Tímarit lögfræðinga - 01.10.2002, Side 55

8.4 Skilyrði fyrir skráningu hlutdeildarskírteina
Fjallað er um skilyrði skráningar hlutdeildarskírteina í IV. kafla reglna KI nr.
2 og IV. kafla skráningarreglugerðar nr. 434/1999. Skilyrðin eru í höfuðatriðum
tvö. Verðbréfasjóðurinn sem gefur út hlutdeildarskírteinin þarf að hafa starfs-
leyfi og áætlað markaðsverðmæti sjóðsins skal að lágmarki vera 100 milljónir
króna. I reglunum er ekki með berum orðum gerð krafa um skráningu allra hlut-
deildarskírteina þótt líklegt verði að telja að KÍ myndi almennt gera það að skil-
yrði skráningar.
Að auki þarf að fullnægja sömu skilyrðum og við útgáfu hlutabréfa og
skuldabréfa um gerð samnings við KI og leggja fram skráningarlýsingu. Árs-
reikningar og samþykktir Jrurfa að vera aðgengilegar almenningi án endur-
gjalds, sbr. 23. gr. reglna KI nr. 2 og 13. gr. skráningarreglugerðar nr. 434/1999.
8.5 Skilyrði fyrir skráningu annarra verðbréfa
í V. kafla reglna KÍ nr. 2 og V. kafla skráningarreglugerðar nr. 434/1999 er
fjallað sérstaklega um skilyrði fyrir skráningu annarra verðbréfa. Dæmi um
aðrar tegundir af verðbréfum sem tíðkast að sækja um skráningu á í erlendum
kauphöllum eru ýmiss konar afleiður og framvirkir samningar. Má þar t.d.
nefna kauprétt að hlutabréfum og framvirka samninga um kaup á vörum. Regl-
urnar eru fábrotnar en meginskilyrði fyrir skráningu annarra verðbréfa er að
hlutabréf viðkomandi félags þurfa að vera skráð á opinberum eða viður-
kenndum markaði. Um skilyrði fyrir skráningu er að öðru leyti vísað til reglna
sem gilda almennt um skráningu verðbréfa og kauphöllin ákveður að rétt sé að
beita. Ástæðan fyrir þessum fábrotnu reglum er sú að ekki hefur reynt á skrán-
ingu annarra verðbréfa hér á landi og því ekki tilefni til þess að útfæra sérstakar
reglur.
9. SKRÁNINGARLÝSING
9.1 Inngangur
Kauphallalögin nr. 34/1998 setja það sem skilyrði fyrir opinberri skráningu
verðbréfa í kauphöll að lögð sé fram skráningarlýsing,41 sbr. 1. tl. 1. mgr. 17.
gr. Hins vegar er engar reglur að finna í lögunum um gerð eða efni
skráningarlýsinga. í VII. kafla skráningarreglugerðarinnar nr. 434/1999 er að
finna ýmsar reglur um efni skráningarlýsinga, birtingu þeirra og ábyrgð á upp-
lýsingum sem koma fram í þeim o.fl. Með reglugerðinni fylgja fjórir viðaukar
sem hafa að geyma gátlista um efni skráningarlýsinga. Viðauki I fjallar um efni
skráningarlýsingar hlutabréfa, viðauki II um skuldabréf og viðauki III um
heimildarskírteini fyrir hlut. í viðauka IV er hins vegar að finna reglur um
41 Á enskri tungu eru notuð yfir skráningarlýsingu hugtökin „listing particulars“ skv. 20. grein
kauphallatilskipunar nr. 2001/34/EC og „prospectus" í bandarísku lagamáli, sbr. Hazen: The Law
°f Securities Regulation, bls. 92.
249