Syrpa - 01.07.1915, Blaðsíða 6

4
SYRPA, I. HEFTI 1915
kirkjuprestur á biskupssetrinu og
var á heimleið frá Torfastöðum í
Biskupstungum, sem ])á var anexía
frá Skálholti. Þeir hreptu hríðar-
byl og lágu úti um nóttina. Er Er-
lendur tók illa að þola, mælti prest-
ur: önnur verður okkar æfi er eg
verð biskup í Skálholti, en þú tengd-
asonur Þorvarðar hins ríka á Möð-
ruvöllum. Erlendur varð seinna
sýslumaður í Rangárvallasýslu. Börn
lians og Guðríðar voru Þorvarður
er seinna varð lögmaður og bjó á
Möðruvöllum, og Vigfús, hirðstjóri
yfir íslandi og Hólmfríður í Dal
undir Eyjafjöllum.
Um 1500 bjó á Hlíöarenda Vigfús
Erlendsson Erlendssonar, lögmaður.
Var hann og síðar hirðstjóri. Tal-
inn var hann mikill höfðingi og
góður læknir. Kona Vigfúsar var
Guðrún Pálsdóttir Jónssonar frá
Skarði á Skarðströnd.
Um og eftir árið 1530 bjó á Hlíð-
arenda Páll Vigfússon Erlendssonar,
lögmaður. Auðmaður mikill. Kona
Páls lögmans var Guðný Jónsdóttir
prest frá Holti undir Eyjafjöllum.
Páll lögmaður át-ti engin börn.
Fyrir og eftir 1570, bjó að Hlíðar-
enda Árni sýslumaður Gíslason frá
Hafgrimsstöðum. Kona Árna var
Guðrún Sæmundsdóttir, Eiríkssonar
frá Ási i Holtum og Guðríðar Vig-
fúsdóttur, hirðstjóra á Illíðarenda.
Áttu þau fjölda barna. Árni Gísla-
son var mikill og merkilegur höfð-
ingi, góðgjarn og vinsæll. Varð
hann einliver kynsælastur maður á
íslandi. Synir Árna voru Gísli
sýslumaður og Hákon sýslumaður í
Klofa, faðir Gísla lögmans í Bræðra-
tungu. Halldóra dóttir Árna á
Illíðarenda átti Guðbrandur Þorlák-
son biskup á Hólum. Afkomendur
Árna Gislasonar urðu einhverjir
þeir allra merkustu á íslandi. Fft’'”
Árna Gíslason bjó á Hliðarenda Gisli
sonur hans, sýslumaður í Rangár-
vallasýslu um aldamótin 1600. Kona
Gísla var Ragnhildur Guðmunds-
dóttir frá Eyri við Seyðisfjörð.
Eftir Gísla Árnason bjó á Hlíðar-
enda Þorleifur Magnússon, sýslu-
maður í Rangárvallasýslu, sonur
Magnúsar hins prúða, Jónssonar i
Bæ á Rauðasandi. Kona Þorleifs
var Gróa Gísladóttir, Árnasonar, fyr-
irrennara hans. Þorleifur var
höfðingi mikill, sem þeir aðrir
frændur hans, afkomendur Jóns
Magnússonar á Svalbarði.
Eftir Þorleif kom að Hlíðarenda
Gísli Magnússon sýslumaður, sem
ýmist var kallaður hinn vísi eða
lærði. Gísli var einhver hin mesti
höfðingi og besti á íslandi um sína
daga. Hann bjó á Hlíðarenda um
1660. Ræktaði liann þar korn sem
ekki þektist þar áður, síðan um
daga Gunnars. Gísli var kvæntur
Þrúði Þorleifsdóttur Magnússonar,
einkadóttir þeirra var Guðriður
kona Þórðar biskups Þorlákssonar
í Skálholti. Á efri árum sínum flutti
Gisli Magnússon að Skalliolti til
Þórðar biskups og Guðríðar dóttur
sinnar, þótti hann þar vera staðar-
prýði og hrókur als fagnaðar.
Eftir Gísla Magnússon hinn visa
tók við búi'á Hliðarenda Brynjólfur
Thorlacíus dóttursonur hans. Var
faðir hans Þórður biskup Thorláks-
son í Skálholti.
Brynjólfur Thorlacíus bjó á Hlið-
arenda fyrir og cftir 1700. Kona
hans var Jórunn Skúladóttir frá
Grenjaðarstað, bræðrunga hans.
Brynjólfur Thorlacíus var vænn að
álitum og hinn tigulegasti. Var hann