Búnaðarrit - 01.08.1916, Qupperneq 73

BÚNAÐARRIT
231
náms í Noregi 200 kr., og Lofti Rögnvaldssyni til verk-
legs búnaðarnáms í Danmörku 100 kr.
Yalt.ý Stefánssyni búfræðiskandídat var heitið 600 kr.
styrk á ári í 3 ár til bóklegs og verklegs náms erlendis
í því er lýtur að vatnsveitingum og öðrum mannvirkjum
til jarðræktar. En þann styrk var fyrst byrjað að greiða
á þessu ári.
Gulbrands-hiisagerðin. Búnaðarþingið í fyrra ákvað
að fela Guðjóni Samúelssyni, fræðimanni í húsagerð, að
spyrjast fyrir um þá nýstárlegu húsagerðaraðferð, sem
þá voru nýlega fregnir komnar um hingað. Fór hann
til Noregs meðal annars í þeim erindum, og greiddi því
búnaðarfélagið honum nokkurn hluta ferðakostnaðarins.
Félagið heflr fengið skýrslu frá honum, og er álit hans
um það mál einnig prentað í „ísafold" í vetur. Ekki
hvetur hann til aðgerða í þá átt að svo vöxnu máli, en
telur ástæðu til að gera nokkrar smá-tilraunir með ís-
lenzk húsagerðarefni. Á félagið von á frá honum nánari
tillögum um það mál.
Ljáir. í sambandi við utanför Metúsalems Stefáns-
sonar er þess getið í aðalfundarskýrslu í fyrra, að gerð
hafi verið tilraun til að fá sýnishorn af betri ijáum frá
Bretlandi. Þau tilmæli hafa verið endurnýjuð. Einnig heflr
verið skrifast á við verksmiðju eina í Vesturheimi um
að fá þaðan nokkra ijái til reynslu. Úr hvorugri áttinni
hefir félagið enn fengið sýnishorn. Ekki er þó enn með
öllu vonlaust um þau.
Efnarannsólcnir. Skýrsla um þær er þegar komin
út í Búnaðarritinu, og er hún ekki endurtekin hér.
Tilraunir með ostagerð og smjörgerð. I ársfundar-
skýrslunni 1914 er getið um gráðaostagerð Jóns Guð-
mundssonar á Þorfinnsstöðum, sem búnaðarfélagið hafði
veitt nokkurn styrk til. Tilraunir hans heppnuðust furðu
vel fyrsta árið, miður annað árið, en þriðja árið, 1915,
ágætlega. Tilraunum þessum verður haldið áfram, og