Almanak Ólafs S. Thorgeirssonar - 01.01.1938, Page 109

ALMANAK 1938
109
14 S. 7, 1-6, en hafði heimili hjá móður sinni og
bræðrum, og vann ýmsa vinnu er fyrir féll. Var
snemma lagtækur og kom það sér vel við byggingar
á frumbýlis árunum, var hann atorkumaður hinn
mesti. Um það leyti er Stefán bróðir hans flutti á
sitt land, (er fyr segir), keypti Tr. einnig land í
grend við bróður sinn af Mennoníta, og unnu þeir
það í fél. bræðurnir, og mun Stefán hafa tekið það á
leigu eftir að búið var að undirbúa það til akuryrkju.
Árið 1902—3 keypti Tr. þreskivél í félagi við Gunn-
laug Árnason. Hafði Tr. þá lært gufuvélafræði og
þresktu þeir félagar í mörg ár; síðar seldi hann
Gunnlaugi sinn part.
Árið 1905 fór T. ásamt nokkum öðrum íslend-
ingum héðan, til McKenzie County, N. Dak., og nam
þar land 1 grend við Arnegard, P. 0. Þar dvaldi
hann af og til unz 1911,að hann fékk eignarbréf fyrir
landinu, og mun hafa selt það stuttu síðar. Eftir
það vann hann á ýmsum stöðum hér í bygð, við
smíðar og fleira. í kringum 1919 bætti Tr. við sig
öðru landi (N.V. 14 S. 14, 1-6).
Árið 1924 gekk hann að eiga Guðnýju Pálínu
Jónsdóttur Þorlákssonar bróðurdóttir Séra Stein-
gríms Þorlákssonar, og settust þau að á síðasttalda
landinu. Leigði Tr. löndin en vann út við smíðar
eingöngu síðustu árin, þar til hann andaðist þann 5.
jan. 1933. Nú býr ekkjan þar áfram, en leigir út
löndin. Þau hjón eignuðust tvö börn sem eru: 1.
Páll; 2. Petrína Louise.
Tryggvi var dugnaðar maður mesti, félagslynd-
ur og drengur hinn bezti. Stuðningsmaður allra ís-
lenzkra félagsmála fyr og síðar, og var öllu því
borgið er hann veitti forstöðu; svoleiðis manna er
jafnan saknað af heilum hug.