Tímarit lögfræðinga - 01.12.1983, Blaðsíða 77
11. ALBERT OG LE COMPTE. 50. GR. (BÆTUR).
Dómur 24. október 1983. Aðildarríki: Belgía. Efnisdómur var kveð-
inn upp 10. febrúar 1988 af mannréttindadómstólnum fullskipuðum,
sjá hér að framan. Þessi dómur var einnig kveðinn upp af deild 7
dómara.
I. Mál dr. Albert. — Kærandinn krafðist miskabóta, en talið var,
að sanngjarnar bætur fælust í niðurstöðu efnisdómsins.
II. Mál dr. Le Compte.
1. Mannréttindadómstóllinn var ekki bær til að gefa ríkisstjórn Belg-
íu fyrirmæli um að fella niður agaviðurlög og refsidóm eða um að aftur-
kalla almenn fyrirmæli frá dómsmálaráðherra landsins.
2. Ekki var talið, að orsakasamband væri milli þess brots, sem í
efnisdómi var talið hafa verið framið gegn mannréttindasáttmálanum,
og tjóns af völdum afturköllunar á lækningaleyfi.
3. Kærandi átti rétt á bótum vegna alls kostnaðar við málarekstur
sinn fyrir Hæstarétti Belgíu og í Strassbourg, en tekið var fram, að
síðarnefndan kostnað yrði að meta á sanngirnisgrundvelli.
III. Niðurstaða: Ríkissjóður Belgíu skyldi greiða tiltekna fjárhæð
vegna málskostnaðar kærenda, en kröfum þeirra var að öðru leyti
hafnað.
I dómnum var vísað til 3 eldri dóma.
12. FOTI OG FLEIRI. 50. GR. (BÆTUR).
Dómur 21. nóvember 1983. Aðildarríki: Italía. Efnisdómur var kveð-
inn upp 10. desember 1982 af sjö manna deild, sjá hér að framan. Þessi
dómur var einnig upp kveðinn af deild 7 dómara.
I. Mál Foti og Lentini.
Sátt hafði tekist milli þessara manna og ítölsku ríkisstjórnarinnar
og taldi mannréttindadómstóllinn hana sanngjarna.
Niðurstaða: Málið var fellt niður að því er þessa menn varðaði.
II. Mál Gulli.
1. Fjárkröfur kæranda sjálfs. — Gulli hafði fengið atvinnu fyrir
milligöngu ríkisstjórnarinnar og taldi það fullnægjandi. Hið sama taldi
mannréttindadómstóllinn.
279