Menntamál - 01.08.1962, Blaðsíða 13

MENNTAMÁL
103
góðar, aðrar lélegar, réttlátar og ranglátar, standa þau
venjulega í stað eða lækka í einkunn eitt til tvö ár. Það
er því ekkert óeðlilegt við það, þótt sumir foreldrar séu
óánægðir með skólann og kennarann.
Ég tel það vera eitt þýðingarmesta atriðið að fella þessi
inntökupróf alveg niður og slá um leið niður þá hugsun
foreldra hé í bæ, að börn þeirra þurfi að kunna að lesa
áður en þau koma í skólann, svo að þau komist í góða
bekki. Auk þess vil ég benda stjórn stéttarfélagsins á, að
eftir því sem ég hef heyrt, eru starfandi við þessa tíma-
kennslu kennarar, sem ekki hafa réttindi til þess. Væri
ekki óeðlilegt, að stjórnin leitaði sér upplýsinga um málið
og mótmælti kröftuglega, ef þetta reyndist á rökum reist.
Þá nefndi ég, að 7 ára börn væru prófuð í september í
nokkrum skólum og síðan raðað eitthvað að nýju. Ég vil
leyfa mér að fullyrða að hér séu skólarnir í mörgum
tilfellum að sýna börnunum fullan fjandskap. Börnin hafa
þá fyrst lagað sig að skólanum, kennara, nýjum félögum,
og siðum. Barnið, sem er flutt, fær nýjan kennara, nýja
félaga og verður að laga sig að nýjum siðum og reglum.
Barnið verður að byrja að nýju og oft verður þessi mán-
uður ekki aðeins ónýtur, heldur hefur margt barnið hlotið
af þessu sár, sem lengi er að gróa.
En með hvers konar prófum eru svo börnin prófuð? Jú,
það þekkja allir kennarar. Það eru svokölluð raddlestrar-
próf, en e. t. v. mætti að skaðlausu breyta því nafni í
hraðlestrarpróf. Við byrjum þannig á því að leggja fyrir
börnin próf í því, hve hratt þau geta lesið, yfir hve mikið
efni barnið getur komizt á einni mínútu. Þetta prófar
að vísu einn þátt lestrarins, lestrarhraðann sæmilega,
en þó aðeins á vissu stigi, og þýðing þeirra, ef um les-
treg börn eða byrjendur er að ræða, er mjög lítil. Mjög
°ft verður hin mikla áherzla prófsins á lestrarhraðann
börnunum aðalatriði á kostnað framsagnar og efnisskiln-
ings. Af þessum ástæðum nær prófið alls ekki réttum til-