Dvöl - 01.07.1940, Blaðsíða 50

208
D VÖL
En hann svaraði: Hvorki hefir þessi
maður né foreldrar hans syndgað,
en á honum munu kraftaverk guðs
sannast.
Þetta minnir talsvert á afstöðu
vísindamannsins, sem lítur svo á,
að veikindi séu afleiðing eðlilegra
lögmála og verði því aðeins læknuð
eða fyrirbyggð, er viðkomandi lög-
mál hefir verið útskýrð með rann-
sóknum.
En margt trúað fólk hallast enn-
þá að því áliti, sem Jesús barðist á
móti; og þeir, sem telja sig meira
upplýsta, eru oft lítið betur á vegi
staddir. Margir halda að hægt sé
að koma í veg fyrir sjúkdóma með
því að „hverfa aftur til náttúrunn-
ar“. Ég hygg, að fyrsta skref þess
afturhvarfs væri að leggja niður
klæðnaðinn, en það myndi þegar í
stað hundraðfalda dauðsföll úr tær-
ingu. Vitanlega er vígorðið „til
náttúrunnar aftur“ alger vitleysa.
Menning og villimennska, heilbrigði
og sjúkdómar tilheyra jöfnum
höndum náttúrunni. Að sumu leyti
er menningin slæm fyrir heilbrigð-
ina; en þrátt fyrir það ber öllum
skýrslum saman um það, að menn-
ingarþjóðir verði langlífari en villt-
ar.
Mörgum er það tilfinningamál,
að læknisráð hljóti að vera til við
flestum sjúkdómum. Ef þeir þekktu
til læknisfræði myndi þeim skiljast,
að svo er ekki. Það er hægt að koma
í veg fyrir flesta sjúkdóma, en úr
því þeir eru komnir, þá getur lækn-
irinn í níu tilfellum af hverjum tíu
ekki gert annað en að fyrirskipa
góða hjúkrun og hvíld.
í raun og veru er ástandið í heil-
brigðismálum vorra daga mjög al-
varlegt. Væntanlegur meðalaldur
er svipaður í flestum menningar-
löndum og hefir aukizt á síðustu
50 árum.
Aðalorsökin til þess er útrýming
sjúkdóma, sem berast með neyzlu-
vatni, svo sem kólera, og svo al-
mennari velmegun, sem hefir nærri
útrýmt veikindum af skorti.Lækna-
vísindin eru ennþá að taka fram-
förum, en það er að verða meira
og meira erfitt að hagnýta árang-
ur þeirra í verki.
Það er vitað, hvernig hægt er að
fyrirbyggja smithættu af sárasótt
(sýfilis), en bæði lög og almenn-
ingsálit banna að breiða þá þekk-
ingu út. En sú tilraun að tala svo
um fyrir fólki, að það forðist sam-
neyti, sem sýkingarhætta er af,
virðist lítinn árangur hafa borið
hjá núlifandi kynslóð. Og svo held-
ur þessi sjúkdómur áfram að bana
börnum og fylla fábjánahæli. Það
er líka vitað, hvernig á að lækna
krabbamein í brjósti. Þetta mætti
þó virðast óvænt fullyröing, en
brezkar heilbrigðisskýrslur sýna, að
91% af þeim, sem voru skornir við
brjóstkrabba fyrir 5 árum síðan,
áður en veikin hafði heltekið þá,
eru enn lifandi og hafa ekki kennt
veikinnar aftur. Miklar líkur eru
til að ennþá betri árangur fáist með
geislalækningum, en um það eru
ekki skýrar tölur fyrir hendi. Flest-