Valsblaðið - 01.05.2001, Page 22

3. flokkur karla náði helsta markmiði sumarsins, að vinna sig upp um riðil á íslandsmótinu. Efri röð f.v.: Hreiðar Þórðarson liðs-
stjóri, Gunnlaugur O. Geirsson, Jóhann Björn Valsson, Baldur Þórólfsson, Þórður Steinar Hreiðarsson, Ragnar Örn Kormáksson,
Jón Knútur Jónsson, Þór Steinar Ólafs, Einar Óli Guðmundsson, Þór Hinriksson þjálfari. Fremri röðf.v.: Ari Freyr Skúlason, Ragn-
ar Þór Ragnarsson, Albert Sölvi Óskarsson, Björn Steinar Jónsson, Einar Gunnarsson, Sverrir Norland, Torfi Geir Hilmarsson, El-
var Friðriksson. (Mynd: J.N.)
Loksins hefur verið stigið skrefið til
fulls, að byggja upp Valslið, skipað Vals-
mönnum sem hlotið hafa sitt knatt-
spymu- og félagslega uppeldi að Hlíðar-
enda, auk annarra ungra leikmanna með
rétt hugarfar sem ganga til liðs við Val á
réttum forsendum. Það má alltaf deila
um fortíðina, hvort rétt hafi verið staðið
að málum í einstaka tilfellum. Slíkt stoð-
ar ekkert, nema þá til að læra af biturri
reynslu. Aðalatriðið er að allir Valsmenn
snúi bökum saman og styðji leikmenn,
stjóm og þjálfara í þeirri viðleitni að
koma Val til frambúðar aftur í hóp bestu
knattspymuliða íslands. Og það verður
að hafa það þótt það taki lengri tíma en
eitt ár í þetta skipti. Nú þarf að byggja
upp, leggja undirstöður. Tími uppsker-
unnar kemur síðar!
Hörður Hilmarsson, formaður mfl.ráðs.
Meistaraflokkur kvenna
Árangur meistaraflokks kvenna á ís-
landsmótinu var ekki í samræmi við þær
væntingar sem gerðar vom til liðsins í
upphafi móts. Á undirbúningstímabilinu
hafði liðið spilað ágætis knattspymu
undir stjóm nýs þjálfara, Ásgeirs Páls-
sonar, en hópurinn samanstóð af reynslu-
miklum Valsstúlkum, nýjum andlitum frá
öðrum félögum, stúlkum sem stigið
höfðu sín fyrstu spor í meistaraflokki
sumarið 2000 auk fjölmargra ungra
stúlkna úr 2. flokki félagsins sem börð-
ust af krafti um sæti í liðinu.
Langþráður sigur á Reykjavíkurmót-
inu og 2. sæti í Deildabikarkeppninni gaf
sterklega til kynna að nú væri loksins
komið að Valsstúlkum að sýna að þær
væru tilbúnar til þess að berjast til sigurs
í deildinni í stað þess að enda í 2.-5. sæti
deildarinnar eins og verið hafði síðustu
árin. Islandsmótið hófst á tveimur jafn-
teflisleikjum við verðandi meistara
Breiðabliks og hinar spræku stúlkur í
IBV. Þrátt fyrir að tvö stig úr fyrstu
tveimur leikjunum gegn þessum sterku
andstæðingum væri ekki alsæmt þá var
hins vegar ljóst að gangverk Valsliðsins
var ekki eins og lagt var upp með í upp-
hafi. I byrjun júní tapaði liðið síðan fyrir
Grindavíkurstúlkum sem komið höfðu
mjög á óvart í upphafi mótsins. Segja má
að með 1-0 tapinu gegn Grindavík hafi
óveðursskýin farið að hrannast upp að
Hlíðarenda og þrátt fyrir að sannfærandi
sigur ynnist gegn Stjömunni var samt
eitthvað sem ekki var að ganga upp inni
á leikvellinum.
Þegar leið að júnílokum ákvað þjálfar-
inn að heppilegast væri að nýr aðili kæmi
að liðinu og var því leitað á náðir Ragn-
heiðar Víkingsdóttur, fyrmrn leikmanns
og þjálfara Vals. Liðið átti misjöfnu
gengi að fagna í júlímánuði og var það
ekki fyrr en eftir Verslunarmannahelgi að
liðið fór að sýna sitt rétta andlit. Þegar
upp var staðið hafnaði liðið í 4.-5. sæti
ásamt Stjömunni sem var um 10 stigum
á eftir toppliðum Breiðabliks og KR.
Þegar það varð ljóst að liðið myndi
ekki ná þeim árangri að vera í toppbar-
áttu Islandsmótsins var stefnan sett á að
vinna bikarkeppnina til að bjarga sumr-
inu fyrir félagið og um leið færa Val veg-
lega afmælisgjöf í tilefni af 90 ára af-
mæli félagsins. Þetta gekk eftir og Valur
vann Breiðablik í úrslitaleik bikarkeppn-
innar, 2-0, í eftirminnilegum leik.
Nokkuð var um meiðsli leikmanna í
sumar. Nýjir leikmenn fengu þá tækifæri
jafnframt sem ungar og efnilegar stelpur
úr 2. flokki létu ljós sitt skína og fylltu
fyllilega í skörðin. Það er óhætt að segja
að Valur státi af mjög efnilegu og
skemmtilegu liði sem vonandi á eftir að
færa Val marga góða titla í framtíðinni
og vonandi þarf ekki stórafmæli til næst!
Liðsstjóri í sumar var Erla Sigurbjarts-
dóttir og sjúkraþjálfari Sólveig Stein-
þórsdóttir og skiluðu þær sínu og rúm-
lega það ásamt kvennaráðinu sem var
skipað 8 aðilum sem gerði alla vinnu við
meistara- og 2. flokk kvenna miklu betri
og markvissari en oft áður.
Valur átti fjóra leikmenn í A-landsliðs-
hópi, þær Ásgerði Hildi Ingibergsdóttur,
sem gat þó ekki verið með vegna
meiðsla, Rósu Júlíu Steinþórsdóttur,
Katrínu Heiðu Jónsdóttur og Laufeyju
Jóhannsdóttur. í U-21 árs landslið voru
20
Valsblaðið 2001