Tímarit lögfræðinga - 01.12.1983, Blaðsíða 67

3. CAMPBELL OG COSANS. 50. GR. (BÆTUR).
Dómur 22. mars 1983. Aðildarríki: Bretland. Efnisdómi 25. febrúar
1982 er lýst hér að framan. Eins og þá fjallaði deild 7 dómara um bóta-
hlið málsins.
I. Fjártjón og miski.
1. Hafnað var eins og á stóð kröfum frú Campbell um bætur, þ. á m.
vegna persónulegra útgjalda og kostnaðar af að senda börn hennar í
einkaskóla.
2. Hafnað var miskabótakröfum frú Cosans, þar sem efnisdómurinn
25. febrúar 1982 var í sjálfu sér hæfilegt úrræði til að veita uppreisn
að þessu leyti.
3. Jeffrey Cosans, sem hafði verið vísað úr skóla, hélt því fram, að
það hefði leitt til þess að hann lauk ekki námi og að atvinnumöguleikar
hans hefðu orðið verri en ella. Mannréttindadómstóllinn komst að
þeirri niðurstöðu, að pilturinn hefði orðið fyrir nokkrum miska, en
brottvikningin hefði ekki verið aðalorsök atvinnuörðugleikanna. Kröf-
ur hans voru aðeins teknar til greina að hluta.
II. Kröfur frú Campbell og frú Cosans végna kostnaðar við mála-
reksturinn í Strassbourg voru aðeins teknar til greina að hluta.
III. Það var ekki á valdsviði dómstólsins að sinna þeirri kröfu frú
Campbell að leggja fyrir breska ríkið að lýsa því yfir, að börn hennar
þyrftu ekki að sæta líkamlegum hegningum í skóla.
IV. Niðurstaða: Bretlandi var gert að greiða tilteknar fjárhæðir
vegna fjártjóns og miska og málskostnaðar, en kröfum ýmist vísað frá
eða hafnað ella.
I dómi mannréttindadómstólsins var vísað til 7 eldri dóma.
4. SILVER OG FLEIRI.
Dómur 25. mars 1983. Aðildarríki: Bretland. Málinu var vísað til
dómstólsins 18. mars 1981 af mannréttindanefndinni. Dómur var kveð-
inn upp af deild 7 dómara. Mál þetta snerist um eftirlit með bréfa-
skiptum fanga.
I. Afmörkun málefnisins.
269