Búnaðarrit - 01.01.1925, Qupperneq 142

134
BÚNAÐARRIT
aö sá í þá, og þar myndast þroskamikill gróður, eí þeir
eru friðaöir (girtir) og sandfokið heft.
Sú jurt, sem mest er ræktuð á söndunum er melur-
inn, blaðkan, sem sumstaðar er nefnd. Það er u n d r a
jurt., sem gerir kraftaverk á söndunum. Mel-
kornið var áður brauðkorn Skaftfellinga, og er notað þar
þann dag í dag.
í sandinum þrífst melurinn vel. Ræturnar verða margir
metrar á lengd og greinast mikið. Grasið verður 1—2
metra hátt, og myndar ágætis slægjur. Af dagsláttunni
fást oft um 10 hestar, og það þótt slegið sje ár eftir ár.
í sandgræðslustöðinni á Reykjum hafa jafnvel fengist 25
hestar af dagsláttu. Það er lík spretta og á bestu túnum.
Þetta er ótrúlegt, en satt. Á hinum gróðursnauðu
söndum myndar melgrasið, áburðarlaust, álíka mikið
fóðurefnamagn, og túngrösin gefa á ræktuðu landi. Þetta
bendir á að sandarnir sjeu frjóir, og melgrasið vel kjörið
til að rækta þar. Á þetta verður því að leggja áherslu.
4. Til bygginga á Stóruvöllum er ætlað alt að kr.
25000,00. Sandgræðslan hefir nú starfað í nær 20 ár.
Á þessum árum hefir unnist töluverð reynsla með eitt
og annað, sem hefir sannað það, að möguleikar eru til
að stöðva sandfok og græða upp sanda. En á
hinn bóginn hafa eigi verið ástæður til, að gera neinar
ítarlegar og ábyggilegar tilraunir. Sandgræðslustaðirnir
eru dreifðir, sandgræðsluvörðurinn verður að ferðast á
milli þeirra og dvelja um tíma á hverjum stað, meðan
verið er að framkvæma aðal-störfin. Flestar tilraunir
þurfa stöðugt eftirlit og athugun, ef ábyggilegar eiga að
vera. Þetta er því að eins framkvæmanlegt, að til sje
ein aðal-stöð, þar sem sandgræðsluvörðurinn sje bú-
settur, og geti haft, eða látið hafa, eftirlit alt árið.
Á Stóruvöllum í Landmannahreppi er ágætlega vel til
fallið að stofna slíka stöð. Þar var áður stórbýli, en er
nú hrörlegt kot. Jörð þessi á um 2330 ha. stórt lands-
svæði. Þar .'af er’ búið að girða] til sandgræðslu um