Árbók Háskóla Íslands - 01.04.1967, Síða 36

34
skil milli þeirra, er Ijúka vilja menntaskólanámi án þess að
hefja háskólanám, og hinna, er stunda vilja slíkt nám. Æski-
legt er, að stúdentar fari ekki til erlendra háskóla, fyrr en þeir
hafa verið eitt ár hér við háskólann, miðað við þá breytingu,
sem hér var drepið á. Ég hygg, að unnt sé fyrir allan betri
hluta námsmanna að skila námsefni, sem ekki veitti lakari
undirbúning að háskólanámi en núverandi stúdentspróf hér á
landi, á mun skemmri tíma en þeim, sem nú er tíðkanlegur,
enda komi til nokkur tilfærsla í námsefni og einbeittara skóla-
starf og meiri sveigjanleiki í skólakerfi en nú er, þar sem veitt
sér meira svigrúm til að taka tillit til námsgetu að ráðum
sérfræðinga og skólamanna. Ég get aðeins drepið nánar á fá-
ein atriði þessa máls. Ég hefi fylgzt undanfarin ár með náms-
efni barna í barnaskólum og á fræðsluskyldustigi. Langt er
frá því, að ég sé talsmaður þess, að börnum sé ofþjakað með
námi, en hitt er ekki síður varhugavert að ætla börnum óeðli-
lega lítil verkefni. Ég kemst ekki hjá því að benda á, að svo
er þessu farið t. d. með 9 og 10 ára börn í barnaskólum. Eftir
mínum skilningi er fullkomlega verjandi að ætla meðalgreindu
barni að skila því námsefni, sem nú dreifist á þessi tvö ár, á
einu ári, væntanlega þó með örlítilli tilfærslu á námsefni 8 og
11 ára bekkja. Tungumál er byrjað að kenna skaðlega seint
hér á landi, og ætla ég, að með því að hefja kennsluna 2 árum
fyrr, geti nemendur hagnýtt sér nálega jafn mikið námsefni
og nú er gert til stúdentsprófs, þótt stúdentsaldur verði lækk-
aður með þeim hætti, sem vikið var að hér áður. Þess er þó
að geta í því sambandi, að ógerlegt er að halda þeirri stefnu
óbreyttri að kenna jafn mörg erlend tungumál og nú er. Er
ólíkt hyggilegra að kenna þrjú erlend tungumál til nokkurrar
hlítar en fimm tungumál, svo sem nú er gert. Raunvísindanám
þarf einnig að sínu leyti að hefja fyrr en nú er tíðkað, og
má einskis láta ófreistað að bæta menntun kennara í þeim
greinum. Rétt virðist vera að auka fjölbreytni í námsefni og
veita aukinn kost á kjörgreinum, en þó tel ég þá stefnu var-
hugaverða, að nemendur taki að sérhæfa sig snemma, mér
finnst menntaskólanámið eigi fyrst og fremst að stuðla að al-