Æskan - 01.11.1970, Síða 65

islenzku börnin ganga inn á leikvanginn.
einnig frá Búlgaríu. Sigurður sagSi okkur að hugsa heim til is-
lands meðan við værum að keppa, þá myndum við ná betri ár-
angri.
Mótið hófst með skrúðgöngu inn á íþróttavöllinn. Lúðrasveit
lék og tvö norsk börn kveiktu eld á vellinum, sem logaði báða
mótsdagana. Lítil norsk börn færðu erlendu þátttakendunum fal-
lega minjagripi frá Kóngsbergi. Síðan hófst keppnin. María keppti
í 60 m hlaupi og varð nr. 4—7 af 80 keppendum. Hún hljóp á
8,8 sek., en sigurvegarinn á 8,7 sek. Keppendur í langstökki
voru 73 og hlaut Friðjón 5. verðlaun. Hann stökk tvívegis 4,69 m,
en sigurvegarinn 4,91 m. Við vorum öll himinlifandi yfir árangrin-
um, sem var miklu betri en við höfðum þorað að vona fyrir
keppnina.
Um kvöldið voru afhent verðlaun á skemmtisamkomu í kvik-
myndahúsinu.
Ég held, að okkur sé óhætt að fullyrða, að mest hafi þar verið
klappað fyrir íslenzku gestunum!
Við vorum mjög þreytt um kvöldið, en Sigurður nuddaði okkur
aftur, og um morguninn var öll þreyta horfin.
Nú var komin ausandi rigning og áhorfendur voru fáir, þegar
keppnin hófst síðari daginn. Okkur gekk ekki heldur eins vel og
fyrri daginn. Friðjón náði 13.—20. bezta tímanum I 60 m hlaupinu
af 80 keppendum, en María hitti aldrei á plankann í langstökkinu.
En við vorum engu að síður ánægð með árangur okkar i heild.
Síðast kepptum við í boðhlaupi, og sigraði okkar sveit.
Við fórum með sama bílnum aftur til Oslóar eftir að hafa þakkað
vel fyrir okkur.
Þangað komum við seint um kvöldið og var enginn timi til
annars en að fá sér ærlega að borða og fara síðan í háttinn.
Við vorum vakin kl. 7 um morguninn, því að flugvélin átti að
fara kl. 9.30 frá Osló til Reykjavikur. Þegar við stigum upp I
flugvélina, sáum við, að þar var komin Guðríður Þorbjarnardóttir
til að flytja okkur heim aftur.
Til Keflavíkur komum við um miðjan dag, en flugvélin stoppaði
í Kaupmannahöfn á leiðinni.
Við vorum fegin að koma heim aftur, en þessi skemmtilega
ferð mun seint gleymast. Við viljum þakka að lokum Frjáls-
íþróttasambandi íslands og Loftleiðum fyrir ferðina og Sigurði
fyrir ágæta fararstjórn. Norðmönnum þökkum við að sjálfsögðu
síðast fyrir ógleymanlegar móttökur.
María og Friðjón.
Ein isöld jarðar hófst fyr-
ir um það bil 50.000 árum. is-
breiðan þakti nær 27.820.000
ferkílómetra af Norður-Ameriku
og náði yfir öll ríkin eða hluta
þeirra á meginlandi Ameríku.
Wisconsinríki, í miðhluta
Bandaríkjanna, var eitt þeirra
ríkja, sem þaktist ísi algjörlega.
Nýlega hefur verið gerður þar
fyrsti lystigarðurinn til að
vernda og sýna ummerki jökul-
aldarinnar.
CJ? ° •
613