Menntamál - 01.03.1955, Page 37
MENNTAMÁL
29
Afturvirk námstöf.
Línurit þetta sýnir afköst við að strika í bókstafi eftir ákveðnum regl-
um. Skipt er um stafi frá I til II. Mismunur á afköstum stafar af aftur-
virku töfinni. Linuritið er gert á verklegri æfingu í Kennaraskólanum.
við að prófa minnið og ýmiss konar efni, og kom jafnan
í einn stað niður.
Eyðandi áhrif þess, er síðar er numið, (aukaraðar), á
það, sem fyrr var numið, (aðalröð), kallast afturvirk náms-
töf. Þessara áhrifa gætir, þótt síðara námsefnið eða verk-
ið sé óskylt hinu fyrra. Afturvirka töfin verður því minni
sem lengra líður milli þess að horfið er frá ákveðnu námi
og annað er hafið. Ef sá tími er fimmtán mínútur, gætir
hennar ekki. Einnig getur hliðstæð töf komið fyrir, ef
aukaverkið er unnið t. d. rétt áður en aðalefni skal skilað,
er slíkt kallað framvirk námstöf.
Ef stuðla skal að því, að námsefni festist vel í minni,
er skynsamlegt að gera nokkurt hlé og slaka á sér, eftir að
það hefur verið numið, sérstaklega á þetta við erfiða, en
mikilvæga kafla. Þetta sannar og ljóslega, hversu nauð-
synlegt er að hafa kennslustundir hóflega langar og frí-