hlaut það rnanna á
meðal nafnið Milljónafélagið og hafði mikið um sig í fyrstu, en lenti skjótt í
fjárþrotum. Hafði Thor af því bæði tjón og raun, enda komust á loft ýmsar kvik-
sögur um þau samskipti öll. Danir settu stranga endurskoðun á rekstur og upp-
gjör. AÖalmaður hennar var H. J. Hendriksen, sem löngu síðar varð verzlunar-
málaráðherra í Danmörku, foringi íhaldsflokksins þar og mikils metinn fjármála-
maður. Hann kynnti sér gjörla allt reikningshald og kvað upp þann úrskurð, að
allt væri hreint af hálfu Thors Jensens. Ólafur var á viðkvæmum aldri, er
þetta gjörðist, fylgdist að sjálfsögðu með öllu og tók sér nærri söguburð um
föður sinn. Sérstaklega sámaði honum, að hann taldi sig hafa fyrir því öruggar
heimildir, að þegar fyrsti aðalfundur Eimskipafélags íslands var haldinn, hefði
því veriÖ dreift, að faðir hans, sem þá var í viðskiptaerindum erlendis, væri
„stunginn af“ þ. e. hefði flúiÖ land. Svo mikiÖ er víst, að Thor var þá ekki kos-
inn í stjórn og varð því ekki formaÖur félagsins, þó að hann hefði veriÖ for-
maður bráÖabirgðastjórnar. Eftir skýrslu Flendriksens til hinna dönsku hluthafa
bar Ólafur hlýhug til hans, og hélzt vinátta með þeim alla ævi síðan.
Elzti bróðir Ólafs, Richard, hafði verið við verzlunarnám erlendis og réðst
þegar heim kom til starfa hjá Milljónafélaginu. Hann varð skjótt hægri hönd
föður síns. Báðir undu þeir feÖgar illa vistinni hjá Milljónafélaginu, og varð það
að ráði, að hinn 22. rnarz 1912 var h.f. Kveldúlfur stofnaður, til kaupa á brezkum
togara, sem hlaut nafniÖ Skallagrímur. Stofnendur félagsins voru þau hjón Thor
og frú Margrét, ásamt fjórum elztu sonum þeirra: Richard, Kjartani, Ólafi og
Hauki. Richard var framkvæmdastjóri og formaður stjómarinnar, en Kjartan og
Ólafur í stjóra með honum. Þegar þetta gerðist var Thor enn framkvæmdastjóri