Kirkjuritið - 01.10.1954, Page 62

Aðalfundur Prestafélags Suðurlands
Aðalfundur Prestafélags Suðurlands var haldinn að Haukadal
og Skálholti 29. og 30. ágúst 1954.
Sóttu 20 sunnlenzkir prestar fundinn ásamt herra biskupin-
um. Auk þess voru þau gestir fundarins séra Magnús Guðmunds-
son frá Ólafsvík, Ezra Pétursson læknir og frú Millet, starfs-
maður ensku kirkjunnar, sem ávarpaði fundinn.
Er prestarnir höfðu flutt guðsþjónustur tveir og tveir saman
í nærliggjandi kirkjum, söfnuðust þeir saman í gistihúsinu í
Haukadal. Þar fluttu þeir erindi á sunnudagskvöld séra Magnús
Guðmundsson og Ezra Pétursson á vegum „Félags lækna og
presta". Fjölluðu erindi þeirra um geðvernd og sálgæzlu sjúkra.
Næsta dag var að afliðnu hádegi haldið í Skálholt og rætt
aðalmál fundarins: Endurreisn Skálholts. Frummælendur voru
prófessor Sigurbjörn Einarsson og séra Björn Jónsson. Var eftir-
farandi tillaga frummælenda í því máli samþykkt:
„Aðalfundur Prestafélags Suðurlands, haldinn í Haukadal og
Skálholti 29. og 30. ágúst 1954 lýsir yfir þeirri skoðun sinni,
að leggja beri áherzlu á, að hin nýja kirkja, sem áformað er
að reisa í Skálholti, fái í meginatriðum svipmót þeirra dóm-
kirkna, sem áður voru á staðnum. Bendir fundurinn á þá stað-
reynd, að greinilegt samhengi er í stil Skálholtsdómkirkna um
hálfrar 7. aldar skeið og telur, að söguhelgi staðarins krefjist
þess, að tekið sé tillit til og miðað við þessa stílhefð, þegar ný
kirkja er reist á grunni hennar.“
Önnur ályktun um Skálholt var einnig gerð á fundinum a
þessa leið:
„Aðalfundur Prestafélags Suðurlands haldinn í Haukadal og
Skálholti 29. og 30. ágúst 1954 æskir þess, að Skálholt verði
biskupssetur að nýju og kýs þriggja manna nefnd til þess að
athuga í samráði við biskup, hvernig því megi bezt verða fyrir
komið.“
í þá nefnd voru kjörnir séra Sveinbjörn Högnason, séra Sigur-
björn Einarsson og séra Sigurður Pálsson.
Prestarnir róma mjög allan beina og fyrirgreiðslu í gistihús-
inu í Haukadal og eins móttökurnar í Skálholti, og sérstakar