Morgunn - 01.06.1996, Síða 36

MORGUNN
árangri sínum með ást, samkvæmt rannsóknum. Þessi tegund
bænar hafði ekkert með hugarorku að gera, heldur eru það
hlýjar tilfinningar og ást sem gefa góðan árangur. Tilfinn-
ingaorkan í bæn kemur innan frá sjálfum okkur og ekki
eitthvað sem við tökum inní okkur utanfrá. Það er okkar ást,
okkar samhygð, okkar einlægni og velvilji í garð náungans
sem gildir. Tilfinning er áþreifanleg og raunveruleg engu síður
en hugsun og er orka í sjálfu sér. Við erum skapandi afl í gegn-
um tilfinningar okkar engu síður en með hugsunum okkar.
Ef við áttum okkur til fulls á hve mikil áhrif okkar eru bæði
með hugsunum okkar og tilfinningum, þá hljótum við að finna
til ábyrgðar. Neikvæðni hefur alveg jafnmikil áhrif og það
jákvæða, og ómeðvitað erum við öll að senda út bæði
jákvæðni og neikvæðni tilviljunarkennt í allar áttir. Einn dagur
undir stýri í umferðinni er gott dæmi fyrir flest okkar.
Stöðugleiki og sjálfsagi eru mikilvægir þættir fyrir þá sem
hyggjast þróa þessa tegund bænar.
I þriðja lagi eru dulrænir kraftar vaktir í bæn. í því felst t.d.
skyggni, dulheyrn, hlutskyggni og ýmiss konar dulskynjanir
og hjálp að handan í bænum og áhrifum þeirra. Erfitt hefur
reynst hjá vísindamönnum að mæla og einangra þessa þætti frá
öðrum þáttum og e.t.v. er það ógerlegt. En svo mikið er víst, að
dulrænn næmleiki helst í hendur við hæfileikann til að fá
innblástur og að tengjast innsæinu, að fá leiðbeiningar frá og
samband við framliðna.
Spámenn allra alda, andlegir kennarar og dulfræðingar,
heilarar og sjáendur í gegnum tíðina og í öllum löndum heims
hafa alltaf haldið því fram að framliðnir andar og kraftar að
handan geti haft áhrif á okkur.
Kristnir menn trúa því að framliðinn Jesús og móðir hans
geti heyrt bænir þeirra og hjálpað þeim. Margir trúa á verndar-
engla. Ótalmargt fólk hefur líka fundið fyrir nálægð blessunar
og hjálp frá látnum ástvinum.
Þessi tegund bænar krefst viss undirbúnings og þróunar.
34