Tímarit lögfræðinga - 01.10.2002, Page 56

undanþágur frá birtingu skráningarlýsinga og heimildir til að takmarka efni
skráningarlýsinga við tiltekna þætti. Þá er að finna í VII. kafla reglna KÍ nr. 2.
um skráningu verðbréfa á Kauphöll íslands hf. ákvæði um skráningarlýsingar.
Reglumar endurspegla þær reglur sem gilda um gerð og efni skráningar-
lýsinga hjá Evrópusambandinu og koma fram í áðurgreindri kauphallatilskipun
nr. 2001/34/EC.42
Viðaukarnir sem fylgja reglugerðinni eru nánast alveg samhljóða viðaukum
sem fylgja tilskipuninni en þó með örlitlum staðfærslum. Samkvæmt þessu eru
reglur sem gilda um skráningarlýsingar samkvæmt íslenskum rétti samræmdar
rétti Evrópusambandsins.
Aður en lengra er haldið er rétt að skoða nánar hugtakið skráningarlýsing og
bera það saman við hugtakið útboðslýsing. Skráningarlýsing er heiti sem notað
er yfir upplýsingagagn sem útgefendum verðbréfa er skylt að gefa út í tengslum
við opinbera skráningu verðbréfa í kauphöll hvort sem slíkri skráningu fylgir
útboð á nýjurn verðbréfum eða ekki. Utboðslýsing er hins vegar upplýsinga-
gagn sem skylt er að gefa út í tengslum við almennt útboð skv. 25. gr. laga nr.
13/1996 um verðbréfaviðskipti og reglugerð um útboð nr. 477/2001. Sam-
kvæmt 28. gr. þeirra laga hefur Fjármálaeftirlitið umsjón með gerð útboðs-
lýsinga en getur falið það verkefni öðrum aðila. Minni kröfur er gerðar til efnis
útboðslýsinga en skráningarlýsinga og geta því skráningarlýsingar komið í stað
útboðslýsinga.
9.2 Almennt um tilgang skráningarlýsinga og efni
Grundvallarmarkmiðið að baki gerðar skráningarlýsinga er að tryggja að
fjárfestar fái allar þær upplýsingar um útgefandann og verðbréfin sem nauðsyn-
legar eru til þess að þeir geti myndað sér skoðun um virði verðbréfanna, sbr. 1.
mgr. 17. gr. skráningarreglugerðar nr. 434/1999 og 27. gr. reglna KÍ nr. 2. Skrán-
ingarlýsingunni er ætlað að tryggja gagnsæi með því að gefa upplýsingar um
stöðu útgefandans, áhættuþætti í rekstri útgefanda, framtíðaráform og þau rétt-
indi sem fylgja hinum skráðu verðbréfum.43
Annað meginsjónarmið sem liggur til grundvallar reglunum um skráningar-
lýsingar er að hún geti verið eina upplýsingagagnið sem fjárfestar þurfi til að
byggja afstöðu sína til verðmætis verðbréfanna. Til þess að tryggja þetta hafa
verið settar reglur um birtingu skráningarlýsingar og aðrar auglýsingar útgef-
enda í tengslum við skráningu sem vikið verður að síðar.
Þá er lögð áhersla á að upplýsingar í skráningarlýsingunni séu hlutlægar og
tæmandi um þau atriði sem kunna að skipta máli við mat á útgefandanum og
verðbréfunum, meðal annars með því að leggja ábyrgð á ýmsa aðila sem koma
42 Sjá Official Journal of the European Communities 2001 (L184), bls. 1.
43 í enskum rétti er það orðað þannig að í skráningarlýsingunni eigi að koma fram þær upplýsingar
sem ætla má að fjárfestar og ráðgjafar óski eftir og þeir megi vænta að sé að finna í slíkum gögnum.
sbr. Paul L. Davies og D.D. Prentice: Gowers’s Principles of Modem Company Law, bls. 407.
250