Tímarit lögfræðinga - 01.10.2002, Qupperneq 39

4.2.2 Umsýsla við upplýsingagjöf
Ákvörðun um skráningu verðbréfa er mjög þýðingarmikil fyrir starfsemi
félags. Segja má að félagið verði almenningseign og þurfa stjómendur skráðra
félaga að uppfylla ýmsar skyldur um upplýsingagjöf til markaðarins. Þessar
skyldur hafa ýmislegt óhagræði í för með sér því að stjómendur geta ekki sjálfir
ráðið hvort og hvenær upplýsingar fara á markaðinn. Birta verður bæði
hagstæðar og óhagstæðar rekstramiðurstöður. Tilkynna verður um áföll í starf-
semi félagsins sem aftur kunna að skaða samkeppnisstöðu þess og eftir atvikum
draga úr tekjum eða hagnaði.
Þá verða stjómendur skráðra félaga að vera mjög vel meðvitaðir um með-
ferð trúnaðarupplýsinga og upplýsinga um viðkvæm mál í starfsemi félagsins.
Gæta verður að því að upplýsingar sem geta haft áhrif á verð bréfa séu birtar í
samræmi við reglur þannig að fjárfestar hafi jafnan aðgang að þeim.
4.2.3 Kostnaður við skráningu
Undirbúningsvinnunni fylgir verulegur kostnaður. Greiða þarf sérfræðing-
um fyrir aðstoðina, auk þess sem tími stjómenda fyrirtækis er dýrmætur. Þá
koma til skráningar- og árgjöld sem greiða þarf til kauphalla. Um gjöld þessi
má vísa til gjaldskrár Kauphallar íslands hf. Viðvarandi upplýsingaskyldu
fylgir einnig kostnaður, bæði vegna tíma starfsmanna og ráðgjafar sérfræðinga.
4.2.4 Krafa um arðsemi
Opinber skráning verðbréfa félags leiðir jafnan til frekari þrýstings á stjóm-
endur um að félagið skili arði. Verðbréfamarkaðurinn metur frammistöðu stjóm-
enda félags á hverjum degi með því að ákveða gengi á verðbréfum fyrirtækja.
Þessi þrýstingur leiðir til þess að hætta er á að skammtímasjónarmið um arð-
semi verði tekin fram yfir langtímaáætlanir. Til þess að standa undir væntingum
um arðsemi hafa stjómendur stundum gripið til þess að selja eignir til þess að
fá fram söluhagnað í reikningum félagsins. í sumurn tilvikum kann að vera
álitamál hvort slíkar ráðstafanir séu heppilegar fyrir félagið þegar til lengri tíma
er litið. Þótt þessi þrýstingur á arðsemi kunni að vera óheppilegur að vissu
marki verður hins vegar að telja að kostir hans, þ.e. að tryggja að stjómendur
leggi sig alla fram við að skila árangri, vegi upp ókostina.
5. UAGAUMHVERFI
Reglur sem fjalla um opinbera skráningu félaga eru nokkuð umfangsmiklar
og hafa verið settar af mismunandi aðilum. í núgildandi kauphallalögum er
einkum fjallað um opinbera skráningu verðbréfa í IV. kafla laganna. Þar eru sett
fram meginskilyrði þess að félag geti fengið verðbréf skráð í kauphöll og
jafnframt hvenær skilyrði eru til að fella skráningu niður. Að öðru leyti gera
lögin ráð fyrir því að nánari reglur um opinbera skráningu verðbréfa verði
settar, annars vegar með reglugerð, sbr. 42. gr. khl., og hins vegar með reglum
sem viðkomandi kauphöll setur sér sjálf, sbr. 17. gr. khl.
233