Morgunn - 01.06.1996, Blaðsíða 10

MORGUNN
Og Chopra segir: „Við erum öll tengd við ákveðin greind-
armynstur, sem ríkja yfir öllu sköpunarverkinu. Líkami okkar
er hluti af alheimslíkama og hugur okkar er ein hlið á
alheimshuga.“
Til að byrja með, geta þeir sem ná einhverju jafnvægis-
ástandi við þennan alheimshuga með hugleiðsluiðkunum og í
gegnum ayurvedísk fræði komist hjá ýmsum sjúkdómum.
Með því að kafa dýpra ætti að vera hægt að lækna sjúkdómana
og snúa við þróun æxla. Og á endanum, segir Chopra, ættum
við að geta leyst af hólmi öldrunarferlið og geta lifað ham-
ingjusöm og heilsuhraust til 130 ára aldurs. Dauðinn ætti
heldur ekki að vekja ugg í brjósti, því við ættum að skilja eðli
okkar - og sem hluti af alheimsorkunni - erum við ódauðleg.
Þannig er ímynd mannsins af sjálfum sér að breytast mikið
um leið og hugmyndir okkar um alheiminn vfkkar út. Og hefur
það ekki löngum verið sagt að maðurinn sé smækkuð mynd af
alheiminum?
Ágústa Stefánsdóttir
Ritstjóri
8